ಈಶ್ವರಪ್ಪ, ಯಡಿಯೂರಪ್ಪ ನಡುವೆ ಬಹಿರಂಗ ಸಮರ

ಬಿ.ಎಸ್ ಯಡಿಯೂರಪ್ಪ ಹಾಗೂ ಕೆಎಸ್ ಈಶ್ವರಪ್ಪ ನಡುವಿನ ಬಹಿರಂಗ ಸಮರದಿಂದ ಇದೀಗ ಬಿಜೆಪಿ ಒಡೆದ ಮನೆಯಾಗಿದೆ. ಶಿಸ್ತಿನ ಪಕ್ಷದಲ್ಲಿ ಅಶಿಸ್ತು ತಾಂಡವಾಡ್ತಿದೆ. ಈ ಬಹಿರಂಗ ಕಿತ್ತಾಟದಿಂದ ಯಾರಿಗೆ ಲಾಭವಾಗುತ್ತದೆ? ಯಾರಿಗೆ ನಷ್ಟವಾಗುತ್ತೆ? ಈಶ್ವರಪ್ಪರಿಗೆ ಬೆಂಬಲ ನೀಡುತ್ತಿರುವವರು ಯಾರು? ಈ ಕುರಿತಾದ ವರದಿ ಇಲ್ಲಿದೆ

ಬೆಂಗಳೂರು(ಎ.28): ಬಿ.ಎಸ್ ಯಡಿಯೂರಪ್ಪ ಹಾಗೂ ಕೆಎಸ್ ಈಶ್ವರಪ್ಪ ನಡುವಿನ ಬಹಿರಂಗ ಸಮರದಿಂದ ಇದೀಗ ಬಿಜೆಪಿ ಒಡೆದ ಮನೆಯಾಗಿದೆ. ಶಿಸ್ತಿನ ಪಕ್ಷದಲ್ಲಿ ಅಶಿಸ್ತು ತಾಂಡವಾಡ್ತಿದೆ. ಈ ಬಹಿರಂಗ ಕಿತ್ತಾಟದಿಂದ ಯಾರಿಗೆ ಲಾಭವಾಗುತ್ತದೆ? ಯಾರಿಗೆ ನಷ್ಟವಾಗುತ್ತೆ? ಈಶ್ವರಪ್ಪರಿಗೆ ಬೆಂಬಲ ನೀಡುತ್ತಿರುವವರು ಯಾರು? ಈ ಕುರಿತಾದ ವರದಿ ಇಲ್ಲಿದೆ

ಈಶ್ವರಪ್ಪ, ಯಡಿಯೂರಪ್ಪ ನಡುವೆ ಬಹಿರಂಗ ಸಮರ

ಬಿ.ಎಸ್ ಯಡಿಯೂರಪ್ಪ ಮತ್ತು ಕೆ.ಎಸ್. ಈಶ್ವರಪ್ಪ ಅಂದರೆ  ಬಿಜೆಪಿಯ ಜೋಡೆತ್ತು ಅಂತಾ ಹೇಳಲಾಗುತ್ತಿತ್ತು. ಆದರೆ ಇತ್ತೀಚಿನ ಕೆಲ ದಿನಗಳಿಂದ ಈ ಇಬ್ಬರು ನಾಯಕರು ಹಾವು-ಮುಂಗುಸಿಯಂತಾಗಿದ್ದಾರೆ. ಬ್ರಿಗೇಡ್ ಶುರುವಾದಾಗಿನಿಂದ  ಇವರಿಬ್ಬರ ಸಂಬಂಧ ಹಳಸುತ್ತಲೇ ಬಂದಿದೆ. ಇದನ್ನು ನೋಡಿದರೆ  ಬಿಜೆಪಿ ಪಕ್ಷ ಮತ್ತೆ ಇಬ್ಭಾಗದ ಹಾದಿ ಹಿಡಿದಿದೆಯಾ ಅನ್ನೋ ಪ್ರಶ್ನೆಯೂ ಎದ್ದಿದೆ. ಪಕ್ಷದ ನಿಷ್ಠರಿಗೆ ಮಣೆ ಹಾಕದಿದ್ದರೆ ನಿಮ್ಮ ಅಧ್ಯಕ್ಷ ಖುರ್ಚಿ ಅಲ್ಲಾಡುತ್ತದೆ ಎನ್ನುವ ಎಚ್ಚರಿಕೆಯನ್ನು ಈಶ್ವರಪ್ಪ ನೀಡಿದ್ದರೆ, 'ಸುಮ್ಮನಿದ್ದರೆ ಪಕ್ಷದಲ್ಲಿ ಇರಿ. ಇಲ್ಲವಾದಲ್ಲಿ ಪಕ್ಷ ಬಿಟ್ಟು ತೊಲಗಿ' ಎನ್ನುವ ಸಂದೇಶವನ್ನು ಬಿಎಸ್​ವೈ ರವಾನಿಸಿದ್ದಾರೆ.

ಬಿಎಸ್​ವೈ ವಿರುದ್ಧ  ಬಹಿರಂಗವಾಗಿಯೇ ವಾಗ್ದಾಳಿ ನಡೆಸುತ್ತಿರುವ ಹಿಂದೆ  ರಾಷ್ಟ್ರೀಯ ಸಂಘಟನಾ ಕಾರ್ಯದರ್ಶಿ ಸಂತೋಷ್ ಅವರ ಬೆಂಬಲ ಇದೆ ಎಂದು ಹೇಳಲಾಗುತ್ತಿದೆ. ಖುದ್ದು ಯಡಿಯೂರಪ್ಪ ಅವರೇ ಈ ಮಾತು ಹೇಳಿದ್ದಾರೆ.  ಇನ್ನೂ ಇವತ್ತಿನ ಸಭೆ ಮೂಲಕ  ಈಶ್ವರಪ್ಪ ಪಕ್ಷದ ಅಧ್ಯಕ್ಷ ಹಾಗೂ ಸಿಎಂ ಸ್ಥಾನಕ್ಕೆ ನಾನು ರೆಡಿ ಎನ್ನುವ ಸಂದೇಶವನ್ನು  ರವಾನಿಸುವ ಮೂಲಕ ಯಡಿಯೂರಪ್ಪನವರೇ ಸೂಕ್ತ ಸಮಯದಲ್ಲಿ ಸೂಕ್ತ ಏಟು ಕೊಡಬಲ್ಲೆ ಎನ್ನುವುದನ್ನು ಸೂಚ್ಯವಾಗಿ ಹೇಳಿದ್ದಾರೆ. ಈ ಬಗ್ಗೆ ಹೈಕಮಾಂಡ್ ಮೌನವಹಿಸಿದ್ದು ಈಶ್ವರಪ್ಪಗೆ ಬಲ ತಂದಿದೆ ಎನ್ನಬಹುದು. ಅಂದರೆ ಪಕ್ಷ ಮತ್ತು ಸಂಘ ಈಶ್ವರಪ್ಪ ಪರವಾಗಿ ನಿಂತಿದ್ದರೆ, ಬಿಎಸ್​ವೈ ಪರ ಕೇವಲ ಅವರ ಬೆಂಬಲಿಗರು ಮಾತ್ರ ನಿಂತಿದ್ದಾರೆ. ಮುಂದಿನ ದಿನದಲ್ಲಿ ಯಾರಿಗೆ ಲಾಭವಾಗುತ್ತೆ - ಯಾರಿಗೆ ನಷ್ಟವಾಗುತ್ತದೆ ಎನ್ನುವ ಕುತೂಹಲ ಪಕ್ಷದಲ್ಲಿ ಮನೆ ಮಾಡಿದೆ