ಪಬ್ಲಿಕ್ ನ್ಯೂಸ್ಗೆ ಮೊದಲ ಸಿಖ್ ಆ್ಯಂಕರ್!
ಸಾರಾಂಶ
ಪಬ್ಲಿಕ್ ನ್ಯೂಸ್ ಗೆ ಮೊದಲ ಸಿಖ್ ಆ್ಯಂಕರ್ ಪಾಕಿಸ್ತಾನದ ಪಬ್ಲಿಕ್ ನ್ಯೂಸ್ ನೇಮಕ ಹರ್ಮೀತ್ ಸಿಂಗ್ ಪಾಕ್ನ ಮೊದಲ ಸಿಖ್ ಆ್ಯಂಕರ್
ಕರಾಚಿ(ಜು.1): ಪಾಕಿಸ್ತಾನ ಚಾನೆಲ್ವೊಂದು ಸಿಖ್ ಸಮುದಾಯಕ್ಕೆ ಸೇರಿದ ಹರ್ಮೀತ್ ಸಿಂಗ್ರನ್ನು ಆ್ಯಂಕರ್ ಆಗಿ ನೇಮಕ ಮಾಡಿದೆ. ಖೈಬರ್ ಪ್ಯಾಂತ್ಯದ ನಿವಾಸಿಯಾಗಿರುವ ಹರ್ಮಿತ್ ಸಿಂಗ್ ಸದ್ಯ ಪಾಕಿಸ್ತಾನದ ಪಬ್ಲಿಕ್ ನ್ಯೂಸ್ ಚಾನೆಲ್ ನಲ್ಲಿ ನಿರೂಪಕನಾಗಿ ಕೆಲಸ ಪ್ರಾರಂಭಿಸಿದ್ದಾರೆ.
ಹರ್ಮೀತ್ ಸಿಂಗ್ರನ್ನು ಸ್ವಾಗತ ಮಾಡುವ ವಿಡಿಯೋವನ್ನು ಚಾನೆಲ್ನ ಅಧಿಕೃತ ಟ್ವಿಟರ್ ಪೇಜ್ನಲ್ಲಿ ಪೋಸ್ಟ್ ಮಾಡಿ "ಪಾಕಿಸ್ತಾನದ ಮೊದಲ ಸಿಖ್ ನ್ಯೂಸ್ ಆ್ಯಂಕರ್ ಹರ್ಮೀತ್ ಸಿಂಗ್ " ಎಂದು ಕ್ಯಾಪ್ಷನ್ ನೀಡಿದ್ದಾರೆ.
ಹೊಸ ಜವಾಬ್ದಾರಿ ಕುರಿತಂತೆ ಮಾತನಾಡಿರುವ ಹರ್ಮೀತ್ ಸಿಂಗ್, "ಪಾಕಿಸ್ತಾನದ ಮಾಧ್ಯಮದಲ್ಲಿ ಕೆಲಸ ಮಾಡಲು ಅತೀ ಉತ್ಸುಕನಾಗಿದ್ದೇನೆ ಎಂದು ಹೇಳಿದ್ದಾರೆ. ಜೊತೆಗೆ ಜಾತಿಯನ್ನು ಮುಂದಿಟ್ಟುಕೊಂಡು ಕೆಲಸ ಗಿಟ್ಟಿಸಿಲ್ಲ, ನನ್ನ ಕಠಿಣ ಪರಿಶ್ರಮದಿಂದ ಇದೆಲ್ಲಾ ಸಾಧ್ಯವಾಯಿತು" ಎಂದಿದ್ದಾರೆ.
ಹರ್ಮೀತ್ ಆಯ್ಕೆಗೆ ಆತನ ಧ್ವನಿ ಮತ್ತು ಆಕರ್ಷಕ ವ್ಯಕ್ತಿತ್ವ ಕಾರಣವಾಯಿತು ಎಂದು ಪಬ್ಲಿಕ್ ನ್ಯೂಸ್ನ ಮುಖ್ಯಸ್ಥ ಯೂಸುಫ್ ಬೇಗ್ ಮಿರ್ಜಾ ಹೇಳಿದ್ದಾರೆ. ಇನ್ನು ಹರ್ಮೀತ್ ಸಿಂಗ್ ಕರಾಚಿಯ ಫೆಡರಲ್ ಉರ್ದು ವಿವಿಯಲ್ಲಿ ಪತ್ರಿಕೋದ್ಯಮದಲ್ಲಿ ಉನ್ನತ ಶಿಕ್ಷಣ ಮುಗಿಸಿ ವರದಿಗಾರನಾಗಿ ವೃತ್ತಿ ಪ್ರಾರಂಭಿಸಿದ್ದರು. ಇತ್ತೀಚಿಗೆ ಮನ್ಮೀತ್ ಕೌರ್ ಪಾಕ್ ಪ್ರಥಮ ಮಹಿಳಾ ಸಿಖ್ ವರದಿಗಾರ್ತಿ ಆಗಿ ದೇಶದ ಗಮನ ಸೆಳೆದಿದ್ದಳು.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.