ಪಾಸ್'ಪೋರ್ಟ್ ಜನನ ದಿನಾಂಕ ಬದಲಾವಣೆ ಸುಲಭ
ಸಾರಾಂಶ
ಈ ಹಿಂದೆ ಪಾಸ್ಪೋರ್ಟ್ ನೀಡಿದ ಐದು ವರ್ಷಗಳೊಳಗಾಗಿ ಮಾತ್ರ ಜನನ ದಿನಾಂಕ ಬದಲಾಯಿಸಿಕೊಳ್ಳಲು ಅವಕಾಶವಿತ್ತು.
ನವದೆಹಲಿ(ಡಿ.11): ಪ್ರಸ್ತುತ ಇರುವ ಪಾಸ್ಪೋರ್ಟ್ಗಳಲ್ಲಿನ ಜನನ ದಿನಾಂಕ ಬದಲಾವಣೆ ನಿಯಮವನ್ನು ಸಡಿಲಗೊಳಿಸಲಾಗಿದೆ. ಅಲ್ಲದೆ ಪಾಸ್ಪೋರ್ಟ್ಗೆ ಸಂಬಂಧಿಸಿದ ಇತರ ಕೆಲವು ನಿಯಮಗಳನ್ನೂ ಇನ್ನಷ್ಟು ಸುಲಭವಾಗಿಸಲು ಸರ್ಕಾರ ನಿರ್ಧರಿಸಿದೆ. ಡಿಜಿಟಲ್ ಸಹಿ ಮಾಡಲಾದ ವಿವಾಹ ಮತ್ತು ಜನನ ದೃಢೀಕರಣ ಪತ್ರಗಳನ್ನು ವಿವಾಹ ಮತ್ತು ಜನನ ದಿನಾಂಕಗಳಿಗೆ ಸಾಕ್ಷಿಯಾಗಿ ಬಳಸಿಕೊಳ್ಳಲು ಸರ್ಕಾರ ಅನುಮತಿ ನೀಡಿದೆ.
ಪಾಸ್ಪೋರ್ಟ್ ವಿತರಣಾ ಪ್ರಾಧಿಕಾರ (ಪಿಐಎ)ದ ಮಾರ್ಗಸೂಚಿಗಳನ್ನು ಪರಿಷ್ಕರಿಸಲಾಗಿದ್ದು, ಪಾಸ್ಪೋರ್ಟ್ ನೀಡಿದ ಯಾವುದೇ ಸಮಯದ ಬಳಿಕವಾದರೂ ಜನನ ದಿನಾಂಕ ಬದಲಾಯಿಸಿಕೊಳ್ಳಬಹುದು ಎಂದು ಹೊಸ ಮಾರ್ಗಸೂಚಿಯಲ್ಲಿ ತಿಳಿಸಲಾಗಿದೆ. ಈ ಹಿಂದೆ ಪಾಸ್ಪೋರ್ಟ್ ನೀಡಿದ ಐದು ವರ್ಷಗಳೊಳಗಾಗಿ ಮಾತ್ರ ಜನನ ದಿನಾಂಕ ಬದಲಾಯಿಸಿಕೊಳ್ಳಲು ಅವಕಾಶವಿತ್ತು. ಅಲ್ಲದೆ ಅದನ್ನು ಬದಲಾಯಿಸಿಕೊಳ್ಳಲು ದೀರ್ಘಕಾಲದ ಪ್ರಕ್ರಿಯೆ ನಡೆಯುತ್ತಿತ್ತು ಮತ್ತು ಹಲವಾರು ದಾಖಲೆಗಳನ್ನು ಸಿದ್ಧಪಡಿಸಬೇಕಾಗುತ್ತಿತ್ತು.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.