ಆನ್'ಲೈನ್'ನಲ್ಲಿ ಬುಕ್ ಮಾಡಿದ್ರೆ ಹಾಲು ಮನೆಗೆ ಬರುತ್ತದೆ
ಸಾರಾಂಶ
ಈ ತಂತ್ರಜ್ಞಾನದಿಂದ ಮಹಿಳಾ ಕಾರ್ಮಿಕರು, ವಯೋವೃದ್ಧರು, ದುಡಿಯುವ ವರ್ಗಕ್ಕೆ ಪ್ರಯೋಜನವಾಗಲಿದೆ. ಸಮಾರಂಭಗಳು, ಕ್ಯಾಂಟೀನ್, ಹೋಟೆಲ್ ಉದ್ಯಮಗಳು, ಎಮ್ಎನ್ಸಿ ಕಂಪನಿಗಳು, ಸಾಮೂಹಿಕ ಹಾಗೂ ಸಾಂಪ್ರದಾಯಿಕ ಭೋಜನಾ ಕೂಟಗಳು, ಸಮಾಜಮುಖಿ ಕಾರ್ಯಗಳಿಗೂ ಬಹಳ ಉಪಯುಕ್ತವಾಗಿದೆ ಎಂದು ಸಂಸ್ಥೆ ತಿಳಿಸಿದೆ.
ಬೆಂಗಳೂರು(ಏ.05): ಕರ್ನಾಟಕ ಹಾಲು ಮಹಾಮಂಡಲಿ (ಕೆಎಂಎಫ್) ಡಿಜಿಟಲ್ ಇಂಡಿಯಾ ಅಭಿಯಾನದ ಅಂಗವಾಗಿ ಗ್ರಾಹಕರಿಗೆ ಅನುಕೂಲ ಕಲ್ಪಿಸಲು ನವೀನ ತಂತ್ರಜ್ಞಾನ ‘ಈ ಡೇರಿ’ ಅಳವಡಿಸಿಕೊಳ್ಳಲು ಮುಂದಾಗಿದೆ.
ಈ ನೂತನ ವ್ಯವಸ್ಥೆಯಿಂದ ಗ್ರಾಹಕರು ತಮ್ಮ ಮನೆಯಂಗಳಕ್ಕೆ ನಂದಿನಿ ಹಾಲಿನ ಉತ್ಪನ್ನಗಳನ್ನು ಯಾವುದೇ ಸಮಯದಲ್ಲಾದರೂ, ಯಾವುದೇ ಸ್ಥಳಕ್ಕಾದರೂ ಆರ್ಡರ್ ಮಾಡಿ ತರಿಸಿಕೊಳ್ಳಬಹುದು. ಗ್ರಾಹಕರು ಆರ್ಡರ್ ಮಾಡಿರುವ ಉತ್ಪನ್ನಗಳನ್ನು ಕೆಎಂಎಫ್'ನ ನಿಯೋಜಿತ ಸ್ಟಾಕ್ ಪಾಯಿಂಟ್ಗಳಿಂದ ವಿತರಿಸಲಾಗುತ್ತದೆ. ಉತ್ಪನ್ನಗಳನ್ನು ಇ ಕಾಮರ್ಸ್ನ ಆನ್ಲೈನ್ ಈ ಡೇರಿ ಮುಖಾಂತರವೇ ತಲುಪಿಸಲಾಗುತ್ತದೆ.
ಈ ತಂತ್ರಜ್ಞಾನದಿಂದ ಮಹಿಳಾ ಕಾರ್ಮಿಕರು, ವಯೋವೃದ್ಧರು, ದುಡಿಯುವ ವರ್ಗಕ್ಕೆ ಪ್ರಯೋಜನವಾಗಲಿದೆ. ಸಮಾರಂಭಗಳು, ಕ್ಯಾಂಟೀನ್, ಹೋಟೆಲ್ ಉದ್ಯಮಗಳು, ಎಮ್ಎನ್ಸಿ ಕಂಪನಿಗಳು, ಸಾಮೂಹಿಕ ಹಾಗೂ ಸಾಂಪ್ರದಾಯಿಕ ಭೋಜನಾ ಕೂಟಗಳು, ಸಮಾಜಮುಖಿ ಕಾರ್ಯಗಳಿಗೂ ಬಹಳ ಉಪಯುಕ್ತವಾಗಿದೆ ಎಂದು ಸಂಸ್ಥೆ ತಿಳಿಸಿದೆ.
ಮೊಬೈಲ್, ಕಂಪ್ಯೂಟರ್, ಟ್ಯಾಬ್,ಫೇಸ್ಬುಕ್, ಟ್ವಿಟರ್, ಲಿಂಕ್ಡಿನ್, ಗೂಗಲ್ ಪ್ಲಸ್, ಯೂಟ್ಯೂಬ್ಗಳ ಮುಖಾಂತರವೂ ಈ ಡೇರಿಯನ್ನು ನೇರವಾಗಿ ಸಂಪರ್ಕಿಸಬಹುದು. ಹೆಚ್ಚಿನ ಮಾಹಿತಿಗೆ ಟೋಲ್ ರಹಿತ ನಂಬರ್ 1800-103-9073 ಹಾಗೂ ಸಹಾಯವಾಣಿ 080-42507100 ಅಥವಾ ಕೆಎಮ್'ಎಫ್ ವೆಬ್'ಸೈಟ್ ಅನ್ನು ಸಂಪರ್ಕಿಸಲು ಪ್ರಕಟಣೆಯಲ್ಲಿ ಕೋರಲಾಗಿದೆ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.