ನೋಟ್'ಬ್ಯಾನ್, ಜಿಎಸ್ಟಿ ಬಳಿಕ ಜಿಡಿಪಿ ದರದಲ್ಲಿ ಭಾರೀ ಏರಿಕೆ

ನೋಟ್ ಬ್ಯಾನ್ ಹಾಗೂ ಜಿಎಸ್​ಟಿ ಜಾರಿ ಬಳಿಕ ಶುಭಸುದ್ದಿಯೊಂದು ಸಿಕ್ಕಿದೆ. ಕಳೆದ 5 ತ್ರೈಮಾಸಿಕ ವರದಿಗಳಲ್ಲಿ ಕುಸಿತ ಕಾಣುತ್ತಿದ್ದ ಜಿಡಿಪಿ ದರದಲ್ಲಿ ಈ ಭಾರೀ ಏರಿಕೆಯಾಗಿದೆ.

ನವದೆಹಲಿ (ನ.30): ನೋಟ್ ಬ್ಯಾನ್ ಹಾಗೂ ಜಿಎಸ್​ಟಿ ಜಾರಿ ಬಳಿಕ ಶುಭಸುದ್ದಿಯೊಂದು ಸಿಕ್ಕಿದೆ. ಕಳೆದ 5 ತ್ರೈಮಾಸಿಕ ವರದಿಗಳಲ್ಲಿ ಕುಸಿತ ಕಾಣುತ್ತಿದ್ದ ಜಿಡಿಪಿ ದರದಲ್ಲಿ ಈ ಭಾರೀ ಏರಿಕೆಯಾಗಿದೆ.

ಮೊದಲ ತ್ರೈಮಾಸಿಕ ಅವಧಿಯಲ್ಲಿ ಶೇ.5.7ರಷ್ಟಿದ್ದ ಜಿಡಿಪಿ ದರ ಈಗ ಶೇ.6.3ಗೆ ಏರಿಕೆಯಾಗಿದೆ. ತಯಾರಿಕಾ ಕ್ಷೇತ್ರದಲ್ಲಿ ಭಾರೀ ಸಾಧನೆ ಕಂಡ ಹಿನ್ನೆಲೆಯಲ್ಲಿ ಈ ಏರಿಕೆಯಾಗಿದೆ. ನೋಟ್​ಬ್ಯಾನ್​ ಮತ್ತು ಜಿಎಸ್​ಟಿ ಜಾರಿಯಿಂದ ಈ ಕ್ಷೇತ್ರದ ಅಭಿವೃದ್ಧಿಗೆ ಭಾರೀ ಹಿನ್ನಡೆಯಾಗಿತ್ತು. ಆದರೆ  ಈಗ ಪರಿಸ್ಥಿತಿ ಸುಧಾರಿಸಿದ್ದು, ಈ ಬಾರಿಯ ವರದಿಯಲ್ಲಿ ಆರ್ಥಿಕ ಚೇತರಿಕೆ ಕಂಡಿದೆ. ಕೇಂದ್ರ ಸರ್ಕಾರ ಈ ಬೆಳವಣಿಗೆಯನ್ನು ನಿರೀಕ್ಷಿಸಿತ್ತು.  ಹೀಗಾಗಿ ಮುಂದೆ ಇನ್ನಷ್ಟು ಆರ್ಥಿಕ ಚೇತರಿಕೆ ಕಾಣಲಿದೆ ಅನ್ನೋ ಆಶಾಭಾವವನ್ನು ಕೇಂದ್ರ ಸರ್ಕಾರ ಹೊಂದಿದೆ.

ನವದೆಹಲಿಯಲ್ಲಿ ಸುದ್ದಿಗೋಷ್ಠಿ ನಡೆಸಿದ ಕೇಂದ್ರ ವಿತ್ತ ಸಚಿವ ಅರುಣ್ ಜೇಟ್ಲಿ,  ನೋಟ್'​ಬ್ಯಾನ್ ಮತ್ತು ಜಿಎಸ್​ಟಿ ಜಾರಿಯ ಉತ್ತಮ ಫಲಿತಾಂಶದಿಂದಾಗಿ ಇದೀಗ ಜಿಡಿಪಿ ಭಾರೀ ಏರಿಕೆ ಕಂಡಿದೆ. ಮುಂದೆಯೂ ಆರ್ಥಿಕ ಪರಿಸ್ಥಿತಿ ಮತ್ತಷ್ಟು ಸುಧಾರಿಸಲಿದ್ದು, ನಮ್ಮ ಶ್ರಮಕ್ಕೆ ಫಲ ಸಿಗಲಿದೆ ಎಂಬ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.