ಬೆಂಗಳೂರು ಯುವತಿಯರೇ ಎಚ್ಚರ..! ಎಂಟ್ರಿಯಾಗಿದ್ದಾನೆ ಮತ್ತೊಬ್ಬ ಸೈಕೋಪಾತ್..!

ಕೆಲ ದಿನಗಳ ಹಿಂದಷ್ಟೇ ಬೆಂಗಳೂರಿನಲ್ಲಿ ಸೈಕೋಪಾತ್ ಸುದ್ದಿಯಾಗಿತ್ತು. ಇದೀಗ  ಅದೇ ರೀತಿಯಾದ  ಇನ್ನೋರ್ವ ಸೈಕೋಪಾತ್ ಎಂಟ್ರಿಯಾಗಿದ್ದಾನೆ.

ಬೆಂಗಳೂರು (ಜ.17): ಕೆಲ ದಿನಗಳ ಹಿಂದಷ್ಟೇ ಬೆಂಗಳೂರಿನಲ್ಲಿ ಸೈಕೋಪಾತ್ ಸುದ್ದಿಯಾಗಿತ್ತು. ಇದೀಗ  ಅದೇ ರೀತಿಯಾದ  ಇನ್ನೋರ್ವ ಸೈಕೋಪಾತ್ ಎಂಟ್ರಿಯಾಗಿದ್ದಾನೆ.

ಇಲ್ಲಿನ ಬೈಯಪ್ಪನಹಳ್ಳಿಯ ಮೆಟ್ರೋ ಕ್ವಾಟ್ರಸ್’ಗೆ ನುಗ್ಗಿ ಭಯ ಹುಟ್ಟಿಸಿದ್ದಾನೆ. ಮೂವರು ಯುವತಿಯರು ವಾಸವಿದ್ದ ಕ್ವಾಟ್ರಸ್’ಗೆ ನುಗ್ಗಿ ಈ ಸೈಕೋಪಾತ್ ವಿಚಿತ್ರವಾಗಿ ವರ್ತಿಸಿದ್ದಾನೆ.

ಜನವರಿ 10ನೇ ತಾರಿಕು ಮಧ್ಯರಾತ್ರಿ 2 ಗಂಟೆ ಸುಮಾರಿಗೆ ಕ್ವಾಟ್ರಸ್’ಗೆ ನುಗ್ಗಿರುವುದು ಇದೀಗ ಬೆಳಕಿಗೆ ಬಂದಿದೆ.

ಯುವತಿಯರು ಮಲಗಿದ್ದಾಗ ಅವರ ಬಳಿ ದೆವ್ವದಂತೆ ಕತ್ತಲ ಕೋಣೆಯಲ್ಲಿ ಚಾಕು ಹಿಡಿದು ನಿಂತಿದ್ದ.  ಈ ವೇಳೆ ಆ ಮೂವರು ಯುವತಿಯರು ಆತನನ್ನು ಪ್ರಶ್ನೆ ಮಾಡಿದ್ದಾರೆ. ಈ ವೇಳೆ ಆತ ತಾನು ವಾಚ್’ಮನ್ ಎಂದು ಹೇಳಿಕೊಂಡಿದ್ದು, ನಂತರ ತಾನು ಕಳ್ಳ ಎಂದು ಹೇಳಿದ್ದಾನೆ. ಅಲ್ಲದೇ ಈ ವೇಳೆ ಯುವತಿಯರ ಒಳ  ಉಡುಪುಗಳನ್ನು ತೆಗೆದುಕೊಂಡು ಅಸಹ್ಯವಾಗಿ ವರ್ತಿಸಿದ್ದಾನೆ.