'ರಾಜಕುಮಾರ' ಸಿನಿಮಾ ಟಿಕೆಟ್'ಗೆ ಶೇ.50 ರಿಯಾಯಿತಿ; ನಿರ್ಮಾಪಕರ ಬಂಪರ್ ಗಿಫ್ಟ್
ಸಾರಾಂಶ
ಸಂತೋಷ್ ಆನಂದರಾಮ್ ನಿರ್ದೇಶನದ "ರಾಜಕುಮಾರ" ಚಿತ್ರ ಗಲ್ಲಾಪೆಟ್ಟಿಗೆಯಲ್ಲಿ ದೊಡ್ಡ ಹಿಟ್ ಆಗಿದೆ. ಅಷ್ಟೇ ಅಲ್ಲ, ಸಿನಿಮಾ ವಿಮರ್ಶಕರಿಂದಲೂ ಒಳ್ಳೆಯ ಸ್ಟಾರ್ ಪಡೆದಿದೆ.
ಬೆಂಗಳೂರು(ಏ. 23): ಪುನೀತ್ ರಾಜಕುಮಾರ್ ಅಭಿನಯದ "ರಾಜಕುಮಾರ" ಸಿನಿಮಾವನ್ನು ಇನ್ನೂ ವೀಕ್ಷಿಸಿಲ್ಲವೇ? ಒಮ್ಮೆ ನೋಡಿ ಮತ್ತೊಮ್ಮೆ ನೋಡುವ ಹುಮ್ಮಸ್ಸಿನಲ್ಲಿದ್ದೀರಾ? ಇಲ್ಲಿದೆ ನಿಮಗೆ ಒಳ್ಳೆಯ ಅವಕಾಶ. ನಾಳೆ, ಸೋಮವಾರ ರಾಜಕುಮಾರ ಚಿತ್ರವನ್ನು ಅರ್ಧಬೆಲೆಗೆ ನೋಡಿ ಆನಂದಿಸಿ. ವರನಟ ಡಾ| ರಾಜಕುಮಾರ್ ಅವರ ಜನ್ಮದಿನವಿರುವ ಹಿನ್ನೆಲೆಯಲ್ಲಿ "ರಾಜಕುಮಾರ" ಸಿನಿಮಾ ಪ್ರದರ್ಶನವಾಗುತ್ತಿರುವ ಚಿತ್ರಮಂದಿರಗಳಲ್ಲಿ ಶೇ.50ರಷ್ಟು ಬೆಲೆ ಕಡಿತ ಮಾಡಲಾಗಿದೆ. ಚಿತ್ರದ ನಿರ್ಮಾಪಕ ವಿಜಯ್ ಕಿರಗಂದೂರು ಇಂಥದ್ದೊಂದು ಆಫರನ್ನು ಜನರಿಗೆ ನೀಡಿದ್ದಾರೆ. ರಾಜ್ಯಾದ್ಯಂತ ರಾಜಕುಮಾರ ಪ್ರದರ್ಶನಗೊಳ್ಳುತ್ತಿರುವ ಎಲ್ಲಾ ಥಿಯೇಟರ್'ಗಳಲ್ಲಿ ಟಿಕೆಟ್ ಬೆಲೆ ಶೇ.50ರಷ್ಟು ಕಡಿಮೆ ಇರಲಿದೆ. ನಾಳೆ ಒಂದು ದಿನ ಮಾತ್ರ ಈ ಆಫರ್ ಇರುತ್ತದೆ.
ಸಂತೋಷ್ ಆನಂದರಾಮ್ ನಿರ್ದೇಶನದ "ರಾಜಕುಮಾರ" ಚಿತ್ರ ಗಲ್ಲಾಪೆಟ್ಟಿಗೆಯಲ್ಲಿ ದೊಡ್ಡ ಹಿಟ್ ಆಗಿದೆ. ಅಷ್ಟೇ ಅಲ್ಲ, ಸಿನಿಮಾ ವಿಮರ್ಶಕರಿಂದಲೂ ಒಳ್ಳೆಯ ಸ್ಟಾರ್ ಪಡೆದಿದೆ. ಚಿತ್ರ ನೋಡಿದ ರಾಘವೇಂದ್ರ ರಾಜಕುಮಾರ್ ಅವರಂತೂ ತಮ್ಮ ತಂದೆಯ ನೆನಪಿನಿಂದ ಭಾವೋದ್ವೇಗಗೊಂಡಿದ್ದುಂಟು.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.