ತಾವೇನು ಮಾತನಾಡಬೇಕೆಂದು ಜನರಿಂದ ಸಲಹೆ ಕೇಳಿದ ಪ್ರಧಾನಿ| ನಿಮ್ಮ ಸಲಹೆಯಂತೆ ಮಾತನಾಡುವೆ ಎಂದ ಪ್ರಧಾನಿ ಮೋದಿ| ಸ್ವಾತಂತ್ರ್ಯೋತ್ಸವ ಭಾಷಣಕ್ಕೆ ಜನರಿಂದ ಸಲಹೆ ಆಹ್ವಾನಿಸಿದ ಪ್ರಧಾನಿ| ಜನ ಸಾಮಾನ್ಯರ ವಿಚಾರಗಳನ್ನು ಈಡೀ ದೇಶಕ್ಕೆ ತಿಳಿಸಲು ಅವಕಾಶ| ನಿಮ್ಮ ಸಲಹೆಗಾಗಿ ನಮೋ ಆ್ಯಪ್ ‘ಓಪನ್ ಫೋರಮ್’ ಪ್ರಾರಂಭ|
ನವದೆಹಲಿ(ಜು.19): ಸ್ವಾತಂತ್ರ್ಯ ದಿನಾಚರಣೆಗಾಗಿ ತಾವು ಮಾಡಲಿರುವ ಭಾಷಣಕ್ಕಾಗಿ ಸಲಹೆ ಕೇಳಿ, ಪ್ರಧಾನಿ ಮೋದಿ ದೇಶದ ಜನರಲ್ಲಿ ಮನವಿ ಮಾಡಿದ್ದಾರೆ. ತಮ್ಮ ಸ್ವಾತಂತ್ರ್ಯೋತ್ಸವ ಭಾಷಣಕ್ಕೆ ಜನರಿಂದ ಸಲಹೆಗಳನ್ನು ಆಹ್ವಾನಿಸುವುದಾಗಿ ಮೋದಿ ತಿಳಿಸಿದ್ದಾರೆ.
ಆಗಸ್ಟ್ 15ರಂದು ಕೆಂಪು ಕೋಟೆಯಲ್ಲಿ ದೇಶವನ್ನು ಉದ್ದೇಶಿಸಿ ತಾವು ಮಾಡುವ ಭಾಷಣಕ್ಕೆ ಜನರಿಂದ ಸಲಹೆಗಳನ್ನು ಬಯಸಿರುವುದಾಗಿ ಮೋದಿ ಹೇಳಿದ್ದಾರೆ. ಜನ ಸಾಮಾನ್ಯರ ವಿಚಾರಗಳನ್ನು ಈಡೀ ದೇಶಕ್ಕೆ ತಿಳಿಸಲು ಅವಕಾಶ ಕಲ್ಪಿಸಲಿರುವುದಾಗಿ ಪ್ರಧಾನಿ ನುಡಿದಿದ್ದಾರೆ.
I am delighted to invite you all to share your valuable inputs for my speech on 15th August.
Let your thoughts be heard by 130 crore Indians from the ramparts of the Red Fort. Contribute on the specially created Open Forum on the NaMo App. https://t.co/seiXlFciCY pic.twitter.com/5OmhYIRVYB
ಈ ಕುರಿತು ಟ್ವೀಟ್ ಮಾಡಿರುವ ಪ್ರಧಾನಿ ಮೋದಿ, ಜನರಿಂದ ಸಲಹೆಗಳನ್ನು ಸ್ವೀಕರಿಸಲು ನಮೋ ಆ್ಯಪ್ ‘ಓಪನ್ ಫೋರಮ್’ ಪ್ರಾರಂಭಿಸಲಾಗಿದೆ ಎಂದು ಮಾಹಿತಿ ನೀಡಿದ್ದಾರೆ.