ಚುನಾವಣೆಗಾಗಿ 100 ಎಕರೆ ಮಾರಿದ ಕರ್ನಾಟಕದ ಈ ರಾಜಕಾರಣಿ ! ?

ಕಳೆದ ಬಾರಿ ಪ್ರಾದೇಶಿಕ ಪಕ್ಷದಿಂದ ಸ್ಪರ್ಧಿಸಿ ಪರಾಭವಗೊಂಡಿದ್ದ ಇವರು, ಈ ಬಾರಿ ರಾಷ್ಟ್ರೀಯ ಪಕ್ಷದ ಅಭ್ಯರ್ಥಿಯಾಗಿ ಸ್ಪರ್ಧಿಸುತ್ತಿದ್ದಾರೆ

ಚುನಾವಣೆ ಹತ್ತಿರವಾಗುತ್ತಿದ್ದಂತೆ ಪೈಪೋಟಿ ತೀವ್ರಗೊಂಡಿದ್ದು, ಜಿಲ್ಲೆಯ ರಾಜಕಾರಣಿಯೊಬ್ಬರು ಚುನಾವಣೆಗಾಗಿಯೇ ತಮ್ಮ 100 ಎಕರೆ ಜಮೀನನ್ನು ಮಾರಾಟ ಮಾಡಿದ್ದಾರೆ.

ಚುನಾವಣೆ ಹಿನ್ನೆಲೆಯಲ್ಲಿ ಮತದಾರರಿಗೆ ಭರವಸೆಗಳ ಜೊತೆಗೆ ‘ಕನಕ’ವೃಷ್ಟಿಯನ್ನೇ ಹರಿಸಲಾಗುತ್ತಿದೆ. ಚುನಾವಣೆ ದಿನ ಇನ್ನೂ ಘೋಷಣೆಯಾಗದಿದ್ದರೂ ಶಾಸಕ‘ಗಿರಿ’ಗಾಗಿ ಭಾರಿ ಕಸರತ್ತು ನಡೆದಿದೆ. ಹೀಗಾಗಿ, ಚುನಾವಣೆಗೆ ಈ ರಾಜಕಾರಣಿ ತಮ್ಮ 100 ಎಕರೆ ಜಮೀನನ್ನು ಎಕರೆಗೆ ತಲಾ 6-15 ಲಕ್ಷ ರು.ನಂತೆ ಮಾರಾಟ ಮಾಡಿದ್ದಾರೆ. ಈ ಮೊತ್ತವೇ 12-15 ಕೋಟಿ ಆಗುತ್ತದೆ. ಈಗಾಗಲೇ 100 ಎಕರೆ ಜಮೀನು ಮಾರಾಟದ ವ್ಯವಹಾರ ಕುದುರಿದ್ದು, ಚುನಾವಣೆ ವೇಳೆ ಈ ಹಣವನ್ನು ಭೂಮಿ ಖರೀದಿಸಿರುವವರು ನೀಡಬೇಕೆಂಬ ಷರತ್ತು ಆಗಿದೆ.

ಈ ಹಣವನ್ನು ಚುನಾವಣೆ ವೇಳೆ ವೆಚ್ಚ ಮಾಡಲು ಆ ರಾಜಕಾರಣಿ ಸಜ್ಜಾಗಿದ್ದಾರೆ. ಈ ವಿಚಾರವೀಗ ಭಾರಿ ಚರ್ಚೆಗೆ ಗ್ರಾಸವಾಗಿದ್ದು, ಚುನಾವಣೆಗೂ ಪೂರ್ವದಲ್ಲಿಯೇ ಆಸ್ತಿ ಮಾರಿರುವುದು ಅಚ್ಚರಿಗೆ ಕಾರಣವಾಗಿದೆ. ಕಳೆದ ಬಾರಿ ಪ್ರಾದೇಶಿಕ ಪಕ್ಷದಿಂದ ಸ್ಪರ್ಧಿಸಿ ಪರಾಭವಗೊಂಡಿದ್ದ ಇವರು, ಈ ಬಾರಿ ರಾಷ್ಟ್ರೀಯ ಪಕ್ಷದ ಅಭ್ಯರ್ಥಿಯಾಗಿ ಸ್ಪರ್ಧಿಸುತ್ತಿದ್ದಾರೆ. ಹಿಂದೆ ಇವರಿದ್ದ ಪ್ರಾದೇಶಿಕ ಪಕ್ಷವೂ ಅದೇ ರಾಷ್ಟ್ರೀಯ ಪಕ್ಷದಲ್ಲಿ ವಿಲೀನವಾಗಿರುವುದರಿಂದ ಇವರಿಗೆ ಟಿಕೆಟ್ ಸಿಗುವುದು ಖಚಿತವಾಗಿದೆ. ಈ ಬಗ್ಗೆ ಬಹಿರಂಗ ವೇದಿಕೆಯಲ್ಲೇ ಘೋಷಣೆಯೂ ಆಗಿದೆ. ಹೀಗಾಗಿ, ಏನಾದರೂ ಆಗಲಿ ಈ ಬಾರಿ ಗೆಲ್ಲಲೇಬೇಕು ಎಂದು ಈಗಲೇ ಜಮೀನು ಮಾರಿದ್ದಾರೆ. ಈ 100 ಎಕರೆ ಜಮೀನಿನಲ್ಲಿ 70 ಎಕರೆ ಸ್ವಂತದ್ದಾಗಿದ್ದರೆ, ಉಳಿದ ಜಮೀನುಗಳು ಸಂಬಂಧಿಕರು, ಸ್ನೇಹಿತರಿಗೆ ಸೇರಿದವಾಗಿವೆ. ಕೊಪ್ಪಳದ ನೆರೆಯ ಜಿಲ್ಲೆಯವರೇ ಆಗಿರುವ ಅಭ್ಯರ್ಥಿಗೆ ಅಲ್ಲಿಯೇ ಈ ಆಸ್ತಿ ಇತ್ತು ಎನ್ನಲಾಗಿದೆ.

ಕುದುರೆ ವ್ಯಾಪಾರ: ಕೆಲವು ಮೂಲಗಳ ಪ್ರಕಾರ, ಈ ಕ್ಷೇತ್ರದಲ್ಲಿ ಹರಿಯುತ್ತಿರುವಷ್ಟು ಹಣದ ಹೊಳೆ ಜಿಲ್ಲೆಯ ಯಾವ ಕ್ಷೇತ್ರದಲ್ಲೂ ಹರಿದಾಡುತ್ತಿಲ್ಲ ಎನ್ನಲಾಗಿದ್ದು, ಈಗ ತಾವು ಜಮೀನು ಮಾರಾಟ ಮಾಡಿರುವ ಹಿನ್ನೆಲೆಯಲ್ಲಿ ಯುವಕರು ಹಾಗೂ ಮುಂಚೂಣಿ ಮುಖಂಡರನ್ನು ಖರೀದಿಸುವ ಕುದುರೆ ವ್ಯಾಪಾರವನ್ನೂ ಜೋರಾಗಿಯೇ ನಡೆಸಿದ್ದಾರೆ. ಜೊತೆಗೆ ಕ್ಷೇತ್ರದ ಹಲವಾರು ಅಭಿವೃದ್ಧಿ

- ಸೋಮರಡ್ಡಿ ಅಳವಂಡಿ, ಕೊಪ್ಪಳ