ಬಿಡಿಎ ಕಚೇರಿಯಲ್ಲೇ ನಡೆಯುತ್ತೆ ಬಿಗ್ ಡೀಲ್; ಇಲ್ಲಿ ಬ್ರೋಕರ್'ಗಳದ್ದೇ ಆಟ
ಸಾರಾಂಶ
ಬೆಂಗಳೂರಲ್ಲಿ ಒಂದು ಸೂರಿನ ಕನಸು ಹೊತ್ತು ನೀವೇನಾದ್ರೂ ಬಿಡಿಎಗೆ ಅರ್ಜಿ ಹಾಕ್ಕೊಂಡ್ ಕೂತಿದ್ದೀರಾ? ಹಾಗೆ ಸುಮ್ಮನೆ ಕೂತರೆ ಈ ಜನ್ಮದಲ್ಲಿ ನಿಮಗೆ ಸೂರು ಸಿಗಲ್ಲ ಬಿಡಿ. ಸೂರು ಬೇಕಾದರೆ ಕಾಸು ಕೊಡಲೇಬೇಕು. ಅಷ್ಟಕ್ಕೂ ನಿಮ್ಮನ್ನು ಇಲ್ಲಿ ಡೀಲ್'ಗೆ ಕರೆಯೋದು ಅಧಿಕಾರಿಗಳಲ್ಲ ಬ್ರೋಕರ್ಗಳು.
ಬೆಂಗಳೂರು (ನ.25): ಬೆಂಗಳೂರಲ್ಲಿ ಒಂದು ಸೂರಿನ ಕನಸು ಹೊತ್ತು ನೀವೇನಾದ್ರೂ ಬಿಡಿಎಗೆ ಅರ್ಜಿ ಹಾಕ್ಕೊಂಡ್ ಕೂತಿದ್ದೀರಾ? ಹಾಗೆ ಸುಮ್ಮನೆ ಕೂತರೆ ಈ ಜನ್ಮದಲ್ಲಿ ನಿಮಗೆ ಸೂರು ಸಿಗಲ್ಲ ಬಿಡಿ. ಸೂರು ಬೇಕಾದರೆ ಕಾಸು ಕೊಡಲೇಬೇಕು. ಅಷ್ಟಕ್ಕೂ ನಿಮ್ಮನ್ನು ಇಲ್ಲಿ ಡೀಲ್'ಗೆ ಕರೆಯೋದು ಅಧಿಕಾರಿಗಳಲ್ಲ ಬ್ರೋಕರ್ಗಳು.
ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ ಕಚೇರಿ ಆವರಣದಲ್ಲೇ ಬ್ರೋಕರ್ಗಳ ಡೀಲ್ ನಡೆಯುತ್ತದೆ. ನಿವೇಶನ ಮಾರಾಟ ಹಾಗೂ ಖರೀದಿಸುವ ಬಗ್ಗೆ ರೇಟ್ ಫಿಕ್ಸ್ ಮಾಡೋದು ಕೂಡ ಇದೇ ಬೋಕರ್ಗಳು. ಅಷ್ಟಕ್ಕೂ ಬ್ರೋಕರ್ಗಳಿಗೆ ನಿಮ್ಮನ್ನ ಪರಿಚಯಿಸಿ ಕೊಡುವುದೇ ಅಧಿಕಾರಿಗಳೂ. ಅಷ್ಟರ ಮಟ್ಟಿಗೆ ಈ ಡೀಲ್ ಕುಳಗಳು ಫೇಮಸ್. 2 ವರ್ಷದ ಹಿಂದೆ ಬಿಡಿಎದಲ್ಲಿ ಲಂಚದ ಹಾವಳಿ ಹೆಚ್ಚಿದೆ ಎಂದು ದೂರು ನೀಡಿದ್ದರಿಂದ ಲೋಕಾಯುಕ್ತರು ದಾಳಿ ನಡೆಸಿದ್ದರು. ಆಗ ಸ್ವಲ್ಪ ಲಂಚದ ಹಾವಳಿಗೆ ಬ್ರೇಕ್ ಬಿದ್ದಿತ್ತು.. ಈಗ ಮತ್ತೆ ಡೀಲ್ದಂಧೆ ಚಿಗುರಿಕೊಂಡಿದೆ.
ಮತ್ತೊಮ್ಮೆ ಬ್ರೋಕರ್ ಹಾವಳಿ ತಪ್ಪಿಸುವಂತೆ ಸಾರ್ವಜನಿಕರು ಲೋಕಾಯುಕ್ತರ ಮೊರೆ ಹೋಗಿದ್ದಾರೆ. ಒಟ್ಟಿನಲ್ಲಿ, ಬಿಡಿಎದಲ್ಲಿ ಕೆಲಸ ಆಗಬೇಕಂದ್ರೆ ರೊಕ್ಕ ಬಿಚ್ಚಲೇಬೇಕು ಅನ್ನೋದು ಮತ್ತೊಮ್ಮೆ ಖುಲ್ಲಂ ಖುಲ್ಲಾ ಆಗಿದೆ.
ವರದಿ: ನಂದೀಶ್
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.