ಜಂತಕಲ್ ಮೈನಿಂಗ್ ಕೇಸ್: ಎಚ್ ಡಿಕೆಯನ್ನು ಜುಲೈ ಕೊನೆವಾರದವರೆಗೆ ಬಂಧಿಸದಂತೆ ಕೋರ್ಟ್​ ಸೂಚನೆ

ಜಂತಕಲ್ ಅಕ್ರಮ‌ ಮೈನಿಂಗ್ ಪ್ರಕರಣದಲ್ಲಿ ಎಚ್​ಡಿಕೆಗೆ ಹೈಕೋರ್ಟ್​ ಮಧ್ಯಂತರ ರಿಲೀಫ್​ ನೀಡಿದೆ. ಜುಲೈ ಕೊನೆವಾರದವರೆಗೂ ಬಂಧಿಸದಂತೆ ಕೋರ್ಟ್​ ಸೂಚನೆ ನೀಡಿದೆ. ಎಚ್​ಡಿಕೆ ಸಲ್ಲಿಸಿದ್ದ ನಿರೀಕ್ಷಣಾ ಜಾಮೀನು ಅರ್ಜಿ ವಿಚಾರಣೆಯನ್ನು ತಾತ್ಕಾಲಿಕವಾಗಿ ಮುಂದೂಡಿದೆ.

ಬೆಂಗಳೂರು (ಜೂ.28): ಜಂತಕಲ್ ಅಕ್ರಮ‌ ಮೈನಿಂಗ್ ಪ್ರಕರಣದಲ್ಲಿ ಎಚ್​ಡಿಕೆಗೆ ಹೈಕೋರ್ಟ್​ ಮಧ್ಯಂತರ ರಿಲೀಫ್​ ನೀಡಿದೆ. ಜುಲೈ ಕೊನೆವಾರದವರೆಗೂ ಬಂಧಿಸದಂತೆ ಕೋರ್ಟ್​ ಸೂಚನೆ ನೀಡಿದೆ. ಎಚ್​ಡಿಕೆ ಸಲ್ಲಿಸಿದ್ದ ನಿರೀಕ್ಷಣಾ ಜಾಮೀನು ಅರ್ಜಿ ವಿಚಾರಣೆಯನ್ನು ತಾತ್ಕಾಲಿಕವಾಗಿ ಮುಂದೂಡಿದೆ.

ಎಚ್’ಡಿಕೆ ಮೇಲೆ ಒಂದೇ ಪ್ರಕರಣಕ್ಕೆ ಸಂಬಂಧಿಸಿದಂತೆ 3 ಎಫ್ಐಆರ್ ದಾಖಲಾಗಿವೆ.  ಅದರಲ್ಲಿ 2 ಪ್ರಕರಣಗಳಲ್ಲಿ  ಜಾಮೀನು ಪಡೆದಿದ್ದಾರೆ.  ಮೂರನೇ ಎಫ್ಐಆರ್ ದಾಖಲಿಸುವ ಅಗತ್ಯತೆ ಏನಿದೆ.? ಎನ್ನುವುದರ ಬಗ್ಗೆ ವಿವರಣೆ ನೀಡುವಂತೆ ಎಸ್ಐಟಿ ವಕೀಲರಿಗೆ ನ್ಯಾಯಪೀಠ ಪ್ರಶ್ನಿಸಿದೆ. ಇದೇ ವಿಷಯ ಇನ್ನು ಸುಪ್ರೀಂ ಕೋರ್ಟ್ ನಲ್ಲಿ ವಿಚಾರಣೆ ಬಾಕಿ ಇದೆ.  ವಿಚಾರಣೆ ನಡೆದ ನಂತರ ವಿವರಣೆ ನೀಡುತ್ತೇವೆ.  ಅಲ್ಲಿಯವರೆಗೆ ಕಾಲಾವಕಾಶ ನೀಡಿ ಎಂದು ಎಸ್ಐಟಿ ಪರ ವಕೀಲರು ನ್ಯಾಯಾಲಯಕ್ಕೆ ಕೋರಿಕೊಂಡಿದ್ದಾರೆ. ಹೀಗಾಗಿ ಕೋರ್ಟ್ ವಿಚಾರಣೆಯನ್ನು ಜುಲೈ ಕೊನೆಯ ವಾರಕ್ಕೆ ಮುಂದೂಡಿದೆ.