ರೂ.51 ಲಕ್ಷ ದೋಚಿ ಪಾಕಿಸ್ತಾನಕ್ಕೆ ಪರಾರಿಯಾದ ಕ್ಯಾಶಿಯರ್!
ಸಾರಾಂಶ
ಪೊಲೀಸರಿಂದ ಕ್ಯಾಶಿಯರ್ ಪುತ್ರನ ಬಂಧನ
ಬೆಂಗಳೂರು: ಕೆಲಸ ಮಾಡುತ್ತಿದ್ದ ಕಂಪನಿಯಲ್ಲಿ ಲಕ್ಷಾಂತರ ರುಪಾಯಿ ದೋಚಿದ ಕ್ಯಾಶಿಯರ್'ವೊಬ್ಬಪಾಕಿಸ್ತಾನಕ್ಕೆ ಪರಾರಿಯಾಗಿದ್ದು, ಈ ಸಂಬಂಧ ಕ್ಯಾಶಿಯರ್ ಪುತ್ರನನ್ನು ಪೊಲೀಸರು ಬಂಧಿಸಿದ್ದಾರೆ.
ಮುಂಬೈನ ಕೋನಗಾಂವ್'ನ ನಿವಾಸಿ ಮೊಹಮ್ಮದ್ ಇರ್ಫಾನ್ (30) ಬಂಧಿತ ಆರೋಪಿ. ಈತನ ತಂದೆ ಫಾರೂಕ್ ಇಬ್ರಾಹಿಂ ಪರಾರಿಯಾಗಿದ್ದಾನೆ. ಯುನೈಟೆಡ್ ಡಿಸ್ಟ್ರಿಬ್ಯೂಟರ್ಸ್ ಕಂಪನಿಯಲ್ಲಿ ಕ್ಯಾಶಿಯರ್ ಆಗಿದ್ದ ಇಬ್ರಾಹಿಂ ರೂ. 51 ಲಕ್ಷ ಹಣ ದೋಚಿದ್ದಾನೆ. ಈ ಹಣದ ಪೈಕಿ ರೂ. 30 ಲಕ್ಷವನ್ನು ಮುಂಬೈನಲ್ಲಿರುವ ತನ್ನ ಪುತ್ರ ಮೊಹಮ್ಮದ್ ಇರ್ಫಾನ್ಗೆ ಕೊಟ್ಟು ಪಾಕಿಸ್ತಾನಕ್ಕೆ ಓಡಿ ಹೋಗಿದ್ದಾನೆ. ಇದೀಗ ಈತನ ಪತ್ತೆಗಾಗಿ ಲುಕ್ಔಟ್ ನೋಟಿಸ್ ನೀಡಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಬ್ಯಾಟರಾಯನಪುರದ ಯುನೈಟೆಡ್ ಡಿಸ್ಟ್ರಿಬ್ಯೂಟರ್ಸ್ ಕಂಪನಿಯಲ್ಲಿ ಕ್ಯಾಶಿಯರ್ ಆಗಿದ್ದ ಫಾರೂಕ್ ಇಬ್ರಾಹಿಂಗೆ ಮೂವರು ಮಕ್ಕಳಿದ್ದು, ಗುಜರಾತ್, ಮುಂಬೈ ಹಾಗೂ ಕರಾಚಿಯಲ್ಲಿ ನೆಲೆಸಿದ್ದಾರೆ. ಇಬ್ರಾಹಿಂ ಕಂಪನಿಯಲ್ಲಿ ಸಂಗ್ರಹವಾದ ಲಕ್ಷಾಂತರ ರುಪಾಯಿ ಹಣವನ್ನು ಬ್ಯಾಂಕ್'ಗೆ ಜಮಾ ಮಾಡುತ್ತಿದ್ದ. ಅದೇ ರೀತಿ ಜ.29 ಮತ್ತು 30ರಂದು ಕಂಪನಿಯಲ್ಲಿ ಸಂಗ್ರಹವಾಗಿದ್ದ ರೂ. 51 ಲಕ್ಷವನ್ನು ಹಣವನ್ನು ಖಾತೆಗೆ ಜಮಾ ಮಾಡದೆ ಮುಂಬೈಗೆ ಹೋಗಿದ್ದಾನೆ.
(ಕನ್ನಡಪ್ರಭ ವಾರ್ತೆ)
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.