ಅವರು ನನ್ನ ಪಾಲಿನ ಪ್ರಭು ಶ್ರೀರಾಮ: ಜಶೋಧಾಬೆನ್..!
ಸಾರಾಂಶ
ಮೋದಿ ನನ್ನ ಪಾಲಿನ ಪ್ರಭು ಶ್ರೀರಾಮ ಮೋದಿ ಪತ್ನಿ ಜಶೋಧಾಬೆನ್ ಹೇಳಿಕೆ ಮಧ್ಯಪ್ರದೇಶ ರಾಜ್ಯಪಾಲೆ ಆನಂದಿಬೆನ್ ಪಟೇಲ್ ಹೇಳಿಕೆಗೆ ಗರಂ ಜಶೋಧಾಬೆನ್ರನ್ನು ಮೋದಿ ಮದುವೆಯಾಗಿಲ್ಲ ಎಂದಿದ್ದ ಆನಂದಿಬೆನ್
ಅಹಮದಾಬಾದ್(ಜೂ.21): ಪ್ರಧಾನಿ ನರೇಂದ್ರ ಮೋದಿ ತಮ್ಮ ಪಾಲಿಗೆ ಪ್ರಭು ಶ್ರೀರಾಮ ಇದ್ದಂತೆ ಎಂದು ಮೋದಿ ಪತ್ನಿ ಜಶೋಧಾಬೆನ್ ಹೇಳಿದ್ದಾರೆ. ತಮ್ಮ ಮದುವೆ ಕುರಿತು ಮಧ್ಯಪ್ರದೇಶ ರಾಜ್ಯಪಾಲೆ ಆನಂದಿಬೆನ್ ಪಟೇಲ್ ಆಡಿದ ಮಾತುಗಳು ಜಶೋಧಾಬೆನ್ ಅವರನ್ನು ಕೆರಳಿಸಿದೆ.
ಪ್ರಧಾನಿ ಮೋದಿ ಅವರು ಜಶೋಧಾಬೆನ್ ಅವರನ್ನು ಮದುವೆಯಾಗಿಲ್ಲ ಎಂದು ಮಧ್ಯಪ್ರದೇಶ ರಾಜ್ಯಪಾಲೆ ಆನಂದಿಬೆನ್ ಪಟೇಲ್ ಹೇಳಿದ್ದರು. ಈ ಕುರಿತು ಅಸಮಾಧಾನ ವ್ಯಕ್ತಪಡಿಸಿರುವ ಜಶೋಧಾಬೆನ್, ಇವು ಆನಂದಿಬೆನ್ ಅವರಂತಹ ಪ್ರಬುದ್ಧರು ಆಡುವ ಮಾತುಗಳಲ್ಲ ಎಂದು ಹರಿಹಾಯ್ದಿದ್ದಾರೆ.
2014ರ ಲೋಕಸಭೆ ಚುನಾವಣೆ ಸಂದರ್ಭದಲ್ಲಿ ಖುದ್ದು ಮೋದಿ, ತಾವು ಮದುವೆಯಾಗಿರುವುದಾಗಿ ಚುನಾವಣಾ ಆಯೋಗಕ್ಕೆ ಸಲ್ಲಿಸಿದ ಅರ್ಜಿಯಲ್ಲಿ ತಿಳಿಸಿದ್ದಾರೆ. ಅಲ್ಲದೇ ಜಶೋಧಾಬೆನ್ ತಮ್ಮ ಪತ್ನಿ ಎಂದು ನಮೂದಿಸಿದ್ದಾರೆ. ಈ ವಿಷಯ ಗೊತ್ತಿದ್ದರೂ ಆನಂದಿಬೆನ್ ಪಟೇಲ್ ಈ ರೀತಿಯ ಹೇಳಿಕೆ ನೀಡಿರುವುದು ಸರಿಯಲ್ಲ ಎಂದು ಅವರು ಕಿಡಿಕಾರಿದ್ದಾರೆ.
ಮೋದಿ ತಮ್ಮ ಪಾಲಿಗೆ ಪ್ರಭು ಶ್ರೀರಾಮ ಇದ್ದಂತೆ. ಅವರ ಬಗ್ಗೆ ತಮಗೆ ಯಾವಾಗಲೂ ಹೆಮ್ಮೆ ಮತ್ತು ಗೌರವ ಇದ್ದೇ ಇರುತ್ತದೆ ಎಂದು ಜಶೋಧಾಬೆನ್ ಹೇಳಿದ್ದಾರೆ. ಆದರೆ ಯಾರಾದರೂ ಅವರ ಮದುವೆ ವಿಷಯ ಪ್ರಸ್ತಾಪಿಸಿ ತಮ್ಮನ್ನು ಇರುಸುಮುರುಸು ಮಾಡಿದರೆ ತಾವು ಸುಮ್ಮನಿರಲ್ಲ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.