ಪ್ರತಿ ರಫೇಲ್ ಯುದ್ಧವಿಮಾನಕ್ಕೆ ಮೋದಿ ಸರ್ಕಾರದಿಂದ ₹1100 ಕೋಟಿ ಅಧಿಕ ಮೊತ್ತ?

ಪ್ರತಿ ರಫೇಲ್ ಯುದ್ಧವಿಮಾನ ಖರೀದಿಗೆ ₹1100 ಕೋಟಿ ಅಧಿಕ ಹಣ ಮನಮೋಹನ್ ಸಿಂಗ್ ಪ್ರಧಾನಿಯಾಗಿದ್ದಾಗ ರಫೇಲ್ ಯುದ್ಧವಿಮಾನ ಮೌಲ್ಯ ₹570 ಕೋಟಿ

ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರ್ಕಾರವು ಪ್ರತಿ ರಫೇಲ್ ಯುದ್ಧವಿಮಾನ ಖರೀದಿಗೆ ₹1100 ಕೋಟಿ ಅಧಿಕ ಹಣ ನೀಡಿ ಖರೀದಿಸುತ್ತಿದೆಯೆಂದು ಕಾಂಗ್ರೆಸ್ ಆರೋಪಿಸಿದೆ.

ರಫೇಲ್ ತಯಾರಕರ 2016ರ ವರದಿಯನ್ನು ಉಲ್ಲೇಖಿಸಿದ ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ, ಮನಮೋಹನ್ ಸಿಂಗ್ ಪ್ರಧಾನಿಯಾಗಿದ್ದಾಗ ರಫೇಲ್ ಯುದ್ಧವಿಮಾನವೊಂದರ ಖರೀದಿ ಮೌಲ್ಯವು ₹570 ಕೋಟಿ ಆಗಿತ್ತು. ಆದರೆ ಮೋದಿ ಸರ್ಕಾರವು ಅದೇ ರಫೇಲ್ ಯುದ್ಧವಿಮಾನಕ್ಕೆ ₹1670 ಕೋಟಿ  ನೀಡಿ ಖರೀದಿಸುತ್ತಿದೆ, ಎಂದು ರಾಹುಲ್ ಗಾಂಧಿ ಹೇಳಿದ್ದಾರೆ.

ವರದಿಯಲ್ಲಿ ರಕ್ಷಣಾ ಮಂತ್ರಿಯ ಸುಳ್ಳುಗಳು ಬಹಿರಂಗಗೊಂಡಿವೆ. ಕತಾರ್ = 1319 ಕೋಟಿ, ಮೋದಿ=1670 ಕೋಟಿ, ಮನಮೋಹನ್ ಸಿಂಗ್=570 ಕೋಟಿ. 1 ಯುದ್ಧವಿಮಾನಕ್ಕೆ ₹1100 ಕೋಟಿಯಂತೆ ₹36000 ಕೋಟಿ ಜೇಬಿಗೆ (ರಕ್ಷಣಾ ಬಜೆಟ್’ನ ಶೇ.10), ಎಂದು ರಾಹುಲ್ ಗಾಂಧಿ ಟ್ವೀಟಿಸಿದ್ದಾರೆ.