ಬುರ್ಖಾ ನಂತರ ವೇಲ್ ತೆಗೀರಿ ಅಂದ್ರು.. ಮೆಟ್ರೋದಲ್ಲಿ ಇದೆಂಥ ಪ್ರಕರಣ!

ಮೆಟ್ರೋ ನಿಲ್ದಾಣದಲ್ಲಿ ಪುರುಷ ಸಿಬ್ಬಂದಿ ಅಸಭ್ಯವಾಗಿ ವರ್ತಿಸಿದ ಪ್ರಕರಣ ತಡವಾಗಿ ಬೆಳಕಿಗೆ ಬಂದಿದೆ. ಲಕ್ನೋದ ಮೆಟ್ರೋದಲ್ಲಿ ಸೋಮವಾರ ನಡೆದ ಪ್ರಕರಣಕ್ಕೆ ಸಂಬಂಧಿಸಿ ದೂರು ದಾಖಲಾಗಿದೆ.

ಲಕ್ನೋ[ಮೇ. 29] ಲಕ್ನೋ ಮೆಟ್ರೋ ರೈಲು ನಿಲ್ದಾಣದ ಸಿಬ್ಬಂದಿ ಬುರ್ಖಾ ಧರಿಸಿ ಓಡಾಡುತ್ತಿದ್ದ 6 ಮಂದಿಯನ್ನು ತಪಾಸಣೆಗೆ ಗುರಿ ಮಾಡಿದ್ದಾರೆ.  ಮಾವಯ್ಯ ನಿಲ್ದಾಣದಲ್ಲಿ ತಪಾಸಣೆ ನಡೆಸಲು ಮುಂದಾದ ಪುರುಷ ಸಿಬ್ಬಂದಿ ಬುರ್ಖಾ ಧರಿಸಿದ್ದ ಮಹಿಳೆಯರೊಂದಿಗೆ ಅಸಭ್ಯವಾಗಿ ನಡೆದುಕೊಂಡಿದ್ದಾರೆ ಎಂಬ ಆರೋಪವೂ ಕೇಳಿಬಂದಿದೆ.

ಸೋಮವಾರ ನಡೆದ ಪ್ರಕರಣ ಇದೀಗ ಬೆಳಕಿಗೆ ಬಂದಿದೆ. ಅಲಾಂಭಾಗ್ ದ ನಿವಾಸಿ ಮಾಜ್ ಮೊಹಮದ್ ತನ್ನ ಸಂಬಂಧಿಕರೊಂದಿಗೆ ತೆರಳುತ್ತಿದ್ದರು. ಈ ವೇಳೆ ತಪಾಸಣೆ ನಡೆಸಬೇಕಿದ್ದ ಸಿಬ್ಬಂದಿ ಅಸಭ್ಯವಾಗಿ ವರ್ತಿಸಿದ್ದಾರೆ ಎಂಬ ಆರೋಪ ಕೇಳಿ  ಬಂದಿದೆ. 

ಲಕ್ನೋ ಮೆಟ್ರೋದ ಎಂಡಿಗೆ ದೂರು ದಾಖಲಾಗಿದ್ದು,  ನಾನು ಮಾವಯ್ಯ ಸ್ಟೇಶನ್ ನಿಂದ ಅಲಾಂಭಗ್ ನಿಲ್ದಾಣಕ್ಕೆ ನನ್ನ 5 ಜನ ಸಂಬಂಧಿಕರೊಂದಿಗತೆ ತೆರಳುತ್ತಿದ್ದೆ. ನನ್ನನ್ನು ಸೇರಿಸಿ 6 ಜನರಿಗೆ  ಟಿಕೆಟ್ ಪಡೆದುಕೊಂಡಿದ್ದೆ. ಚೆಕಿಂಗ್ ಪಾಯಿಂಟ್ ಹತ್ತಿರ ತೆರಳಿದಾಗ,  ಪರಿಶೀಲನೆ ಮಾಡಲು ಮುಂದಾದ ಪುರುಷ ಸಿಬ್ಬಂದಿ ಮೊದಲಿಗೆ ಬುರ್ಖಾ ತೆಗೆಯಲು ಹೇಳಿದ್ದಾರೆ. ನನ್ನನ್ನು ಸೇರಿಸಿ ಎಲ್ಲರೂ ಬುರ್ಖಾ ತೆಗೆಯುತ್ತೇವೆ ಆದರೆ ಮಹಿಳೆಯರಿಗೆ ಮೀಸಲಿರುವ ಕ್ಯಾಬಿನ್ ನಲ್ಲಿ ತೆಗೆಯುತ್ತೇವೆ ಎಂದೇವು.  ಈ ವೇಳೆ ಸಿಬ್ಬಂದಿ ಅಸಭ್ಯವಾಗಿ ವರ್ತಿಸಲು ಆರಂಭಿಸಿದ್ದಾರೆ ಎಂದು ದೂರು ನೀಡಿರುವ ಮಹಿಳೆ ಆರೋಪಿಸಿದ್ದಾರೆ.

ಇದಾದ ಮೇಲೆ ಟಿಕೆಟ್ ವಾಪಸ್ ಮಾಡಲು ಹೋದಾಗಲೂ ಸ್ಪಂದನೆ ಸಿಕ್ಕಿಲ್ಲ ಎಂದು ಮಹಿಳೆ  ಅಳಲು ತೋಡಿಕೊಂಡಿದ್ದಾರೆ. ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಲಕ್ನೋ ಮೆಟ್ರೋ ತನಿಖೆ ನಡೆಯುತ್ತಿದ್ದು ತಪ್ಪೆಸಗಿದ್ದು ಕಂಡುಬಂದಲ್ಲಿ ಕಠಿಣ ಕ್ರಮ ತೆಗೆದುಕೊಳ್ಳುತ್ತೇವೆ ಎಂದು ಹೇಳಿದೆ.