ನಾಳೆಯಿಂದ ರೇಡಿಯೋದಲ್ಲಿ ಎಸ್ಸೆಸ್ಸೆಲ್ಸಿ ಕಾರ್ಯಕ್ರಮ

ರಾಜ್ಯದ 13 ಆಕಾಶವಾಣಿ ಕೇಂದ್ರಗಳಲ್ಲಿ ಸೋಮವಾರದಿಂದ ಶುಕ್ರವಾರದವರೆಗೆ ಮಧ್ಯಾಹ್ನ 2.35 ರಿಂದ 3.05 ನಿಮಿಷದ ಅವಧಿಯಲ್ಲಿ ಕಾರ್ಯಕ್ರಮ ಪ್ರಸಾರವಾಗಲಿದೆ. ಈ ವರ್ಷ ಬುಕ್‌ಲೆಟ್ ಬದಲಾಗಿ ಪ್ರಶ್ನೆಪತ್ರಿಕೆ ಮತ್ತು ಉತ್ತರ ಪತ್ರಿಕೆಗಳು ಬೇರೆ ಬೇರೆಯಾಗಿರುವ ಕುರಿತು ಸಹ ಮಾಹಿತಿ ಒದಗಿಸಲಿದ್ದಾರೆ.

ಬೆಂಗಳೂರು(ಫೆ.18): ಎಸ್‌ಎಸ್‌ಎಲ್‌ಸಿ ವಿದ್ಯಾರ್ಥಿಗಳಿಗೆ ಅನುಕೂಲವಾಗುವ ನಿಟ್ಟಿನಲ್ಲಿ ಆಕಾಶವಾಣಿಯು ಫೆ.20ರಿಂದ ಮಾ.14ರ ವರೆಗೆ ಪರೀಕ್ಷಾ ಸಿದ್ಧತಾ ಕ್ರಮಗಳ ಸರಣಿ ಕಾರ್ಯಕ್ರಮ ಪ್ರಸಾರ ಮಾಡಲಿದೆ. ಸರಣಿ ಕಾರ್ಯಕ್ರಮದಲ್ಲಿ ಪಠ್ಯಪುಸ್ತಕ ರಚನೆ ಸಮಿತಿ ಅಧ್ಯಕ್ಷರು, ಶಿಕ್ಷಣ ತಜ್ಞರು, ಈ ಹಿಂದೆ ಪ್ರಶ್ನೆಪತ್ರಿಕೆ ಆಯ್ಕೆ ಸಮಿತಿಯಲ್ಲಿದ್ದವರು ಮತ್ತು ಅಧಿಕಾರಿಗಳು ಪಾಲ್ಗೊಂಡು ಮಾಹಿತಿ ನೀಡಲಿದ್ದಾರೆ.

ರಾಜ್ಯದ 13 ಆಕಾಶವಾಣಿ ಕೇಂದ್ರಗಳಲ್ಲಿ ಸೋಮವಾರದಿಂದ ಶುಕ್ರವಾರದವರೆಗೆ ಮಧ್ಯಾಹ್ನ 2.35 ರಿಂದ 3.05 ನಿಮಿಷದ ಅವಧಿಯಲ್ಲಿ ಕಾರ್ಯಕ್ರಮ ಪ್ರಸಾರವಾಗಲಿದೆ. ಈ ವರ್ಷ ಬುಕ್‌ಲೆಟ್ ಬದಲಾಗಿ ಪ್ರಶ್ನೆಪತ್ರಿಕೆ ಮತ್ತು ಉತ್ತರ ಪತ್ರಿಕೆಗಳು ಬೇರೆ ಬೇರೆಯಾಗಿರುವ ಕುರಿತು ಸಹ ಮಾಹಿತಿ ಒದಗಿಸಲಿದ್ದಾರೆ.

ವೇಳಾಪಟ್ಟಿ:

ಫೆ.20- ಕನ್ನಡ, ಫೆ.21- ಇಂಗ್ಲಿಷ್, ಫೆ.22- ಅಂಕಗಣಿತ ಮತ್ತು ಬೀಜಗಣಿತ, ಫೆ.23- ರೇಖಾಗಣಿತ, ಫೆ.27- ಭೌತಶಾಸ್ತ್ರ ಮತ್ತು ರಸಾಯನಶಾಸ್ತ್ರ, ಫೆ.28- ಜೀವಶಾಸ್ತ್ರ, ಮಾ.1- ಇತಿಹಾಸ ಮತ್ತು ಪೌರನೀತಿ, ಮಾ.2- ಅರ್ಥಶಾಸ್ತ್ರ ಮತ್ತು ಭೂಗೋಳ, ಮಾ.3- ತೃತೀಯ ಭಾಷೆ ಹಿಂದಿ, ಮಾ.6- ಇಂಗ್ಲಿಷ್ (ಪ್ರಥಮ ಭಾಷೆ), ಮಾ.7- ಸಂಸ್ಕೃತ (ಪ್ರಥಮ ಭಾಷೆ), ಮಾ.8- ಪರೀಕ್ಷಾ ಸಮಯ ನಿರ್ವಹಣೆ, ಮಾ.9- ಪರೀಕ್ಷಾ ಪದ್ಧತಿ ನಿರ್ಹವಣೆ ಮತ್ತು ನಿದ್ದೆ, ಮಾ.10- ಪರೀಕ್ಷಾ ಸಮಯದಲ್ಲಿ ಮಾನಸಿಕ ಸ್ಥಿತಿ, ಮಾ.13 ಮತ್ತು ಮಾ.14 ಶಿಕ್ಷಣ ತಜ್ಞರಿಂದ ಮಾಹಿತಿ ಒದಗಿಸಲಾಗುವುದು ಎಂದು ಆಕಾಶವಾಣಿ ಪ್ರಕಟಣೆ ತಿಳಿಸಿದೆ.