ರಾಷ್ಟ್ರೀಯತೆ ಅನುಸಾರ ಮುಸ್ಲಿಮರೂ ಹಿಂದೂಗಳೇ: ಭಾಗವತ್
ಸಾರಾಂಶ
ಹಿಂದೂಸ್ತಾನದ ಹೊಣೆಗಾರಿಕೆ ಎಲ್ಲಾ ಭಾರತೀಯರ ಮೇಲಿದೆ. ದೇಶದ ಗೌರವ ಕಾಪಾಡಲು ಎಲ್ಲಾ ಭಾರತೀಯರು ಸದಾ ಕಾಲ ಸನ್ನದ್ಧವಾಗಿರಬೇಕು ಎಂದು ಭಾಗವತ್ ಹೇಳಿದ್ದಾರೆ.
ಬೇತುಲ್ (ಫೆ.08): ಹಿಂದೂಸ್ತಾನದಲ್ಲಿ ವಾಸಮಾಡುವ ಎಲ್ಲಾ ಜನರು ಮತ್ತು ಹಿಂದೂ ಸಂಸ್ಕೃತಿಯನ್ನು ಗೌರವಿಸುವ ಎಲ್ಲರೂ ಹಿಂದೂಗಳೇ ಎಂದು ಆರೆಸ್ಸೆಸ್ ಮುಖ್ಯಸ್ಥ ಮೋಹನ್ ಭಾಗವತ್ ಹೇಳಿದ್ದಾರೆ. ಮುಸ್ಲಿಮರು ಪ್ರಾರ್ಥನೆ ಮಾಡುವ ರೀತಿ ಬೇರೆಯೇ ಆದರೂ, ರಾಷ್ಟ್ರೀಯತೆಯ ಅನುಸಾರ ಅವರು ಕೂಡಾ ಹಿಂದೂಗಳೇ ಎಂದು ಅವರು ಪ್ರತಿಪಾದಿಸಿದ್ದಾರೆ.
ಇಲ್ಲಿ ಆಯೋಜನೆಗೊಂಡಿದ್ದ ಹಿಂದೂ ಸಮ್ಮೇಳನದಲ್ಲಿ ಮಾತನಾಡಿದ ಭಾಗವತ್, ‘ಇಡೀ ವಿಶ್ವದಲ್ಲಿ ಭಾರತೀಯ ಸಮಾಜವನ್ನು ಹಿಂದೂ ಎಂದೇ ಪರಿಗಣಿಸಲಾಗುತ್ತದೆ. ಎಲ್ಲಾ ಭಾರತೀಯರೂ ಹಿಂದೂಗಳೇ ಮತ್ತು ನಾವೆಲ್ಲಾ ಒಂದೇ ಎಂದು’ ಪ್ರತಿಪಾದಿಸಿದ್ದಾರೆ. ಹೀಗಾಗಿ ಭಾರತದಲ್ಲಿ ವಾಸಿಸುವ, ಇಲ್ಲಿನ ಸಂಸ್ಕೃತಿಯನ್ನು ಗೌರವಿಸುವ ಪ್ರತಿಯೊಬ್ಬರೂ ಹಿಂದೂಗಳೆಂದೇ ಅರ್ಥ. ಮುಸ್ಲಿಮರ ಪ್ರಾರ್ಥನೆಯ ರೀತಿ ಬೇರೆಯೇ ಇದ್ದರೂ, ರಾಷ್ಟ್ರೀಯತೆಯ ಅನುಸಾರ ಅವರು ಕೂಡಾ ಹಿಂದೂಗಳೆಂದೇ ಪರಿಗಣಿಸಲ್ಪಡುತ್ತಾರೆ ಎಂದಿದ್ದಾರೆ.
ಹಿಂದೂಸ್ತಾನದ ಹೊಣೆಗಾರಿಕೆ ಎಲ್ಲಾ ಭಾರತೀಯರ ಮೇಲಿದೆ. ದೇಶದ ಗೌರವ ಕಾಪಾಡಲು ಎಲ್ಲಾ ಭಾರತೀಯರು ಸದಾ ಕಾಲ ಸನ್ನದ್ಧವಾಗಿರಬೇಕು ಎಂದು ಭಾಗವತ್ ಹೇಳಿದ್ದಾರೆ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.