ಶಿವಮೊಗ್ಗದಲ್ಲಿ ಕಲ್ಲು ಮಣ್ಣು ಹೊರುತ್ತಿರುವ ಪೊಲೀಸರು; ಇನ್ನೂ ಇದೆಯಾ ಜೀತಪದ್ಧತಿ?

ಶಿವಮೊಗ್ಗದ ಮಾಚೇನಹಳ್ಳಿಯ ಕೆಎಸ್'ಆರ್'ಪಿ ಬಟಾಲಿಯನ್'ನಲ್ಲಿ ಈ ಹೀನ ಕೃತ್ಯ ನಡೆದಿದ್ದು ಅಲ್ಲಿನ ಪೊಲೀಸ್ ಪೇದೆಗಳನ್ನು ಕಲ್ಲು ಎತ್ತಿಹಾಕೋಕೆ, ಮಣ್ಣು ಹೊರೋಕೆ ಬಳಸಿಕೊಳ್ಳಲಾಗಿದೆ.. ಕೆಎಸ್'ಆರ್'ಪಿ ಕಮಾಂಡೆಂಟ್ ಈ ರೀತಿ ಪೊಲೀಸ್ ಪೇದೆಗಳಿಗೆ ನಿತ್ಯ ಕಿರುಕುಳ ನೀಡುತ್ತಿರುವ ಆರೋಪ ಕೇಳಿ ಬರ್ತಿದೆ.

ಶಿವಮೊಗ್ಗ(ಆ. 30): ಸರ್ಕಾರ ಎಷ್ಟೇ ಕಟ್ಟು ನಿಟ್ಟಿನ ಕಾನೂನು ಕ್ರಮ ಜರುಗಿಸಿದ್ರೂ ಕರ್ನಾಟಕ ಪೊಲೀಸರ ಜೀತಪದ್ದತಿ ಇನ್ನೂ ನಿಂತಂತೇ ಕಾಣ್ತಿಲ್ಲ.. ಶಿವಮೊಗ್ಗದಲ್ಲಿ ನಮ್ಮ ನಿಮ್ಮೆನ್ನೆಲ್ಲಾ ಕಾಯೋ ಪೊಲೀಸರನ್ನು ಜೀತಕ್ಕೆ ಇರಿಸಿಕೊಳ್ಳಲಾಗಿದೆ.. ಈ ಬಗ್ಗೆ ಸುವರ್ಣನ್ಯೂಸ್ ಬಳಿ ಎಕ್ಸ್'ಕ್ಲೂಸಿವ್ ದೃಶ್ಯ ಸುವರ್ಣನ್ಯೂಸ್'ಗೆ ಲಭ್ಯವಾಗಿದೆ.. ಶಿವಮೊಗ್ಗದ ಮಾಚೇನಹಳ್ಳಿಯ ಕೆಎಸ್'ಆರ್'ಪಿ ಬಟಾಲಿಯನ್'ನಲ್ಲಿ ಈ ಹೀನ ಕೃತ್ಯ ನಡೆದಿದ್ದು ಅಲ್ಲಿನ ಪೊಲೀಸ್ ಪೇದೆಗಳನ್ನು ಕಲ್ಲು ಎತ್ತಿಹಾಕೋಕೆ, ಮಣ್ಣು ಹೊರೋಕೆ ಬಳಸಿಕೊಳ್ಳಲಾಗಿದೆ.. ಕೆಎಸ್'ಆರ್'ಪಿ ಕಮಾಂಡೆಂಟ್ ಈ ರೀತಿ ಪೊಲೀಸ್ ಪೇದೆಗಳಿಗೆ ನಿತ್ಯ ಕಿರುಕುಳ ನೀಡುತ್ತಿರುವ ಆರೋಪ ಕೇಳಿ ಬರ್ತಿದೆ. ಅಲ್ಲದೆ ಕಷ್ಟವನ್ನು ಹೇಳಿಕೊಳ್ಳಲು ಬಂದ ಪೊಲೀಸ್ ಪೇದೆಯೊಬ್ಬನ ಮೇಲೆ ಹಲ್ಲೆಗೂ ಯತ್ನಿಸಿದ್ದಾರೆ.. ಹಲ್ಲೆಗೆ ಯತ್ನಿಸಿ ಆ ಪೇದೆಯನ್ನು ತಳ್ಳಾಡಿರುವ ಸಿಸಿಟಿವಿ ದೃಶ್ಯಗಳನ್ನು ಸುವರ್ಣನ್ಯೂಸ್'ನಲ್ಲಿ ಪ್ರಸಾರ ಮಾಡಲಾಗಿದೆ. ಆರ್ಡರ್ಲಿ ಪದ್ಧತಿಯನ್ನು ನಿಷೇಧ ಮಾಡಿರುವ ಸರ್ಕಾರಕ್ಕೆ ಇದು ಕಣ್ಣಿಗೆ ಬೀಳಲಿಲ್ವಾ ಅನ್ನೋ ಪ್ರಶ್ನೆ ಇದೀಗ ಕಾಡ್ತಿದೆ. ಇನ್ನು ಕಂಡು ಕೂಡ ಹಿರಿಯ ಅಧಿಕಾರಿಗಳು ಸುಮ್ನೆ ಇದ್ದಾರಾ ಅನ್ನೋ ಪ್ರಶ್ನೆ ಕಾಡ್ತಿದೆ.