ನೌಕಾಸೇನೆಗೆ ಮತ್ತೊಂದು ಆನೆ ಬಲ; ದೇಶದ ಹೆಮ್ಮೆ INS ಕಲ್ವಾರಿ ಲೋಕಾರ್ಪಣೆ

ಪ್ರಧಾನಿ ನರೇಂದ್ರ ಮೋದಿ ಮಹತ್ವಾಕಾಂಕ್ಷೆಯ ಯೋಜನೆಯೊಂದನ್ನು ದೇಶಕ್ಕೆ ಸಮರ್ಪಿಸಿದ್ದಾರೆ. ದೇಶೀ ನೀರ್ಮಿತ INS ಕಲಾವರಿ ಸಬ್ ಮರಿನ್'ನನ್ನು ಮುಂಬೈನಲ್ಲಿಂದು ಲೋಕರ್ಪಣೆಗೊಳಿಸಿದ್ದಾರೆ. ಇದರಿಂದ ನೌಕಾಸೇನೆಗೆ ಮತ್ತೊಂದು ಆನೆ ಬಲ ಬಂದಂತಾಗಿದೆ.  

ನವದೆಹಲಿ (ಡಿ.14): ಪ್ರಧಾನಿ ನರೇಂದ್ರ ಮೋದಿ ಮಹತ್ವಾಕಾಂಕ್ಷೆಯ ಯೋಜನೆಯೊಂದನ್ನು ದೇಶಕ್ಕೆ ಸಮರ್ಪಿಸಿದ್ದಾರೆ. ದೇಶೀ ನೀರ್ಮಿತ INS ಕಲಾವರಿ ಸಬ್ ಮರಿನ್'ನನ್ನು ಮುಂಬೈನಲ್ಲಿಂದು ಲೋಕರ್ಪಣೆಗೊಳಿಸಿದ್ದಾರೆ. ಇದರಿಂದ ನೌಕಾಸೇನೆಗೆ ಮತ್ತೊಂದು ಆನೆ ಬಲ ಬಂದಂತಾಗಿದೆ.  

ಫ್ರಾನ್ಸ್ ಸಹಯೋಗದಲ್ಲಿ ಮುಂಬೈ ಮೂಲದ ಎಂಡಿಎಲ್ ಎನ್ನುವ ಕಂಪನಿ ಈ ಸಬ್ ಮರೀನನ್ನು ನಿರ್ಮಿಸಿದೆ. ಸಬ್ ಮರೀನನ್ನು ಲೋಕಾರ್ಪಣೆಗೊಳಿಸಿದ ಪ್ರಧಾನಿ ಮೋದಿ, ಐಎನ್'ಎಸ್ ಕಲ್ವಾರಿ ನಿರ್ಮಾಣದಲ್ಲಿ ಭಾಗಿಯಾದ ಎಲ್ಲಾ ಕೆಲಸಗಾರರಿಗೂ ನನ್ನ ಧನ್ಯವಾದಗಳು. ಅದೇ ರೀತಿ ನಮಗೆ ಸಂಪೂರ್ಣ ಸಹಕಾರ ನೀಡಿದ ಫ್ರಾನ್ಸ್'ಗೂ ಕೂಡಾ ಕೃತಜ್ಞತೆಗಳು. ಭಾರತ-ಫ್ರಾನ್ಸ್ ನಡುವಿನ ಸಹಭಾಗಿತ್ವ ತ್ವರಿತಗತಿಯಲ್ಲಿ ಅಭಿವೃದ್ಧಿಯಾಗುತ್ತಿರುವುದಕ್ಕೆ ಇದೊಂದು ಉದಾಹರಣೆ ಎಂದು ಹೇಳಿದ್ದಾರೆ.

ಇಂದು ನಮ್ಮ ಪಾಲಿಗೆ ಸುದಿನ. ಇಂತಹದ್ದೊಂದು ಐತಿಹಾಸಿಕ ದಿನದಂದು ದೇಶದ ಎಲ್ಲಾ ನಾಗರೀಕರಿಗೂ ಕೃತಜ್ಞತೆಗಳನ್ನು ಅರ್ಪಿಸುತ್ತೇನೆ ಎಂದು ಹೇಳಿದರು.

ಈ ಸಂದರ್ಭದಲ್ಲಿ ರಕ್ಷಣಾ ಸಚಿವೆ ನಿರ್ಮಲಾ ಸೀತಾರಾಮನ್, ಮಹಾರಾಷ್ಟ್ರ ಸಿಎಂ ದೇವೇಂದ್ರ ಫಡ್ನವೀಸ್, ರಾಜ್ಯಪಾಲ ವಿದ್ಯಾ ಸಾಗರ್ ರಾವ್ ಭಾಗಿಯಾಗಿದ್ದರು.