ಮುಂಬರುವ ಕರ್ನಾಟಕ ವಿಧಾನಸಭಾ ಚುನಾವಣೆ ಬಹಿಷ್ಕರಿಸಲು ಪ್ಲಾನ್!

ಮುಂಬರುವ ಕರ್ನಾಟಕ ವಿಧಾನಸಭಾ ಚುನಾವಣೆ ಬಹಿಷ್ಕರಿಸಲು ಪ್ಲಾನ್ ಮಾಡಲಾಗುತ್ತಿದೆ.  

ಬೆಂಗಳೂರು (ಡಿ.05): ಮುಂಬರುವ ಕರ್ನಾಟಕ ವಿಧಾನಸಭಾ ಚುನಾವಣೆ ಬಹಿಷ್ಕರಿಸಲು ಪ್ಲಾನ್ ಮಾಡಲಾಗುತ್ತಿದೆ.  

ಇವಿಎಂ ವಿಚಾರದಲ್ಲಿ ಬಿಜೆಪಿ ವಿರುದ್ಧ ಮುಗಿ ಬಿದ್ದಿರುವ ವಿಪಕ್ಷಗಳು ಕಾಂಗ್ರೆಸ್​ ಪಕ್ಷವನ್ನೂ ವಿಶ್ವಾಸಕ್ಕೆ ತೆಗೆದುಕೊಳ್ಳಲು ಪ್ರಯತ್ನಿಸುತ್ತಿದೆ. ಎಎಪಿ, ಎಸ್​ಪಿ, ಬಿಎಸ್​ಪಿ, ಟಿಎಂಸಿ, ಆರ್​ಜೆಡಿ ತಂತ್ರಗಾರಿಕೆ ನಡೆಸುತ್ತಿದೆ.  ಆದರೆ ವಿಪಕ್ಷಗಳ ಒತ್ತಡಕ್ಕೆ ಕಾಂಗ್ರೆಸ್​  ಪಕ್ಷ ಸೊಪ್ಪು ಹಾಕುತ್ತಿಲ್ಲ. ಇವಿಎಂನಲ್ಲಿ ಬಿಜೆಪಿ ಪರವಾಗಿಯೇ ಮತ ಬೀಳುತ್ತಿದೆ ಎಂದು ಆರೋಪಿಸಿರುವ ವಿಪಕ್ಷಗಳು  ಕಾಂಗ್ರೆಸ್​ ಪಕ್ಷವನ್ನೂ ವಿಶ್ವಾಸಕ್ಕೆ ತೆಗೆದುಕೊಂಡು ಒಗ್ಗಟ್ಟಿನ ಹೋರಾಟಕ್ಕೆ ತಂತ್ರ ರೂಪಿಸುತ್ತಿವೆ.

ಎಎಪಿ, ಎಸ್​ಪಿ, ಬಿಎಸ್​ಪಿ ಬೇಡಿಕೆಗೆ ಕಾಂಗ್ರೆಸ್ ಪ್ರತಿಕ್ರಿಯಿಸದೇ ಚುನಾವಣೆ ಬಹಿಷ್ಕರಿಸುವ ವಿಚಾರದಲ್ಲಿ  ಮೌನ ವಹಿಸಿದೆ. ಮುಂದಿನ ವರ್ಷ ಮೇ ವೇಳೆಗೆ ಕರ್ನಾಟಕ ವಿಧಾನಸಭಾ ಚುನಾವಣೆ ನಡೆಯಲಿದೆ.