1.37 ಕೋಟಿ ಹಣದೊಂದಿಗೆ ಪರಾರಿಯಾಗಿದ್ದ ಚಾಲಾಕಿ ಚಾಲಕನ ಬಂಧನ!

1.37 ಕೋಟಿ ಹಣವಿದ್ದ ವಾಹನದೊಂದಿಗೆ ನಾಪತ್ತೆಯಾಗಿದ್ದ ಚಾಲಾಕಿ ಚಾಲಕನ ಪತ್ತೆಯಾಗಿದ್ದು, ಪೊಲೀಸರು ಆರೋಪಿ ಡೊಮಿನಿಕ್'ನನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಕೆ.ಆರ್​​.ಪುರಂನ ಟಿನ್​ ಫ್ಯಾಕ್ಟರಿ ಬಳಿ ಈ ಪ್ರಕರಣದ ಆರೋಪಿ ಚಾಲಾಕಿ ಚಾಲಕ ಡೊಮಿನಿಕ್'ನನ್ನು ಉಪ್ಪಾರಪೇಟೆ ಪೊಲೀಸರು ಬಂಧಿಸಿದ್ದು, ಪೊಲೀಸ್ ಆಯುಕ್ತ ಚರಣ್ ರೆಡ್ಡಿ ಈ ಕುರಿತಾಗಿ ಸ್ಪಷ್ಟನೆ ನೀಡಿದ್ದಾರೆ.

ಬೆಂಗಳೂರು(ನ.29): 1.37 ಕೋಟಿ ಹಣವಿದ್ದ ವಾಹನದೊಂದಿಗೆ ನಾಪತ್ತೆಯಾಗಿದ್ದ ಚಾಲಾಕಿ ಚಾಲಕನ ಪತ್ತೆಯಾಗಿದ್ದು, ಪೊಲೀಸರು ಆರೋಪಿ ಡೊಮಿನಿಕ್'ನನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಕೆ.ಆರ್​​.ಪುರಂನ ಟಿನ್​ ಫ್ಯಾಕ್ಟರಿ ಬಳಿ ಈ ಪ್ರಕರಣದ ಆರೋಪಿ ಚಾಲಾಕಿ ಚಾಲಕ ಡೊಮಿನಿಕ್'ನನ್ನು ಉಪ್ಪಾರಪೇಟೆ ಪೊಲೀಸರು ಬಂಧಿಸಿದ್ದು, ಪೊಲೀಸ್ ಆಯುಕ್ತ ಚರಣ್ ರೆಡ್ಡಿ ಈ ಕುರಿತಾಗಿ ಸ್ಪಷ್ಟನೆ ನೀಡಿದ್ದಾರೆ.

ಡೊಮಿನಿಕ್'ನನ್ನು ಪತ್ತೆ ಹಚ್ಚಲು ಪೊಲೀಸರ ನಾಲ್ಕು ತಂಡಗಳು ಕಾರ್ಯಾಚರಣೆಗಿಳಿದಿದ್ದರು. ಈ ಸಂಬಂಧ ಆರೋಪಿಯ ಪತ್ನಿ ಎಲ್ವಿನ್'​ಳನ್ನೂ​ ನಿನ್ನೆ ಬಂಧಿಸಲಾಗಿತ್ತು. ನವೆಂಬರ್​ 23ರಂದು ATM ಹಣ ಸಾಗಿಸುವ ವಾಹನದ ಚಾಲಕ ಡೊಮಿನಿಕ್1.37 ಕೋಟಿ ಹಣದೊಂದಿಗೆ ಪರಾರಿಯಾಗಿದ್ದ.

ಮರುದಿನ ಗಾಡಿಯಲ್ಲಿ ಕೇವಲ 40 ಲಕ್ಷ ಉಳಿಸಿ ಇದನ್ನು ವಸಂತನಗರದ ಮೌಂಟ್​ ಕಾರ್ಮೆಲ್​ ಕಾಲೇಜು ಬಳಿ ಬಿಟ್ಟು ಉಳಿದ 92 ಲಕ್ಷದೊಂದಿಗೆ ಪರಾರಿಯಾಗಿದ್ದ. ಪತ್ನಿ ಎಲ್ವಿನ್'ಳಿಂದ ಈಗಾಗಲೇ 79.8 ಲಕ್ಷ ಹಣವನ್ನು ವಶಪಡಿಸಿಕೊಂಡಿದ್ದು, 8 ಲಕ್ಷವನ್ನು ತಾವು ಪಡೆದಿದ್ದ ಸಾಲ ತೀರಿಸಲು ಉಪಯೋಗಿಸಿದ್ದೇವೆ ಎಂದಿದ್ದಾರೆ.

ಸದ್ಯ ಈ ಪ್ರಮುಖ ಆರೋಪಿಯನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿರುವ ಪೊಲೀಸರು ಉಳಿದ 14 ಲಕ್ಷ ಹಣ ಪತ್ತೆಗಾಗಿ ತನಿಖೆ ಮುಂದುವರೆಸಿದ್ದಾರೆ.