ಬೆಂಗಳೂರಿನಲ್ಲಿ 'ಬಾಂಗ್ಲಾ' ಬಾಂಬ್ ಸ್ಫೋಟಕ್ಕೆ ಸಜ್ಜು ?

ನುಸುಳುಕೋರರಿಗೆ ರಾಜ್ಯ ಸರ್ಕಾರವೇ ಓಟಿಗಾಗಿ ಓಟರ್​ ಐಡಿಯೆಲ್ಲಾ  ಮಾಡಿಕೊಡುತ್ತಿದೆ ಅಂತ ವಿರೋಧ ಪಕ್ಷದವರು ನೇರ ಆರೋಪ ಮಾಡುತ್ತಿದ್ದಾರೆ.  ಅಷ್ಟೇ ಅಲ್ಲದೆ ಈ ನುಸುಳುಕೋರರ ವಿರುದ್ಧ ಕ್ರಮಕೈಗೊಳ್ಳಬೇಕಾದ ಪೊಲೀಸರೇ ಅವರಿಂದ ಲಂಚ ಪಡೆದು ರಕ್ಷಣೆ ನೀಡುತ್ತಿದ್ದಾರೆ.

ಬೆಂಗಳೂರು(ಜು.21): ಸಿಲಿಕಾನ್ ಸಿಟಿ ನಾಗರಿಕರೆ ಎಚ್ಚರ ನಿಮಗೆ ಕಾದಿದೆ ಭಾರೀ ಅಪಾಯ. ಯಾಕಂದರೆ ಬೆಂಗಳೂರಲ್ಲಿ ಬಾಂಗ್ಲಾ ಬಾಂಬ್​ ಸ್ಫೋಟಕ್ಕೆ ಸಿದ್ಧವಾಗಿದೆ. 4 ಲಕ್ಷಕ್ಕೂ ಹೆಚ್ಚು ಬಾಂಗ್ಲಾ ನುಸುಳುಕೋರರು ನಮ್ಮ ನಾಡಿನ ನೆಮ್ಮದಿಗೆ ಕುತ್ತು ತರಲು ರೆಡಿಯಾಗಿದ್ದಾರೆ.

ನಮ್ಮ ರಾಜಧಾನಿಯಲ್ಲಿ 4 ಲಕ್ಷಕ್ಕೂ ಹೆಚ್ಚು ಅಕ್ರಮ ಬಾಂಗ್ಲಾ ನುಸುಳುಕೋರರಿರುವುದು ಆತಂಕಕಾರಿ ವಿಚಾರ ಕವರ್​ಸ್ಟೋರಿ ತಂಡ ನಡೆಸಿದ ರಹಸ್ಯ ಕಾರ್ಯಾಚರಣೆಯಲ್ಲಿ ಬಯಲಾಗಿದೆ. ಈ ನುಸುಳುಕೋರರು ಗಡಿಯಲ್ಲಿ ಬಿಎಸ್​ಎಫ್​ ಯೋಧರಿಗೆ ಲಂಚ ಕೊಟ್ಟು ಭಾರತ ಪ್ರವೇಶಿಸುರುವುದು ಇನ್ನೊಂದು ಶಾಕಿಂಗ್ ವಿಷಯ. ಹೀಗೆ ಅಕ್ರಮವಾಗಿ ಗಡಿ ದಾಟಿ ಬಂದ ಬಾಂಗ್ಲಾ ವಾಸಿಗಳು ಕಾನೂನುಬಾಹಿರವಾಗಿ ಲಂಚ ಕೊಟ್ಟು ಆಧಾರ್​ ಕಾರ್ಡ್​, ಪಾನ್​ ಕಾರ್ಡ್​, ಓಟರ್​ ಐಡಿಯೆಲ್ಲಾ ಮಾಡಿಕೊಂಡಿದ್ದಾರೆ. 

ನುಸುಳುಕೋರರಿಗೆ ರಾಜ್ಯ ಸರ್ಕಾರವೇ ಓಟಿಗಾಗಿ ಓಟರ್​ ಐಡಿಯೆಲ್ಲಾ  ಮಾಡಿಕೊಡುತ್ತಿದೆ ಅಂತ ವಿರೋಧ ಪಕ್ಷದವರು ನೇರ ಆರೋಪ ಮಾಡುತ್ತಿದ್ದಾರೆ.  ಅಷ್ಟೇ ಅಲ್ಲದೆ ಈ ನುಸುಳುಕೋರರ ವಿರುದ್ಧ ಕ್ರಮಕೈಗೊಳ್ಳಬೇಕಾದ ಪೊಲೀಸರೇ ಅವರಿಂದ ಲಂಚ ಪಡೆದು ರಕ್ಷಣೆ ನೀಡುತ್ತಿದ್ದಾರೆ. ಇವರೆಲ್ಲ ನಮ್ಮ ನೆಲದಲ್ಲಿ ಮಿನಿ ಬಾಂಗ್ಲಾದೇಶ ಸೃಷ್ಟಿಸಿಕೊಂಡು ನಾನಾ ಅಪರಾಧ ಕೃತ್ಯದಲ್ಲಿ ತೊಡಗಿದ್ದಾರೆ. ಸ್ಲೀಪರ್​ ಸೆಲ್​ಗಳ ರೀತಿ ಕೆಲಸ ಮಾಡ್ತಿದ್ದಾರೆ. ನಮ್ಮ ಆಂತರಿಕ ಭದ್ರತೆಗೆ ಪೆಟ್ಟು ಕೊಟ್ಟಿದ್ದಲ್ಲದೆ, ಆರ್ಥಿಕ ಭದ್ರತೆಗೂ ಆತಂಕವೊಡ್ಡಿದ್ದಾರೆ. ಇವರ ವಿರುದ್ಧ ಕ್ರಮ ಕೈಗೊಳ್ಳದೆ ರಾಜ್ಯ ಸರ್ಕಾರ ದೇಶದ್ರೋಹದ ಕೆಲಸ ಮಾಡುತ್ತಿದೆ.

ವರದಿ: ವಿಜಯಲಕ್ಷ್ಮಿ ಶಿಬರೂರು