ರಕ್ಷಣಾ ವಲಯ ಅನುದಾನದಲ್ಲಿ ಸುಮಾರು ಶೇ.10 ಏರಿಕೆ

ಸೇನಾ ಸಿಬ್ಬಂದಿಗಳ ಪಿಂಚಣಿ ವಿತರಣೆ ವ್ಯವಸ್ಥೆಯಲ್ಲಿರುವ ಅಡಚಚಣೆಗಳನ್ನು ಪರಿಹರಿಸುವ ನಿಟ್ಟಿನಲ್ಲಿ ವೆಬ್ ಆಧಾರಿತ ಸೇವೆ ಹಾಗೂ ಸೇನಾ ಸಿಬ್ಬಂದಿಗಳಿಗೆ ಕೇಂದ್ರೀಕೃತ ಟಿಕೆಟ್ ಬುಕಿಂಗ್  ವ್ಯವಸ್ಥೆಯನ್ನು ಆರಂಭಿಸುವುದಾಗಿ ಜೇಟ್ಲಿ ಈ ಬಜೆಟ್'ನಲ್ಲಿ ಘೋಷಿಸಿದ್ದಾರೆ.

ನವದೆಹಲಿ (ಫೆ.01):  ಈ ಬಾರಿಯ ಬಜೆಟ್'ನಲ್ಲಿ ರಕ್ಷಣಾ ಕ್ಷೇತ್ರಕ್ಕೆ ಹಣಕಾಸು ಸಚಿವ ಅರುಣ್ ಜೇಟ್ಲಿ ರೂ. 2,74,114 ಕೋಟಿ ರೂಪಾಯಿಗಳನ್ನು ಮೀಸಲಾಗಿಟ್ಟಿದ್ದಾರೆ. ಕಳೆದ ಬಾರಿಗೆ ಹೋಲಿಸಿದಾಗ ಈ ಬಾರಿಯ ಅನುದಾನದಲ್ಲಿ ಶೇ.9.5 ಹೆಚ್ಚಳವಾಗಿದೆ. ರಕ್ಷಣಾ ಕ್ಷೇತ್ರದಲ್ಲಿ ಸೇವೆ ಸಲ್ಲಿಸಿದವರಿಗೆ ನೀಡಲಾಗುವ ಪಿಂಚಣಿ ಈ ಮೊತ್ತದಲ್ಲಿ ಒಳಗೊಂಡಿಲ್ಲ.

ಹೊಸದಾದ ಖರೀದಿಗಳಿಗೆ ಕಳೆದ ಬಾರಿಯ ಮೊತ್ತದಲ್ಲಿ ಶೇ.10 ರಷ್ಟು ಏರಿಕೆ ಮಾಡಲಾಗಿದೆ. ಕಳೆದ ಬಾರಿ 78586 ಕೋಟಿ ಮೀಸಲಾಗಿಟ್ಟಿದ್ದರೆ ಈ ಬಾರಿ ಒಟ್ಟು ಅನುದಾನದ ಪೈಕಿ ರೂ.86488 ಕೋಟಿಯು ಮೀಸಲಿಡಲಾಗಿದೆ.

ಕಳೆದ ಬಾರಿ ರಕ್ಷಣಾ ವಲಯಕ್ಕೆ 2,49,099 ಕೋಟಿ ರೂ.ಗಳನ್ನು ನೀಡಲಾಗಿತ್ತು.

ಸೇನಾ ಸಿಬ್ಬಂದಿಗಳ ಪಿಂಚಣಿ ವಿತರಣೆ ವ್ಯವಸ್ಥೆಯಲ್ಲಿರುವ ಅಡಚಚಣೆಗಳನ್ನು ಪರಿಹರಿಸುವ ನಿಟ್ಟಿನಲ್ಲಿ ವೆಬ್ ಆಧಾರಿತ ಸೇವೆ ಹಾಗೂ ಸೇನಾ ಸಿಬ್ಬಂದಿಗಳಿಗೆ ಕೇಂದ್ರೀಕೃತ ಟಿಕೆಟ್ ಬುಕಿಂಗ್  ವ್ಯವಸ್ಥೆಯನ್ನು ಆರಂಭಿಸುವುದಾಗಿ ಜೇಟ್ಲಿ ಈ ಬಜೆಟ್'ನಲ್ಲಿ ಘೋಷಿಸಿದ್ದಾರೆ.