
ನವದೆಹಲಿ (ಜ.07): ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ರ ಅಧಿಕಾರಾವಧಿ ಮುಗಿಯುವ 2020ರ ಬಳಿಕ ಅವರ ಸ್ಥಾನಕ್ಕೆ, ವಿಶ್ವಸಂಸ್ಥೆಯ ಅಮೆರಿಕ ರಾಯಭಾರಿ, ಭಾರತೀಯ ಮೂಲದ ನಿಕ್ಕಿ ಹ್ಯಾಲೆ ಪರಿಗಣನೆಗೆ ಬರುವ ನಿರೀಕ್ಷೆಯಿದೆ.
ಮೈಕಲ್ ವೋಲ್ಫ್ರ ‘ಫೈಯರ್ ಆ್ಯಂಡ್ ಫ್ಯೂರಿ: ಇನ್ಸೈಡ್ ದ ಟ್ರಂಪ್ ವೈಟ್ ಹೌಸ್’ ಪುಸ್ತಕದ ಅಂಶಗಳ ಪ್ರಕಾರ, ಸೌತ್ ಕರೊಲಿನಾದ ಮಾಜಿ ಗವರ್ನರ್ ಹ್ಯಾಲೆ, ತಾವು ಟ್ರಂಪ್ ಆಡಳಿತಕ್ಕೆ ಸಹಜ ವಾರಿಸುದಾರಳು ಎಂಬ ಭಾವನೆ ಹೊಂದಿದ್ದಾರೆ ಎನ್ನಲಾಗಿದೆ. ಹ್ಯಾಲೆ ಮಹತ್ವಾಕಾಂಕ್ಷಿಯಾಗಿದ್ದಾರೆ. ಅವರು ಟ್ರಂಪ್ಗಿಂತಲೂ ಹೆಚ್ಚು ಜಾಣೆ ಎಂದು ಟ್ರಂಪ್ ಆಪ್ತರೂ ಹೇಳುತ್ತಿದ್ದಾರೆ. ಸೌತ್ ಕರೋಲಿನಾ ಗವರ್ನರ್ ಆಗಿ ಆಯ್ಕೆಯಾದ ಪ್ರಥಮ ಮಹಿಳೆ ಹ್ಯಾಲೆ.
ಟ್ರಂಪ್ ಮಗಳು ಇವಾಂಕಾ ಜೊತೆ ಸ್ನೇಹ ಗಳಿಸಿರುವುದರಿಂದ, ಅವರ ಕುಟುಂಬ ವಲಯದಲ್ಲೂ ಹ್ಯಾಲೆಗೆ ಹೆಚ್ಚಿನ ಆದ್ಯತೆಯಿದೆ. ಹೀಗಾಗಿ ಮುಂದಿನ ಅಧ್ಯಕ್ಷೀಯ ಚುನಾವಣೆಯಲ್ಲಿ ಹ್ಯಾಲೆ ಪ್ರಮುಖ ಪಾತ್ರ ನಿರ್ವಹಿಸುವ ಸಾಧ್ಯತೆಯಿದೆ ಎಂದು ಹೇಳಲಾಗಿದೆ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.