ಈ ಕಲ್ಲಿನ ಮೇಲೆ ಏನು ಬರೆದಿದೆ ಅಂತಾ ಹೇಳಿದ್ರೆ ಬಂಪರ್ ಬಹುಮಾನ!

ಈ ಕಲ್ಲಿನ ಮೇಲೆ ಬರೆದಿದ್ದನ್ನು ಗ್ರಹಿಸಿ ಬಹುಮಾನ ಗೆಲ್ಲಿ| ಸಮುದ್ರ ತಟದಲ್ಲಿ ಸಿಕ್ಕ ಕಲ್ಲಿನ ಮೇಲೆ ಅಪರೂಪದ ಬರಹ| ಫ್ರಾನ್ಸ್ ನ ಬ್ರಿಟಾನಿ ಸಮೀಪವಿರುವ ಹಳ್ಳಿಯೊಂದರಲ್ಲಿ ಸಿಕ್ಕ ಕಲ್ಲು| ಕಲ್ಲಿನ ಮೇಲೆ ಕೆತ್ತಲಾಗಿರುವ ಬರಹಗಳನ್ನು ಗ್ರಹಿಸಲು ತಜ್ಞರಿಗೂ ಸಾಧ್ಯವಾಗಿಲ್ಲ| ಈ ಬರಹ ಗ್ರಹಿಸಿದವರಿಗೆ 2,000 ಯುರೋ (2,250 ಡಾಲರ್) ಬಹುಮಾನ ಘೋಷಣೆ|

ಪ್ಲೋಗಾಸ್ಟಲ್ ದಾವೋಲಾಸ್(ಮೇ.10): ಫ್ರಾನ್ಸ್ ನ ಬ್ರಿಟಾನಿ ಸಮೀಪವಿರುವ ಹಳ್ಳಿಯೊಂದರಲ್ಲಿ ಕಲ್ಲಿನ ಮೇಲೆ ಕೆತ್ತಿರುವ ಅಕ್ಷರಗಳನ್ನು ಸರಿಯಾಗಿ ಗ್ರಹಿಸಿದವರಿಗಾಗಿ ಸೂಕ್ತ ಬಹುಮಾನ ಘೋಷಿಸಲಾಗಿದೆ.

ಇಲ್ಲಿನ ಪ್ಲೋಗಾಸ್ಟಲ್ ದಾವೋಲಾಸ್ ಹಳ್ಳಿಯ ಸುಮುದ್ರ ತೀರದಲ್ಲಿ ಅಪರೂಪದ ಕಲ್ಲೊಂದು ಪತ್ತೆಯಾಗಿದೆ. ಆದರೆ ಈ ಕಲ್ಲಿನ ಮೇಲೆ ಕೆತ್ತಲಾಗಿರುವ ಬರಹಗಳನ್ನು ಗ್ರಹಿಸಲು ತಜ್ಞರಿಗೂ ಸಾಧ್ಯವಾಗಿಲ್ಲ.

ಈ ಹಿನ್ನೆಲೆಯಲ್ಲಿ ಈ ಬರಗಳನ್ನು ಪತ್ತೆ ಹಚ್ಚಿದವರಿಗೆ 2,000 ಯುರೋ (2,250 ಡಾಲರ್) ಬಹುಮಾನ ಘೋಷಿಸಲಾಗಿದೆ.  

ಸುಮಾರು 230 ವರ್ಷಗಳಿಗೂ ಪುರಾತನವಾದ ಈ ಕಲ್ಲಿನ ಮೇಲೆ ಕೆತ್ತಲಾಗಿರುವ ಬರಹ ಸದ್ಯ ಬ್ರಿಟಿಷ್ ಮ್ಯೂಸಿಯಂನಲ್ಲಿರುವ ಈಜಿಪ್ಟ್ ನ ರೊಸೆಟ್ಟಾ ಸ್ಟೋನ್ ಬರಹಕ್ಕೆ ಹೋಲಿಕೆಯಾಗುತ್ತದೆ ಎನ್ನಾಲಾಗಿದೆ.