ಬಲವಂತದ ಧರ್ಮಾಂತರಕ್ಕೆ 7 ವರ್ಷ ಜೈಲು ಶಿಕ್ಷೆ| ಹಿಮಾಚಲ ಪ್ರದೇಶ ಧಾರ್ಮಿಕ ಹಕ್ಕು-2019 ವಿದೇಯಕಕ್ಕೆ ಪ್ರತಿಪಕ್ಷದ ಬೆಂಬಲ
ಶಿಮ್ಲಾ[ಆ.31]: ವೈವಾಹಿಕ, ಮತ ಪರಿವರ್ತನೆಗೆ ಉತ್ತೇಜನ ಅಥವಾ ಇನ್ನಿತರ ಮಾರ್ಗದ ಮೂಲಕ ವ್ಯಕ್ತಿಯೋರ್ವನನ್ನು ಬಲವಂತವಾಗಿ ಧರ್ಮಾಂತರಗೊಳಿಸುವುದನ್ನು ಅಪರಾಧ ಎಂದು ಸಾರುವ ಮಸೂದೆಯನ್ನು ಹಿಮಾಚಲ ಪ್ರದೇಶ ವಿಧಾನಸಭೆ ಅವಿರೋಧವಾಗಿ ಅಂಗೀಕರಿಸಿದೆ.
ವಿಧಾನಸಭೆಯಲ್ಲಿ ಶುಕ್ರವಾರ ಮಂಡನೆಯಾದ ಹಿಮಾಚಲ ಪ್ರದೇಶ ಧಾರ್ಮಿಕ ಹಕ್ಕು-2019 ವಿದೇಯಕಕ್ಕೆ ಪ್ರತಿಪಕ್ಷದ ಬೆಂಬಲವೂ ವ್ಯಕ್ತವಾಯಿತು. ಹೀಗಾಗಿ ಇನ್ನು ಇಂಥ ಕೃತ್ಯಗಳಲ್ಲಿ ಭಾಗಿಯಾದ ತಪ್ಪಿತಸ್ಥರಿಗೆ 7 ವರ್ಷಗಳ ಕಾಲ ಜೈಲು ಶಿಕ್ಷೆ ವಿಧಿಸಲಾಗುತ್ತದೆ.
Himachal Pradesh state assembly today passed Himachal Pradesh Freedom of Religion Bill, 2019. The Bill prohibits religious conversion by misrepresentation, force, undue influence, coercion, inducement, marriage or any fraudulent means.
— ANI (@ANI)ಈ ಬಗ್ಗೆ ಪ್ರತಿಕ್ರಿಯಿಸಿದ ಮುಖ್ಯಮಂತ್ರಿ ಜೈರಾಂ ಠಾಕೂರ್, ‘ಬಲವಂತದ ಧರ್ಮ ಪರಿವರ್ತನೆಗಳ ವಿರುದ್ಧ ಕಠಿಣ ಕಾನೂನಿನ ಅಗತ್ಯವಿತ್ತು’ ಎಂದು ಹೇಳಿದರು.