ಜೀವನ ಗುಣಮಟ್ಟ ಸೂಚ್ಯಂಕದಲ್ಲಿ ಮಂಗಳೂರು ದೇಶಕ್ಕೇ ನಂ.1

ಜೀವನ ಗುಣಮಟ್ಟದ ಸೂಚ್ಯಂ​ಕ​ದಲ್ಲಿ ಇಡೀ ವಿಶ್ವದಲ್ಲಿಯೇ ಮಂಗಳೂರು ನಗರ 48ನೇ ಸ್ಥಾನದಲ್ಲಿದೆ ಎಂದು ‘ನಂಬಿಯೊ ಡಾಟ್‌ ಕಾಂ' ವೆಬ್‌ಸೈಟ್‌ ವರದಿ ಮಾಡಿದೆ. ಮೊದಲ 50 ಸ್ಥಾನಗಳಲ್ಲಿ ಭಾರತದ ಮಂಗ​ಳೂರು ಮಾತ್ರ ಸ್ಥಾನ ಗಳಿಸಿದೆ. ಬೆಂಗಳೂರು ನಗರ 132ನೇ ಸ್ಥಾನದಲ್ಲಿದೆ.

ಮಂಗಳೂರು(ಮಾ.27): ಜೀವನ ಗುಣಮಟ್ಟದ ಸೂಚ್ಯಂ​ಕ​ದಲ್ಲಿ ಇಡೀ ವಿಶ್ವದಲ್ಲಿಯೇ ಮಂಗಳೂರು ನಗರ 48ನೇ ಸ್ಥಾನದಲ್ಲಿದೆ ಎಂದು ‘ನಂಬಿಯೊ ಡಾಟ್‌ ಕಾಂ' ವೆಬ್‌ಸೈಟ್‌ ವರದಿ ಮಾಡಿದೆ. ಮೊದಲ 50 ಸ್ಥಾನಗಳಲ್ಲಿ ಭಾರತದ ಮಂಗ​ಳೂರು ಮಾತ್ರ ಸ್ಥಾನ ಗಳಿಸಿದೆ. ಬೆಂಗಳೂರು ನಗರ 132ನೇ ಸ್ಥಾನದಲ್ಲಿದೆ.

ಜೀವನ ಮಟ್ಟದ ಆಧಾರದಲ್ಲಿ ಜಗತ್ತಿನ ಒಟ್ಟು 177 ನಗರಗಳ ಪಟ್ಟಿಯನ್ನು ಈ ವೆಬ್‌ಸೈಟ್‌ ಬಿಡುಗಡೆಗೊಳಿಸಿದ್ದು, ಅದರಲ್ಲಿ ಭಾರ​ತದ 11 ನಗರಗಳಿವೆ. ದೇಶದ ಎಲ್ಲ ನಗರ​ಗಳಿಗಿಂತ ಮಂಗಳೂರು ಮುಂಚೂಣಿ​ಯಲ್ಲಿದೆ. ಉಳಿದಂತೆ ಪುಣೆ- 102, ಹೈದರಾಬಾದ್‌- 116, ಕೊಯಮತ್ತೂರು- 131, ಅಹ್ಮದಾ​ಬಾದ್‌​- 138, ಗುರುಗ್ರಾಮ- 141, ಚೆನ್ನೈ- 160, ದೆಹಲಿ- 161, ಕೊಲ್ಕತ್ತಾ- 170, ಮುಂಬೈ 172ನೇ ಸ್ಥಾನದಲ್ಲಿವೆ.

‘ನಂಬಿಯೊ' ಎನ್ನುವುದು ಬಳಕೆದಾರರ ಸಹಭಾಗಿತ್ವದ ಮಾಹಿತಿಯನ್ನೊಳಗೊಂಡ ಜಗ ತ್ತಿನ ಅತಿದೊಡ್ಡ ಡಾಟಾಬೇಸ್‌ ಎಂದು ವೆಬ್‌ಸೈಟ್‌ ಹೇಳಿಕೊಂಡಿದೆ. ಆದರೆ ಜೀವನ ಮಟ್ಟದ ಸೂಚ್ಯಂಕ ಸರ್ವೇಯನ್ನು ಸಂಸ್ಥೆಯು ಯಾವಾಗ, ಹೇಗೆ ಮಾಡಿದೆ ಎಂಬ ಬಗ್ಗೆ ವೆಬ್‌ಸೈಟ್‌ನಲ್ಲಿ ಯಾವುದೇ ವಿವರಗಳಿಲ್ಲ. ಸದ್ಯಕ್ಕೆ ಈ ಮಾಹಿತಿಯುಳ್ಳ ಲಿಂಕ್‌ ಸಾಮಾಜಿಕ ಜಾಲತಾ ಣಗಳಲ್ಲಿ ವೈರಲ್‌ ಆಗಿದ್ದು, ಮಂಗಳೂರಿನ ಜನತೆಯಂತೂ ಫುಲ್‌ ಖುಷಿಯಲ್ಲಿ ಮಾಹಿತಿ ‘ಶೇರ್‌' ಮಾಡುತ್ತಿದ್ದಾರೆ.

ವೆಬ್‌ಸೈಟ್‌ ಮಾಹಿತಿಯ ಪ್ರಕಾರ ಜಗತ್ತಿನ ದೊಡ್ಡ ದೊಡ್ಡ ನಗರಗಳು ಮಂಗಳೂರಿಗಿಂತ ಕೆಳಗಿನ ಸ್ಥಾನದಲ್ಲಿವೆ. ಅಮೆರಿಕದ ಅಟ್ಲಾಂಟಾ, ಸ್ಯಾನ್‌ ಫ್ರಾನ್ಸಿಸ್ಕೊ, ಲಾಸ್‌ ವೇಗಾಸ್‌ ನಗರಗಳ ಜೀವನ ಮಟ್ಟಮಂಗಳೂರಿಗಿಂತಲೂ ಕೆಳಗಿರು ವುದು ಅಚ್ಚರಿ ತಂದಿದೆ.