ಮಂತ್ರಿಗಿರಿ ಉಳಿಯುತ್ತಾ? ಸೋದರ ಸತೀಶ್ ಸಚಿವ ಆಗ್ತಾರಾ?

ರಾಜ್ಯ ಕಾಂಗ್ರೆಸ್‌ ನಾಯಕತ್ವ ಈ ದಾಳಿಯನ್ನು ರಾಜಕೀಯಪ್ರೇರಿತ ಎಂದು ಸದ್ಯಕ್ಕೆ ಬಣ್ಣಿಸಿದ್ದರೂ, ರಮೇಶ್‌ ಜಾರಕಿಹೊಳಿ ಅವರ ಬಳಿ 162 ಕೋಟಿ ರೂ. ಮೌಲ್ಯದ ಆದಾಯ ಮೂಲದ ವಿವರಣೆಯಿಲ್ಲದ ಆಸ್ತಿ ಪತ್ತೆಯಾಗಿದೆ ಎಂದು ಆದಾಯ ತೆರಿಗೆ ಇಲಾಖೆಯೇ ಅಧಿಕೃತವಾಗಿ ಪ್ರಕಟಣೆ ನೀಡಿರುವುದರಿಂದ ಅವರು ಸಚಿವ ಸ್ಥಾನದಲ್ಲಿ ಮುಂದುವರೆ​ಯು​ವುದು ಕಷ್ಟವಾಗುವ ಸಾಧ್ಯತೆಯಿದೆ ಎನ್ನಲಾಗಿದೆ.

ಬೆಂಗಳೂರು(ಜ.24): ಆದಾಯ ತೆರಿಗೆ ದಾಳಿ ವೇಳೆ ಆದಾಯ ಮೂಲದ ದಾಖಲೆಯಿಲ್ಲದ ಕೋಟ್ಯಂತರ ರೂ. ಮೌಲ್ಯದ ಆಸ್ತಿ ಪತ್ತೆಯಾದ ಹಿನ್ನೆಲೆಯಲ್ಲಿ ಸಣ್ಣ ಕೈಗಾರಿಕಾ ಸಚಿವ ರಮೇಶ್‌ ಜಾರಕಿಹೊಳಿ ಅವರ ಸಚಿವ ಸ್ಥಾನ ಉಳಿಯುತ್ತಾ ಎಂಬ ಪ್ರಶ್ನೆ ಉದ್ಭವಿಸಿದೆ.
ರಾಜ್ಯ ಕಾಂಗ್ರೆಸ್‌ ನಾಯಕತ್ವ ಈ ದಾಳಿಯನ್ನು ರಾಜಕೀಯಪ್ರೇರಿತ ಎಂದು ಸದ್ಯಕ್ಕೆ ಬಣ್ಣಿಸಿದ್ದರೂ, ರಮೇಶ್‌ ಜಾರಕಿಹೊಳಿ ಅವರ ಬಳಿ 162 ಕೋಟಿ ರೂ. ಮೌಲ್ಯದ ಆದಾಯ ಮೂಲದ ವಿವರಣೆಯಿಲ್ಲದ ಆಸ್ತಿ ಪತ್ತೆಯಾಗಿದೆ ಎಂದು ಆದಾಯ ತೆರಿಗೆ ಇಲಾಖೆಯೇ ಅಧಿಕೃತವಾಗಿ ಪ್ರಕಟಣೆ ನೀಡಿರುವುದರಿಂದ ಅವರು ಸಚಿವ ಸ್ಥಾನದಲ್ಲಿ ಮುಂದುವರೆ​ಯು​ವುದು ಕಷ್ಟವಾಗುವ ಸಾಧ್ಯತೆಯಿದೆ ಎನ್ನಲಾಗಿದೆ.
ಕೇವಲ ಏಳು ತಿಂಗಳ ಹಿಂದೆ ಸಿದ್ದ​ರಾಮಯ್ಯ ಅವರ ಸಚಿವ ಸಂಪುಟವನ್ನು ಸೇರಿದ್ದ ರಮೇಶ್‌ ಜಾರಕಿ​​​ಹೊಳಿ ಅವರಿಗೆ ಮಂತ್ರಿಗಿರಿ ಲಭಿಸಿದ್ದು ಅವರ ಸಹೋದರ ಸತೀಶ್‌ ಜಾರಕಿಹೊಳಿ ಅವರನ್ನು ಸಂಪುಟದಿಂದ ಕೈಬಿಟ್ಟಿದ್ದರಿಂದ.
ಕುಟುಂಬಕ್ಕೆ ಸಚಿವ ಖಾತೆ?

ತಮಗೆ ಮಹತ್ವದ ಖಾತೆ ದೊರೆ​ಯಲಿಲ್ಲ ಎಂಬ ಕಾರಣಕ್ಕೆ ಅಸಮಾಧಾನಗೊಂಡಿದ್ದ ಹಾಗೂ ತಾವು ನಿರ್ವಹಿಸುತ್ತಿದ್ದ ಅಬಕಾರಿ ಖಾತೆಯಿಂದ ಬದಲಾವಣೆ ಬಯಸಿದ್ದ ಸತೀಶ್‌ ಜಾರಕಿಹೊಳಿ ಅವರನ್ನು ಸಂಪುಟ ಪುನಾ​ರಚನೆ ವೇಳೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಕೈಬಿಟ್ಟು ರಮೇಶ್‌ ಜಾರಕಿಹೊಳಿ ಅವರಿಗೆ ಅವಕಾಶ ನೀಡಿದ್ದರು.
ಈಗ ರಮೇಶ್‌ ಜಾರಕಿಹೊಳಿ ಅವರು ಆದಾಯ ತೆರಿಗೆ ದಾಳಿಯಲ್ಲಿ ಆದಾಯ ಮೂಲ ತೋರಿಸಲಾಗದಷ್ಟುಆಸ್ತಿಯ ಸಂಗ್ರಹಣೆ ಮಾಡಿರುವುದು ಪತ್ತೆಯಾಗಿದೆ. ಹೀಗಾಗಿ ಅವರನ್ನು ಸಂಪುಟದಿಂದ ಕೈ ಬಿಡುವಂತೆ ಪಕ್ಷದ ಆಂತರಿಕ ವಲಯದಿಂದಲೇ ಒತ್ತಡ ನಿರ್ಮಾಣವಾಗಲಿದೆ. ಈ ಹಂತದಲ್ಲಿ ರಮೇಶ್‌ ಜಾರಕಿಹೊಳಿ ಅವರ ರಾಜಿನಾಮೆ ಪಡೆಯಲು ರಾಜ್ಯ ನಾಯಕತ್ವ ಮುಂದಾಗುವ ಸಾಧ್ಯತೆಯಿದೆ. ರಮೇಶ್‌ ಜಾರಕಿಹೊಳಿ ನಿರ್ಗಮನ ಅನಿವಾರ್ಯವಾಗುವ ಪರಿಸ್ಥಿತಿ ನಿರ್ಮಾಣವಾದರೆ ಆಗ ರಾಜ್ಯ ನಾಯಕತ್ವದ ಮುಂದೆ ಎರಡು ದಾರಿಯಿದೆ.

(ಕನ್ನಡಪ್ರಭ ವಾ)