ಕಾಶ್ಮೀರ ಕಣಿವೆಯಲ್ಲಿ ಗಲಭೆಯನ್ನು ಹತ್ತಿಕ್ಕಲು ಅನುಕೂಲವಾಗಲೆಂದು ನೂತನವಾಗಿ ಅಭಿವೃದ್ಧಿಪಡಿಸಲಾಗಿರುವ 21 ಸಾವಿರ ಪ್ಲಾಸ್ಟಿಕ್ ಬುಲೆಟ್’ಗಳನ್ನು ಸಿಆರ್’ಪಿಎಫ್ ಕಾಶ್ಮೀರಕ್ಕೆ ಕಳುಹಿಸಿಕೊಟ್ಟಿದೆ.
ನವದೆಹಲಿ (ಅ.07): ಕಾಶ್ಮೀರ ಕಣಿವೆಯಲ್ಲಿ ಗಲಭೆಯನ್ನು ಹತ್ತಿಕ್ಕಲು ಅನುಕೂಲವಾಗಲೆಂದು ನೂತನವಾಗಿ ಅಭಿವೃದ್ಧಿಪಡಿಸಲಾಗಿರುವ 21 ಸಾವಿರ ಪ್ಲಾಸ್ಟಿಕ್ ಬುಲೆಟ್’ಗಳನ್ನು ಸಿಆರ್’ಪಿಎಫ್ ಕಾಶ್ಮೀರಕ್ಕೆ ಕಳುಹಿಸಿಕೊಟ್ಟಿದೆ.
ಡಿಆರ್’ಡಿಓ ಬುಲೆಟ್’ಗಳನ್ನು ಅಭಿವೃದ್ಧಿಪಡಿಸಿದ್ದು, ಪುಣೆಯಲ್ಲಿ ತಯಾರಿಸಲಾಗಿದೆ. ಈ ಬುಲೆಟ್’ಗಳು ಕಡಿಮೆ ಮಾರಕವಾದವು. ಇದು ಪೆಲೆಟ್ ಗನ್’ಗಳ ಮೇಲಿನ ನಮ್ಮ ಅವಲಂಬನೆಯನ್ನು ಕಡಿಮೆಗೊಳಿಸುತ್ತದೆ. ಜನದಟ್ಟಣೆಯನ್ನು ನಿಯಂತ್ರಿಸಲು ಇಂತಹ ಮಾರಕೇತರ ಬುಲೆಟ್’ಗಳನ್ನು ಬಳಸಲಾಗುತ್ತದೆ. ಕಾಶ್ಮೀರ ಕಣಿವೆಯಲ್ಲಿ ಕಲ್ಲು ತೂರಾಟವನ್ನು ನಿಯಂತ್ರಿಸಲು 21 ಸಾವಿರ ಬುಲೆಟ್’ಗಳನ್ನು ನಾವು ಕಳುಹಿಸಿದ್ದೇವೆ ಎಂದು ಸಿಆರ್;ಪಿಎಫ್ ನಿರ್ದೇಶಕ ಆರ್ ಆರ್ ಭಟ್ನಾಗರ್ ಹೇಳಿದ್ದಾರೆ.