ಕಂದ ನೀ ಯಾಕ್ ಅಳ್ತಿ?: ರೈಲಿಗೇನೂ ದೇವರಿಗೂ ಇಲ್ಲ ನಿನ್ನ ಕೊಲ್ಲುವ ಶಕ್ತಿ!

ರೈಲು ಹಳಿ ಮೇಲೆ ಬಿದ್ದು ಪವಾಡ ಸದೃಶ್ಯ ರೀತಿಯಲ್ಲಿ ಪಾರಾದ ಮಗು! ಉತ್ತರಪ್ರದೇಶದ ಮಥುರಾ ರೈಲು ನಿಲ್ದಾಣದಲ್ಲಿ ನಡೆದ ಘಟನೆ! ರೈಲು ಹರಿದರೂ ಹಳಿಗಳ ಮಧ್ಯೆ ಬದುಕುಳಿದ ಹೆಣ್ಣು ಮಗು  

ಮಥುರಾ(ನ.20): ಇಲ್ಲಿನ ರೈಲು ನಿಲ್ದಾಣದಲ್ಲಿ ರೈಲು ಚಲಿಸಿದ ಬಳಿಕವೂ  ಪವಾಡ ಸದೃಶ್ಯ ರೀತಿಯಲ್ಲಿ 1 ವರ್ಷದ ಬಾಲಕಿಯೊಬ್ಬಳು ಇಂದು ಪ್ರಾಣಪಾಯದಿಂದ ಪಾರಾಗಿದ್ದಾಳೆ.

ಆಕಸ್ಮತಾಗಿ  ಫ್ಲಾಟ್ ಫಾರಂನಿಂದ ಕೆಳಗೆ ಬಿದ್ದು, ಹಳಿಗೆ ಹೊಂದಿಕೊಂಡಂತೆ ಗೋಡೆ ಬದಿಯಲ್ಲಿ ಸಿಲುಕಿಕೊಂಡಿದ್ದ ಬಾಲಕಿ ರೈಲು ಚಲಿಸಿದ ಬಳಿಕ ಸುರಕ್ಷಿತವಾಗಿ ಬದುಕುಳಿದಿದ್ದಾಳೆ.

ರೈಲು ಚಲಿಸಿದ ಕೂಡಲೇ ಕೆಳಗೆ ಧುಮುಕ್ಕಿದ ಸಹ ಪ್ರಯಾಣಿಕರು ಆ ಬಾಲಕಿಯನ್ನು ಎತ್ತಿಕೊಂಡಿದ್ದು,  ಪೋಷಕರ ಕೈಗೆ ನೀಡಿದ್ದಾರೆ. ಇದರಿಂದಾಗಿ ಉಸಿರು ಹೋದಂತಾಗಿದ್ದ ಪೋಷಕರ  ನೆಮ್ಮದಿಯ ನಿಟ್ಟುಸಿರು ಬಿಟ್ಟಿದ್ದಾರೆ.

ಆಶ್ಚರ್ಯಕರ ರೀತಿಯಲ್ಲಿ ಬಾಲಕಿ ಬದುಕುಳಿದ ಬಗ್ಗೆ ಸಹ ಪ್ರಯಾಣಿಕರು ಸಂತಸ ವ್ಯಕ್ತಪಡಿಸಿದ್ದಾರೆ.