ಭಾರತದ ಮೇಲೆ ಐಸಿಎಸ್ ಕರಿನೆರಳು; ಭಾರತೀಯ ವಿದ್ಯಾವಂತ ಯುವಕರೇ ಉಗ್ರರ ಟಾರ್ಗೆಟ್

ಐಸಿಸ್ ಅಟ್ಟಹಾಸಕ್ಕೆ ಇಡೀ ಜಗತ್ತೇ ನಲುಗಿ ಹೋಗಿದೆ. ತನ್ನ ಕ್ರೌರ್ಯ ಕೃತ್ಯದಿಂದ ನಾಗರಿಕ ಸಮಾಜವೇ ಬೆಚ್ಚಿ ಬೀಳುವಂತ ಘಟನೆಗಳಿಗೆ ಈ ಇಸ್ಲಾಮಿಕ್ ಸಂಘಟನೆ ಕಾರಣವಾಗಿದೆ.ಅಂತರ್ಜಾಲ ತಾಣಗಳ ಮೂಲಕವೂ ಜಗತ್ತಿನಾದ್ಯಂತ ತನ್ನ ಕಬಂದ ಬಾಹುಗಳನ್ನು ಚಾಚುತ್ತಿರುವ ಐಸಿಸ್’ನ  ಕರಿನೆರಳು ಇತ್ತೀಚೆಗೆ ಭಾರತದಲ್ಲೂ ಆವರಿಸಿದೆ . ಬಡ ಯುವಕರನ್ನು ಧರ್ಮದ ಹೆಸರಲ್ಲಿ ಹೋರಾಡುವಂತೆ ಹುರಿದುಂಬಿಸುತ್ತಿದೆ.

ನವದೆಹಲಿ (ಮೇ.17): ಐಸಿಸ್ ಅಟ್ಟಹಾಸಕ್ಕೆ ಇಡೀ ಜಗತ್ತೇ ನಲುಗಿ ಹೋಗಿದೆ. ತನ್ನ ಕ್ರೌರ್ಯ ಕೃತ್ಯದಿಂದ ನಾಗರಿಕ ಸಮಾಜವೇ ಬೆಚ್ಚಿ ಬೀಳುವಂತ ಘಟನೆಗಳಿಗೆ ಈ ಇಸ್ಲಾಮಿಕ್ ಸಂಘಟನೆ ಕಾರಣವಾಗಿದೆ.ಅಂತರ್ಜಾಲ ತಾಣಗಳ ಮೂಲಕವೂ ಜಗತ್ತಿನಾದ್ಯಂತ ತನ್ನ ಕಬಂದ ಬಾಹುಗಳನ್ನು ಚಾಚುತ್ತಿರುವ ಐಸಿಸ್’ನ  ಕರಿನೆರಳು ಇತ್ತೀಚೆಗೆ ಭಾರತದಲ್ಲೂ ಆವರಿಸಿದೆ . ಬಡ ಯುವಕರನ್ನು ಧರ್ಮದ ಹೆಸರಲ್ಲಿ ಹೋರಾಡುವಂತೆ ಹುರಿದುಂಬಿಸುತ್ತಿದೆ.

ಇಡೀ ವಿಶ್ವಕ್ಕೆ ತಲೆ ನೋವಾಗಿರುವ  ರಕ್ಕಸ  ಐಸಿಸ್​ ಉಗ್ರರ ಬೇರು ದಿನದಿಂದ ದಿನಕ್ಕೆ ಬೆಳೆಯುತ್ತಲೇ ಇದೆ.  2002ರಲ್ಲಿ  ಶುರುವಾದ ಈ  ಸಂಘಟನೆ  ಇಸ್ಲಾಮಿಕ್​ ಸ್ಟೇಟ್​ ಸ್ಥಾಪಿಸುವ ಗುರಿ ಹೊಂದಿದೆ. ಇದಕ್ಕಾಗಿ ಜಗತ್ತಿನ  ವಿವಿಧ ದೇಶಗಳಿಂದ ಯುವಕರನ್ನು  ತನ್ನ ಸಂಘಟನೆಯತ್ತ ಸೆಳೆಯುತ್ತಿದೆ.  ಇರಾಕ್  ಮತ್ತು  ಸಿರಿಯಾ  ರಾಷ್ಟ್ರಗಳಲ್ಲಿ  ತನ್ನ  ಸಾಮ್ರಾಜ್ಯ ಸ್ಥಾಪಿಸಿಕೊಂಡಿರುವ ಐಸಿಸ್​ ಉಗ್ರರು ಹಣದ ಆಮಿಷವೊಡ್ಡಿ  ಯವಕರನ್ನು  ಬಲಿ ಪಡೆಯುತ್ತಿದೆ .

ಭಾರತೀಯರೇ ಟಾರ್ಗೆಟ್​

ಇನ್ನು  2016ರಲ್ಲಿ  ಮೊದಲ ಬಾರಿಗೆ  ಭಾರತೀಯ ವಿದ್ಯಾವಂತ ಯುವಕರನ್ನು  ಟಾರ್ಗೆಟ್​ ಮಾಡಿದ್ದ  ಐಸಿಸ್​ ಉಗ್ರರು  ತನ್ನತ್ತ  ಸೆಳೆಯಲು  ಯತ್ನಿಸಿದ್ದರು.  ಬಂದರು ಪ್ರದೇಶಗಳ ಮೂಲಕ  ಇರಾಕ್ ಗೆ ಬರುವಂತೆ  ಐಸಿಸ್​ ಉಗ್ರರು ಸೂಚಿಸಿದ್ದರು .  ಅದರಂತೆ  ಸುಮಾರು 50ಕ್ಕೂ  ಹೆಚ್ಚು  ಯುವಕರು  ಐಸಿಸ್​ ಸೇರಲು  ಭಾರತಬಿಟ್ಟು ತೆರಳಲು ಮುಂದಾಗಿದ್ದರು . ಹೀಗೆ  ಮನೆ ಬಿಟ್ಟು ಬಂದಿದ್ದ ಸುಮಾರು 50ಕ್ಕೂ  ಹೆಚ್ಚು ಮಂದಿಯನ್ನು  ರಾಷ್ಟ್ರೀಯ ತನಿಖಾ ತಂಡ ಬಂಧಿಸಿದೆ. ಅದರಲ್ಲಿ  ಪ್ರಮುಖವಾಗಿ  ಮಹಾರಾಷ್ಟ್ರ ಮತ್ತು ತೆಲಂಗಾಣದ  11 ಮಂದಿ   ಕರ್ನಾಟಕದ 7 ಜನ , ಕೇರಳದ 6 ಮಂದಿ , ಉತ್ತರ ಪ್ರದೇಶದ 4 ನಾಲ್ವರನ್ನು  ಅರೆಸ್ಟ್​ ಮಾಡಲಾಗಿದೆ.  ಉಳಿದಂತೆ  ಯುಪಿ , ಪಶ್ಚಿಮಾ ಬಂಗಳ ಹಾಗೂ ದೆಹಲಿಯ ಯುವಕರನ್ನು  ಬಂಧಿಸಿದ್ದು   ಒಟ್ಟಾರೆ ಇದೂವರೆಗೆ  68 ಜನರ ಬಂಧನವಾಗಿದೆ ಎಂದು  ತಿಳಿದು ಬಂದಿದೆ.

ಐಸಿಸ್​ ಕಪಿ ಮುಷ್ಠಿಯಲ್ಲಿದ್ದ ಕನ್ನಡಿಗರು

ಇನ್ನು  2015  ಜುಲೈ 31 ರಂದು  ಲಿಬಿಯಾದ ಐಸಿಸ್‌ ಉಗ್ರರಿಂದ ಕರ್ನಾಟಕದ ಇಬ್ಬರು ಪ್ರೊಫೆಸರ್​ಗಳು   ಸೇರಿ ನಾಲ್ವರು ಭಾರತೀಯರನ್ನು  ಉಗ್ರರು  ಅಪಹರಸಿದ್ದರು.  ಕೋಲಾರ ಜಿಲ್ಲೆಯ ವಿಜಯ್‌ ಕುಮಾರ್‌ ಮತ್ತು ರಾಯಚೂರಿನ ಲಕ್ಷ್ಮೀಕಾಂತ್‌ರನ್ನು  ಕಿಡ್ನಾಪ್​ ಮಾಡಿದ್ದ ಉಗ್ರರ ಬಳಿ  ಈ ಇಬ್ಬರು  ಕನ್ನಡಿಗರು  ನಾವು ನಿಮ್ಮ ಮಕ್ಕಳಿಗೆ  ಪಾಠ ಹೇಳುವ  ಮೇಷ್ಟ್ರು ಎಂದು ಮನವಿ ಮಾಡಿಕೊಂಡಾಗ  ಬಿಡುಗಡೆಗೊಳಿಸಿದ್ದರು. ಇನ್ನು  ಯೆಮೆನ್ ನಲ್ಲಿ  ಐಸಿಸ್​ ಉಗ್ರರು  ಬೆಂಗಳೂರಿನ ಫಾದರ್  ಟಾಮ್ ಉಳುನ್ನಲಿಲ್ ರನ್ನು  ಅಪಹರಿಸಿ ಶಿರಚ್ಛೇದ ಮಾಡಿದರು  ಎನ್ನಲಾಗುತ್ತಿದೆ. ಆದ್ರೆ ಈ ಬಗ್ಗೆ  ಇನ್ನು  ಸ್ಪಷ್ಟ  ಮಾಹಿತಿ ಇಲ್ಲ.

ಇದಲ್ಲದೆ  ಕಳೆದ ತಿಂಗಳು  ಇರಾಕ್​ನಲ್ಲಿ  ಐಸಿಸ್​ ಉಗ್ರರ ವಶದಲ್ಲಿದ್ದ   30ಕ್ಕೂ  ಹೆಚ್ಚು  ಮಂದಿಯನ್ನು  ರಕ್ಷಿಸಿ  ಮತ್ತೆ ತಾಯ್ನಾಡಿಗೆ ಕಳುಹಿಸಲಾಗಿದೆ.  ಅಲ್ಲದೆ  ವಿಶ್ವದ ವಿವಿದೆಡೆ  ನಡೆದ ಐಸಿಸ್​ ದಾಳಿಯಲ್ಲಿ   ಸುಮಾರು  ನೂರಕ್ಕೂ  ಹೆಚ್ಚು ಭಾರತೀಯರು  ಅಸುನೀಗಿದ್ದಾರೆ ಅಂತಾ ಹೇಳಲಾಗಿದೆ. ಒಟ್ಟಾರೆ  ಐಸಿಸ್​ ಉಗ್ರರ ಉಪಟಳಕ್ಕೆ  ಭಾರತೀಯರು  ಬಲಿಯಾಗುತ್ತಿದ್ದಾರೆ.

ಆದ್ರೂ ಇವರ ಆಸಕ್ತಿ  ಭಾರತೀಯ ಯುವಕರ ಮೇಲೆಯೇ ಇದೆ.  ಇದಕ್ಕೆ ಸಾಕ್ಷಿ ಎಂಬಂತೆ  ರಿಪಬ್ಲಿಕ್​ ಟಿವಿಯ ಕರ್ನಾಟಕ  ಮೂಲದ ವರದಿಗಾರ್ತಿ ಪ್ರೇಮಾ ನಡೆಸಿದ ರಹಸ್ಯ ಕಾರ್ಯಾಚರಣೆಯಲ್ಲಿ  ಐಸಿಸ್​ ಬಗ್ಗೆ  ಆಸಕ್ತಿ ಹೊಂದಿರುವ ಯುವಕರು ಇದ್ದಾರೆ.