ದೆಹಲಿ ಮೆಟ್ರೋ ದರ ಕಡಿಮೆ ಮಾಡುವುದಾದರೆ ಸರ್ಕಾರದ ಬೊಕ್ಕಸಕ್ಕೆ ಬೀಳಲಿದೆ 3 ಸಾವಿರ ಕೋಟಿ ಹೊರೆ

ದೆಹಲಿ ಮೆಟ್ರೋದರ ಹೆಚ್ಚಳವನ್ನು ಕಡಿಮೆ ಮಾಡುವುದಾದರೆ ಮುಂದಿನ 5 ವರ್ಷಗಳ ಕಾಲ ಸರ್ಕಾರ ವಾರ್ಷಿಕ 3 ಸಾವಿರ ಕೋಟಿ ಹಣವನ್ನು ಪಾವತಿಸಬೇಕಾಗುತ್ತದೆ. ಆಮ್ ಆದ್ಮಿ ಮುಂದೆ ದೊಡ್ಡ ಸವಾಲಿದೆ ಎಂದು ಕೇಂದ್ರ ಗೃಹ ಹಾಗೂ ನಗರಾಭಿವೃದ್ಧಿ ಸಚಿವ ಹರ್ದೀಪ್ ಸಿಂಗ್ ಪುರಿ ಹೇಳಿದ್ದಾರೆ.

ನವದೆಹಲಿ (ಅ.07): ದೆಹಲಿ ಮೆಟ್ರೋದರ ಹೆಚ್ಚಳವನ್ನು ಕಡಿಮೆ ಮಾಡುವುದಾದರೆ ಮುಂದಿನ 5 ವರ್ಷಗಳ ಕಾಲ ಸರ್ಕಾರ ವಾರ್ಷಿಕ 3 ಸಾವಿರ ಕೋಟಿ ಹಣವನ್ನು ಪಾವತಿಸಬೇಕಾಗುತ್ತದೆ. ಆಮ್ ಆದ್ಮಿ ಮುಂದೆ ದೊಡ್ಡ ಸವಾಲಿದೆ ಎಂದು ಕೇಂದ್ರ ಗೃಹ ಹಾಗೂ ನಗರಾಭಿವೃದ್ಧಿ ಸಚಿವ ಹರ್ದೀಪ್ ಸಿಂಗ್ ಪುರಿ ಹೇಳಿದ್ದಾರೆ.

ಪ್ರತಿನಿತ್ಯ ದೆಹಲಿ ಮೆಟ್ರೋದಲ್ಲಿ 27 ಲಕ್ಷ ಮಂದಿ ಪ್ರಯಾಣಿಸುತ್ತಾರೆ. ಕಳೆದ 8 ವರ್ಷಗಳಲ್ಲಿ 2 ನೇ ಬಾರಿಗೆ ಮೆಟ್ರೋ ಪ್ರಯಾಣ ದರವನ್ನು ಪರಿಷ್ಕರಣೆ ಮಾಡಲಾಗುತ್ತಿದೆ. ಅರವಿಂದ್ ಕೇಜ್ರಿವಾಲರ ಈ ನಿರ್ಧಾರ ಜನ ವಿರೋಧಿಯಾದದ್ದು ಎಂದು ಹರ್ದೀಪ್ ಸಿಂಗ್ ಹೇಳಿದ್ದಾರೆ.

ಒಂದು ವೇಳೆ ಸರ್ಕಾರ ಮೆಟ್ರೋ ದರವನ್ನು ಹೆಚ್ಚಿಸಿದರೆ ಅದನ್ನು ತಡೆಯುವ ಅಧಿಕಾರ ನಮಗಿಲ್ಲ. ಆದರೆ ನಾವು ಇದನ್ನು ಪರಿಗಣಿಸಿ ಸರ್ಕಾರವನ್ನು ಪ್ರಶ್ನಿಸುತ್ತೇವೆ ಎಂದಿದ್ದಾರೆ.

ಈ ವರ್ಷ ದೆಹಲಿ ಮೆಟ್ರೋದಲ್ಲಿ  ಈಗಾಗಲೇ ಕನಿಷ್ಠ ದರ 8 ರಿಂದ 10 ಕ್ಕೇರಿಸಲಾಗಿದೆ. ಗರಿಷ್ಠ ದರ 30 ರಿಂದ 50 ಕ್ಕೇರಿಸಲಾಗಿದೆ. ಈಗ ಮತ್ತೊಮ್ಮೆ ಹೆಚ್ಚು ಮಾಡಿದರೆ ಪ್ರಿ 2 ಕಿಲೋಮೀಟರ್’ಗೆ 5-10 ರೂ ಹೆಚ್ಚು ನೀಡಬೇಕಾಗುತ್ತದೆ.