ಅಕ್ರಮವಾಗಿ ನಡೆಯುತ್ತಿದ್ದ ಸಾಮಿಲ್'ಗಳಿಗೆ ಬಿತ್ತು ಬೀಗ: 5 ಫ್ಯಾಕ್ಟರಿಗಳಿಗೆ ಬೀಗ ಜಡಿದ ಜಿಲ್ಲಾಡಳಿತ

ಕಾಫಿನಾಡು ಚಿಕ್ಕಮಗಳೂರಿನಲ್ಲಿ ಇತ್ತೀಚೆಗೆ ಅದೆಷ್ಟೋ ಸಾಮಿಲ್​'ಗಳು ಅಕ್ರಮವಾಗಿ ತಲೆ ಎತ್ತಿಕೊಂಡಿದ್ದವು. ಕಾಫಿ ತೋಟದ ನಡುವೆ ಬೆಳೆಸುವ ಸಿಲ್ವರ್​ ಮರಗಳನ್ನು ಇಲ್ಲಿ ಕುಯ್ದು ಪ್ಲೈವುಡ್ ತಯಾರಿಕೆ ನಡೆಯುತ್ತಿತ್ತು. ಯಾವುದೇ ಅಧಿಕೃತ ಅನುಮತಿ ಪಡೆಯದೇ ಕೃಷಿ ಭೂಮಿಯಲ್ಲೇ ಪ್ಲೈವುಡ್ ಕಾರ್ಖಾನೆ ನಡೆಯುತ್ತಿತ್ತು. ಚಿಕ್ಕಮಗಳೂರಿನ ತೇಗೂರು ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಇರುವ ಸುಮಾರು 7 ಸಾಮಿಲ್ ಗಳಿಗೆ ನೋಟೀಸ್ ಕೊಟ್ಟಿದ್ರು. ಹೀಗಿದ್ರೂ  ಕ್ಯಾರೇ ಎನ್ನದ ಸಾಮಿಲ್​ಗಳ ಬಾಗಿಲಿಗೆ ಸರಪಳಿ ಎಳೆದು ಬೀಗ ಜಡಿಯಲಾಯಿತು.

ಚಿಕ್ಕಮಗಳೂರು(ಅ.16): ಕಾಫಿನಾಡಲ್ಲಿ ಸಾಮಿಲ್​'ಗಳದ್ದೇ ಕಾರುಬಾರು. ಅಕ್ರಮವಾಗಿ ನಾಯಿಕೊಡೆಗಳಂತೆ ತಲೆ ಎತ್ತಿತ್ತು. ಆದ್ರೆ ಇಂತಹ 5 ಅಕ್ರಮ ಕೈಗಾರಿಕೆಗೆ ಜಿಲ್ಲಾಡಳಿತ ಶಾಕ್​ ನೀಡಿದೆ. ಅಕ್ರಮ ಚಟುವಟಿಕೆಗೆ ಭರ್ಜರಿಯಾಗಿ ಬೀಗ ಬಿದ್ದಿದೆ.

ಕಾಫಿನಾಡು ಚಿಕ್ಕಮಗಳೂರಿನಲ್ಲಿ ಇತ್ತೀಚೆಗೆ ಅದೆಷ್ಟೋ ಸಾಮಿಲ್​'ಗಳು ಅಕ್ರಮವಾಗಿ ತಲೆ ಎತ್ತಿಕೊಂಡಿದ್ದವು. ಕಾಫಿ ತೋಟದ ನಡುವೆ ಬೆಳೆಸುವ ಸಿಲ್ವರ್​ ಮರಗಳನ್ನು ಇಲ್ಲಿ ಕುಯ್ದು ಪ್ಲೈವುಡ್ ತಯಾರಿಕೆ ನಡೆಯುತ್ತಿತ್ತು. ಯಾವುದೇ ಅಧಿಕೃತ ಅನುಮತಿ ಪಡೆಯದೇ ಕೃಷಿ ಭೂಮಿಯಲ್ಲೇ ಪ್ಲೈವುಡ್ ಕಾರ್ಖಾನೆ ನಡೆಯುತ್ತಿತ್ತು. ಚಿಕ್ಕಮಗಳೂರಿನ ತೇಗೂರು ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಇರುವ ಸುಮಾರು 7 ಸಾಮಿಲ್ ಗಳಿಗೆ ನೋಟೀಸ್ ಕೊಟ್ಟಿದ್ರು. ಹೀಗಿದ್ರೂ  ಕ್ಯಾರೇ ಎನ್ನದ ಸಾಮಿಲ್​ಗಳ ಬಾಗಿಲಿಗೆ ಸರಪಳಿ ಎಳೆದು ಬೀಗ ಜಡಿಯಲಾಯಿತು.

ಇಲ್ಲಿ ಸಾಮಿಲ್'ಗಳನ್ನು ನಡೆಸುತ್ತಿರವರೆಲ್ಲಾ ಬಹುತೇಕ ಆಂಧ್ರಪ್ರದೇಶ ಮೂಲದವರು. ದಶಕಗಳಿಂದ ಇಲ್ಲಿಯೇ ಮರದ ವ್ಯಾಪಾರ ಮಾಡಿಕೊಂಡಿದ್ದಾರೆ. ಸುಮಾರು 5 ಎಕರೆ ಗೋಮಾಳ ಪ್ರದೇಶದಲ್ಲಿ ಅನಧಿಕೃತವಾಗಿ ಕಾರ್ಖಾನೆ ನಡೆಸುತ್ತಿದ್ದರು. ಇಲ್ಲಿನ ಐದು ಕಾರ್ಖಾನೆಗಳು ಲೈಸನ್ಸ್​ ಪಡೆದಿಲ್ಲ, ಕಂದಾಯ ಕಟ್ಟಿಲ್ಲ, ಕಟ್ಟಡ ಪರವಾನಿಗೆ ಪಡೆದಿಲ್ಲ. ಪಂಚಾಯ್ತಿಗೆ ಅಭಿವೃದ್ದಿ ಶುಲ್ಕ ಕಟ್ಟಿಲ್ಲ. ಭೂ ಪರಿವರ್ತನೆ ಆಗಿಲ್ಲ. ಕೈಗಾರಿಕ ಅನುಮೋಧನೆ ನಕ್ಷೆ ಪಡೆದಿಲ್ಲ. ಹೋಗ್ಲಿ ಪಂಚಾಯ್ತಿಯಿಂದ ಖಾತೆ ಸಹ ಪಡೆದಿಲ್ಲ. ಇಷ್ಟಲ್ಲದೇ ಕೆಲವು ಕೋಟಿಗಳಷ್ಟು ತೆರಿಗೆ ಬಾಕಿ, ವಿದ್ಯುತ್​ ಬಿಲ್​ ಬಾಕಿ ಇಟ್ಟಿದ್ದರು.

ಒಟ್ಟಾರೆ ಯಾವುದೇ ಕಾನೂನು ಕ್ರಮ ಪಾಲಿಸದೆ, ಸರ್ಕಾರಿ ಗೋಮಾಳ ಮತ್ತು ಕೃಷಿ ಜಾಗದಲ್ಲಿ ಕೈಗಾರಿಕೆ ಸ್ಥಾಪಿಸಿ, ಸರ್ಕಾರದ ಬೊಕ್ಕಸಕ್ಕೆ ಮೋಸ ಮಾಡ್ತಿದ್ದ 5 ಪ್ಯಾಕ್ಟರಿಗಳಿಗೆ ಬೀಗ ಬಿದ್ದಿದೆ.