ಹಿಮಾಚಲ ಪ್ರದೇಶ ಸಿಎಂ ಆಗಿ ಜೈರಾಂ ಠಾಕೂರ್ ನಾಳೆ ಪ್ರಮಾಣ ವಚನ

ಹಿಮಾಚಲ ಪ್ರದೇಶದ ನೂತನ ಮುಖ್ಯಮಂತ್ರಿಯಾಗಿ ಬಿಜೆಪಿಯ ಜೈರಾಂ ಠಾಕೂರ್ ನಾಳೆ ಪ್ರಮಾಣವಚನ ಸ್ವೀಕರಿಸಲಿದ್ದಾರೆ.

ಶಿಮ್ಲಾ (ಡಿ.26): ಹಿಮಾಚಲ ಪ್ರದೇಶದ  ನೂತನ ಮುಖ್ಯಮಂತ್ರಿಯಾಗಿ ಬಿಜೆಪಿಯ ಜೈರಾಂ ಠಾಕೂರ್ ನಾಳೆ ಪ್ರಮಾಣವಚನ ಸ್ವೀಕರಿಸಲಿದ್ದಾರೆ.

ಹಿಮಾಚಲ ಪ್ರದೇಶದ 6 ನೇ ಮುಖ್ಯಮಂತ್ರಿಯಾಗಿ 52 ವರ್ಷದ ಜೈರಾಂ ಠಾಕೂರ್ ಅಧಿಕಾರದ ಚುಕ್ಕಾಣಿ ಹಿಡಿಯಲಿದ್ದಾರೆ. ಶಿಮ್ಲಾದ ಐತಿಹಾಸಿಕ ರಿಡ್ಜ್ ಗ್ರೌಂಡ್​​ನಲ್ಲಿ ಪದಗ್ರಹಣ ಸಮಾರಂಭ ನಡೆಯಲಿದ್ದು, ಈ ಪ್ರಮಾಣವಚನ ಕಾರ್ಯಕ್ರಮಕ್ಕೆ ಪ್ರಧಾನಿ ನರೇಂದ್ರ ಮೋದಿ ಸೇರಿದಂತೆ ಅನೇಕ ಬಿಜೆಪಿ ನಾಯಕರು ಭಾಗವಹಿಸಲಿದ್ದಾರೆ. ಮಂಡಿಯ ಸೆರಾಜ್​​​'ನಿಂದ ಐದು ಬಾರಿ ಬಿಜೆಪಿ ಎಂಎಲ್ಎಯಾಗಿ ಆಯ್ಕೆಯಾಗಿರೋ ಠಾಕೂರ್  ಹಿಮಾಚಲ ಪ್ರದೇಶ ಆಡಳಿತ ಚುಕ್ಕಾಣಿ ಹಿಡಿಯಲಿದ್ದಾರೆ. ಈ ಹಿಂದೆ 2007 ರಲ್ಲಿ ಪ್ರೇಮ್ ಕುಮಾರ್ ದೋಮಲ್ ಕ್ಯಾಬಿನೆಟ್​'ನಲ್ಲಿ ಪಂಚಾಯತ್ ರಾಜ್ ಮತ್ತು ಗ್ರಾಮೀಣ ಅಭಿವೃದ್ಧಿ ಖಾತೆ ಮಂತ್ರಿಯಾಗಿ ಕಾರ್ಯ ನಿರ್ವಹಿಸಿದ್ದರು.