20 ನೇ ಮಹಡಿಯಿಂದ ಜಿಗಿದರೂ ನಿಮ್ಮನ್ನು ರಕ್ಷಿಸುತ್ತದೆ ಈ ಹಾಸಿಗೆ!

20 ನೇ ಮಹಡಿಯಿಂದ ಜಿಗಿದರೂ ಈ ಹಾಸಿಗೆ ನಿಮ್ಮನ್ನೂ ರಕ್ಷಿಸುತ್ತದೆ | ಕೋಲ್ಕತ್ತಾ ಇಂಥ ವಿಶೇಷ ಹಾಸಿಗೆ ಹೊಂದಿದ ದೇಶದ ಮೊದಲ ನಗರವಾಗಿ ಹೊರ ಹೊಮ್ಮಿದೆ | 

ಕೋಲ್ಕತ್ತಾ (ಡಿ. 24): 20 ನೇ ಮಹಡಿಯ ಕಟ್ಟಡದಿಂದ ಜಿಗಿದರೂ ಪ್ರಾಣಾಪಾಯದಿಂದ ಪಾರು ಮಾಡುವಂಥ ವಿಶೇಷ ಹಾಸಿಗೆಯು ಇದೀಗ ಪಶ್ಚಿಮ ಬಂಗಾಳದ ಕೋಲ್ಕತ್ತಾ ವಿಪತ್ತು ನಿರ್ವಹಣಾ ತಂಡಕ್ಕೆ ಸೇರ್ಪಡೆಯಾಗಿದೆ. ಈ ಮೂಲಕ ಕೋಲ್ಕತ್ತಾವು ಇಂಥ ವಿಶೇಷ ಹಾಸಿಗೆ ಹೊಂದಿದ ದೇಶದ ಮೊದಲ ನಗರವಾಗಿ ಹೊರ ಹೊಮ್ಮಿದೆ.

ಕೋಲ್ಕತ್ತಾವು ಹಳೇ ನಗರವಾಗಿರುವುದರಿಂದ, ಯಾವುದೇ ತುರ್ತು ಸಂದರ್ಭಗಳಲ್ಲಿ ಅತ್ಯಾಧುನಿಕ ಸಲಕರಣೆಗಳು ಮತ್ತು ದೊಡ್ಡ ದೊಡ್ಡ ಏಣಿಗಳ ಬಳಕೆ ಸಾಧ್ಯವಿಲ್ಲ. ಹೀಗಾಗಿ ಈ ವಿಶೇಷ ಹಾಸು ಹೆಚ್ಚು ಮಹತ್ವ ಪಡೆದಿದೆ. ಯಾವುದೇ ದುರ್ಘಟನೆ ನಡೆದ ಕಟ್ಟಡದಲ್ಲಿ 4 ಜನರ ತಂಡ ಕೇವಲ 80 ಸೆಕೆಂಡ್‌ಗಳಲ್ಲಿ ಈ ವಿಶೇಷ ಹಾಸನ್ನು ರಕ್ಷಣಾ ಕಾರ್ಯಾ ಚರಣೆಗೆ ಬಳಸಬಹು ದಾಗಿದೆ. ಅಗ್ನಿ ಆಕಸ್ಮಿಕದಂಥ ಸಂದರ್ಭದಲ್ಲಿ ಕಟ್ಟಡದಿಂದ ಮೇಲಿಂದ ಜಿಗಿಯುವವರ ಪ್ರಾಣ ರಕ್ಷಣೆಗೆ ಇದು ಸಹಕಾರಿ.