'ಅನುಕಂಪವಿಲ್ಲದ ಪತ್ನಿ'ಯನ್ನು ಆನ್'ಲೈನ್'ನಲ್ಲಿ ಮಾರಾಟಕ್ಕಿಟ್ಟ ಪತಿ!
ಸಾರಾಂಶ
ಲಂಡನ್(ಸೆ.14): ಇತ್ತೀಚೆಗೆ ಆನ್ಲೈನ್ ಶಾಪಿಂಗ್ ಜೋರಾಗಿದೆ. ವಸ್ತುಗಳ ಮಾರಾಟ ಹಾಗೂ ಖರೀದಿಗೆ ಗ್ರಾಹಕರು ಆನ್ಲೈನ್ ವೆಬ್ಸೈಟ್ ಬಳಸುತ್ತಾರೆ. ಆದರೆರೆ ಇಂಗ್ಲೆಂಡ್ನಲ್ಲೊಬ್ಬ ವ್ಯಕ್ತಿ ತನ್ನ ಹೆಂಡತಿಯನ್ನೇ ಆನ್ಲೈನ್ ವೆಬ್ಸೈಟ್ನಲ್ಲಿ ಮಾರಾಟಕ್ಕಿಟ್ಟಿದ್ದಾನೆ. ಆನ್ಲೈನ್ ವೆಬ್ಸೈಟ್ನಲ್ಲಿ ಪತ್ನಿ ಫೋಟೋ ಹಾಕಿರುವ ಗಂಡ ಮಾರಾಟದ ಜಾಹೀರಾತು ಹಾಕಿದ್ದಾನೆ.
ಸೈಮನ್ ಓ ಕೇನ್ ಎಂಬಾತನೇ ಪತ್ನಿಯನ್ನು ಮಾರಾಟಕ್ಕಿಟ್ಟ ಭೂಪ. 27 ವರ್ಷದ ಪತ್ನಿ ಲಂಡ್ರಾ ಫೋಟೋವನ್ನು ಆನ್ಲೈನ್ ಶಾಪಿಂಗ್ ವೆಬ್ಸೈಟ್ ಇಬೇಯಲ್ಲಿ ಸೈಮನ್ ಅಪ್ ಲೋಡ್ ಮಾಡಿದ್ದಾನೆ. ಎರಡು ದಿನದಲ್ಲಿ ಲಂಡ್ರಾ ಬೆಲೆ 65,880 ಪೌಂಡ್ಗೆ ಏರಿಕೆಯಾಗಿದೆ. ಸೈಮನ್ ಪತ್ನಿಯನ್ನು ಮಾರಾಟ ಮಾಡಲು ಕಾರಣ ಏನು ಎಂಬುದನ್ನೂ ಹಾಕಿದ್ದಾನೆ.
ಎರಡು ಮಕ್ಕಳ ತಾಯಿಯಾಗಿರುವ ಲಂಡ್ರಾ ಪತ್ನಿಯ ಕೆಲಸವನ್ನು ಸಮರ್ಥವಾಗಿ ಮಾಡ್ತಿಲ್ಲ. ಅನುಕಂಪವಿಲ್ಲದ ಪತ್ನಿ ಎಂದು ಜಾಹೀರಾತಿನಲ್ಲಿ ಹೇಳಿದ್ದಾನೆ. ಹಾಗೆ ಪತ್ನಿಯ ಅಡುಗೆ ಮನೆಯ ಸ್ಕಿಲ್ ಹಾಗೂ ಆಕೆಯ ಸೌಂದರ್ಯವನ್ನು ಹೊಗಳಿದ್ದಾನೆ. ಪತ್ನಿಯನ್ನು ಖರೀದಿಸಿದವರು ವಾಪಸ್ ಮಾಡುವಂತಿಲ್ಲ ಎಂಬ ಸಂದೇಶವನ್ನೂ ಹಾಕಿದ್ದಾನೆ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.