[ಸುಳ್ ಸುದ್ದಿ] ಸಿಎಂ ಇಪಿಎಸ್ ಡಿಸಿಎಂ ಒಪಿಎಸ್ ಎಂದು ಸ್ಪೀಡಾಗಿ 100 ಸಲ ಹೇಳಿದ್ರೆ ಗಿಫ್ಟ್!

ತಮಿಳುನಾಡು ಎಐಎಡಿಎಂಕೆ ಪಕ್ಷದ ಬಣಗಳು ಒಂದಾಗಿರುವ ಸಂಭ್ರಮಾಚರಣೆಯನ್ನು ರಾಜ್ಯದ ಮೂಲೆ ಮೂಲೆಗೂ ತಲುಪಿಸಲು ಪಕ್ಷದ ನಾಯಕರು ನಿರ್ಧರಿಸಿದ್ದಾರೆ.

ಈ ಹಿನ್ನೆಲೆಯಲ್ಲಿ 5 ವರ್ಷದೊಳಗಿನ  ಮಕ್ಕಳಿಗೆ ರಾಜ್ಯಾದ್ಯಂತ ವಿಶೇಷ ಸ್ಪರ್ಧೆ ಏರ್ಪಡಿಸಲಾಗಿದೆ.

ಸಿಎಂ ಇಪಿಎಸ್ ಡಿಸಿಎಂ ಒಪಿಎಸ್ ಎಂದು 100 ಬಾರಿ ವೇಗವಾಗಿ ಒಂದೂ ತಪ್ಪಿಲ್ಲದೆ ಹೇಳುವುದೇ ಆ ಸ್ಪರ್ಧೆ. ಇದನ್ನು ಹೇಳಿದರೆ ಮಕ್ಕಳಿಗೆ ಪಕ್ಷದ ವತಿಯಿಂದ ವಿಶೇಷ ಗಿಫ್ಟ್ ನೀಡಲಾಗುತ್ತದೆ.

ಈ ಸ್ಪರ್ಧೆಯಿಂದಾಗಿ ಪಕ್ಷದ ಬಗ್ಗೆ ಮಕ್ಕಳಿಗೂ ತಿಳಿದಂತಾಗುತ್ತದೆ ಮತ್ತು ತಮ್ಮಿಬ್ಬರ ಹೆಸರು ಎಲ್ಲರ ಬಾಯಲ್ಲೂ ಹರಿದಾಡುತ್ತಿರುತ್ತದೆ ಎಂಬ ಲೆಕ್ಲಚಾರ ಇ. ಪಳನಿಸ್ವಾಮಿ ಹಾಗೂ ಒ ಪನ್ನೀರ್ಸೆಲ್ವಂ ಅವರದ್ದು ಎನ್ನಲಾಗಿದೆ.  ಹೆಳಲು ಒಂಥರಾ ಮಜವಾಗಿರುವುದರಿಂದ ತಮಿಳುನಾಡಿನೆಲ್ಲೆಡೆ ಮಕ್ಕಳ ಬಾಯಲ್ಲಿ ಇದೇ ಹರಿದಾಡುತ್ತಿದೆ ಎಂದು ತಿಳಿದುಬಂದಿದೆ.