ದಲೈಲಾಮಾ ಭೇಟಿ ಮಾಡುವುದು ಅಪರಾಧ: ಚೀನಾ ಎಚ್ಚರಿಕೆ
ಸಾರಾಂಶ
ಬೌದ್ಧರ ಪರಮೋಚ್ಛ ಧರ್ಮಗುರು ದಲೈಲಾಮಾ ಅವರನ್ನು ಭೇಟಿ ಮಾಡುವುದು ಅಪರಾಧ ಎಂದು ಚೀನಾ ಎಚ್ಚರಿಕೆ ನೀಡಿದೆ. ಟಿಬೆಟ್ ಅನ್ನು ನಮ್ಮಿಂದ ವಿಭಜಿಸಲು ದಲೈಲಾಮಾ ಯತ್ನಿಸುತ್ತಿರುವ ಕಾರಣ ನಾವು ಅವರನ್ನು ಪ್ರತ್ಯೇಕತಾವಾದಿ ಎಂದು ಪರಿಗಣಿಸಿದ್ದೇವೆ. ಹೀಗಾಗಿ ಯಾವುದೇ ವ್ಯಕ್ತಿ ಅಥವಾ ದೇಶ ದಲೈಲಾಮಾ ಅವರನ್ನು ಭೇಟಿ ಮಾಡುವುದು ಅಪರಾಧ ಎಂದೆನ್ನಿಸಿಕೊಳ್ಳಲಿದೆ ಎಂದು ಚೀನಾ ಹೇಳಿದೆ.
ಬೀಜಿಂಗ್(ಅ.22): ಬೌದ್ಧರ ಪರಮೋಚ್ಛ ಧರ್ಮಗುರು ದಲೈಲಾಮಾ ಅವರನ್ನು ಭೇಟಿ ಮಾಡುವುದು ಅಪರಾಧ ಎಂದು ಚೀನಾ ಎಚ್ಚರಿಕೆ ನೀಡಿದೆ. ಟಿಬೆಟ್ ಅನ್ನು ನಮ್ಮಿಂದ ವಿಭಜಿಸಲು ದಲೈಲಾಮಾ ಯತ್ನಿಸುತ್ತಿರುವ ಕಾರಣ ನಾವು ಅವರನ್ನು ಪ್ರತ್ಯೇಕತಾವಾದಿ ಎಂದು ಪರಿಗಣಿಸಿದ್ದೇವೆ. ಹೀಗಾಗಿ ಯಾವುದೇ ವ್ಯಕ್ತಿ ಅಥವಾ ದೇಶ ದಲೈಲಾಮಾ ಅವರನ್ನು ಭೇಟಿ ಮಾಡುವುದು ಅಪರಾಧ ಎಂದೆನ್ನಿಸಿಕೊಳ್ಳಲಿದೆ ಎಂದು ಚೀನಾ ಹೇಳಿದೆ.
ಈ ಕುರಿತು ಪ್ರತಿಕ್ರಿಯೆ ನೀಡಿರುವ ಚೀನಾದ ಕಮ್ಯುನಿಸ್ಟ್ ಪಕ್ಷದ ಅಂಗವಾದ ಯುನೈಟೆಡ್ ಫ್ರಂಟ್ ವರ್ಕ್ ಡಿಪಾರ್ಟ್'ಮೆಂಟ್'ನ ಕಾರ್ಯನಿರ್ವಾಹಕ ಉಪ ಸಚಿವ ಜಾಂಗ್ ಯಿಜಿಯೋಂಗ್, ಎಲ್ಲಾ ದೇಶಗಳು ಟಿಬೆಟ್ ಅನ್ನು ಚೀನಾದ ಅವಿಭಾಜ್ಯ ಅಂಗ ಎಂದು ಪರಿಗಣಿಸುವುದು ಕಡ್ಡಾಯ. ದಲೈಲಾಮಾ ಧರ್ಮದ ಮುಖವಾಡ ಧರಿಸಿರುವ ಓರ್ವ ರಾಜಕೀಯ ವ್ಯಕ್ತಿ. ಇಂಥ ವ್ಯಕ್ತಿಯನ್ನು ಯಾವುದೇ ದೇಶ ಅಥವಾ ವ್ಯಕ್ತಿ ಅವರೊಬ್ಬ ಧಾರ್ಮಿಕ ನಾಯಕ ಎಂಬ ಹೆಸರಲ್ಲಿ ಕೂಡಾ ಭೇಟಿ ಮಾಡುವುದು, ಚೀನಿಯರ ಭಾವನೆಗಳಿಗೆ ಧಕ್ಕೆ ಮಾಡುತ್ತದೆ. ಹೀಗಾಗಿ ಅದು ಅಪರಾಧ ಎನ್ನಿಸಿಕೊಳ್ಳುತ್ತದೆ ಎಂದು ಹೇಳಿದ್ದಾರೆ. ಟಿಬೆಟಿಯನ್ ಬೌದ್ಧ ಧರ್ಮ ಹುಟ್ಟಿದ್ದು ಚೀನಾದಲ್ಲಿ. ನಂತರ ಅದು ಬೇರೆ ಬೇರೆ ಧರ್ಮಗಳಿಂದ ಪ್ರಭಾವಿತವಾಗಿದೆ ಎಂದು ಹೇಳಿದ್ದಾರೆ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.