ಆದಾಯ ತೆರಿಗೆ ಸಲ್ಲಿಸುವವರ ಪ್ರಮಾಣ ದ್ವಿಗುಣ

ಆದಾಯ ತೆರಿಗೆ ಸಲ್ಲಿಸುವವರ ಪ್ರಮಾಣ ಗಣನೀಯವಾಗಿ ಹೆಚ್ಚಾಗಿದೆ. ತೆರಿಗೆ ಆದಾಯ ಹೆಚ್ಚಿಸಲು ಕೇಂದ್ರ ಸರ್ಕಾರ ಹಲವಾರು ದಾರಿಗಳನ್ನು ಹುಡುಕುತ್ತಿರುವಾಗಲೇ ಪ್ರಸಕ್ತ ವರ್ಷದಲ್ಲಿ ಆದಾಯ ತೆರಿಗೆ ರಿಟರ್ನ್ ಸಲ್ಲಿಸುವವರ ಪ್ರಮಾಣ ಎರಡು ಪಟ್ಟು  ಹೆಚ್ಚಾಗಿದೆ. 

ನವದೆಹಲಿ (ಜು. 31): ತೆರಿಗೆ ಆದಾಯ ಹೆಚ್ಚಿಸಲು ಕೇಂದ್ರ ಸರ್ಕಾರ ಹಲವಾರು ದಾರಿಗಳನ್ನು ಹುಡುಕುತ್ತಿರುವಾಗಲೇ ಪ್ರಸಕ್ತ ವರ್ಷದಲ್ಲಿ ಆದಾಯ ತೆರಿಗೆ ರಿಟರ್ನ್ ಸಲ್ಲಿಸುವವರ ಪ್ರಮಾಣ ಎರಡು ಪಟ್ಟು ಹೆಚ್ಚಾಗಿದೆ.

ಈ ವರ್ಷ ಕಳೆದ ಗುರುವಾರದವರೆಗೆ (ಜು.29) 3.07 ಕೋಟಿ ತೆರಿಗೆ ಇ-ರಿಟರ್ನ್ಗಳು ಸಲ್ಲಿಕೆಯಾಗಿವೆ. 2017 ರ ಜು. 26 ರವರೆಗೆ ಸಲ್ಲಿಕೆಯಾಗಿದ್ದ 1.7 ಕೋಟಿ ರಿಟರ್ನ್‌ಗಳಿಗೆ ಹೋಲಿಸಿದರೆ ಇದು ಶೇ.82 ರಷ್ಟು ಅಧಿಕ. ಇದೇ ವೇಳೆ, ರೀಫಂಡ್ ಕೋರಿಕೆ ವಿಲೇವಾರಿಯಲ್ಲೂ ಶೇ.81 ರಷ್ಟು ಏರಿಕೆ ಕಂಡುಬಂದಿದೆ. ಕಳೆದ ಗುರುವಾರದವರೆಗೆ 77,700 ಕೋಟಿ ರು. ಹಣವನ್ನು ರೀಫಂಡ್ ರೂಪದಲ್ಲಿ ಮರಳಿಸಲಾಗಿದೆ.