ATMನಲ್ಲಿ ಹಣ ಡ್ರಾ ಮಾಡುತ್ತಿದ್ದ ವ್ಯಕ್ತಿಯ ಎಟಿಎಂ ಕಾರ್ಡ್ ಕದ್ದ ಕಳ್ಳ

ATMನಲ್ಲಿ ಹಣ ಡ್ರಾ ಮಾಡುತ್ತಿದ್ದ ವ್ಯಕ್ತಿಯ ಎಟಿಎಂ ಕಾರ್ಡ್​​​ ಕದ್ದ ಕಳ್ಳನೊಬ್ಬ ಬರೋಬ್ಬರಿ 70 ಸಾವಿರ ಹಣ ಕದ್ದು ಎಸ್ಕೇಪ್ ​ ಆಗಿರುವ ಘಟನೆ  ಬೆಂಗಳೂರಿನ ಯಶವಂತಪುರ ರೈಲ್ವೆ ಪೊಲೀಸ್​​ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.

ಬೆಂಗಳೂರು(ಸೆ.01): ATMನಲ್ಲಿ ಹಣ ಡ್ರಾ ಮಾಡುತ್ತಿದ್ದ ವ್ಯಕ್ತಿಯ ಎಟಿಎಂ ಕಾರ್ಡ್​​​ ಕದ್ದ ಕಳ್ಳನೊಬ್ಬ ಬರೋಬ್ಬರಿ 70 ಸಾವಿರ ಹಣ ಕದ್ದು ಎಸ್ಕೇಪ್ ​ ಆಗಿರುವ ಘಟನೆ  ಬೆಂಗಳೂರಿನ ಯಶವಂತಪುರ ರೈಲ್ವೆ ಪೊಲೀಸ್​​ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.

ಬಿಹಾರ ಮೂಲದ ಬಾಲಮುಕುಂದ್​​ ಆಗಸ್ಟ್​​ 26 ರಂದು, ಯಶವಂತಪುದ ರೈಲ್ವೇ ಸ್ಟೇಷನ್​​ ಬಳಿಯ ಎಟಿಎಂವೊಂದರಲ್ಲಿ  ಹಣ ಡ್ರಾ ಮಾಡಲು ಹೋಗಿದ್ದರು. ಈ ವೇಳೆ ಎಟಿಎಂನಲ್ಲಿ ಹಣ ಡ್ರಾ ಮಾಡುತ್ತಿದ್ದ ಅಪರಿಚಿತ ವ್ಯಕ್ತಿ ಕಾರ್ಡ್​​ ಸ್ವೈಪ್​ ಅಗ್ತಲ್ಲ ಅಂತಾ ನಾಟಕವಾಡಿ, ಬಾಲಮುಕುಂದ್​​ ಗೆ ಹಣ ಡ್ರಾ ಮಾಡಿಕೊಳ್ಳಿ ಎಂದು ಹೇಳಿದ್ದಾನೆ. ಬಾಲಮುಕುಂದ್​ ತನ್ನ ಎಟಿಎಂ ನಿಂದ ಹಣ ಡ್ರಾ ಮಾಡಿಕೊಳ್ಳುತ್ತಿದ್ದ ವೇಳೆ ಎಟಿಎಂನ ಪಿನ್​ ನಂಬರ್​ ನೋಡಿಕೊಂಡ ಖದೀಮ, ಬಾಲಮುಕುಂದ್​ ಎಟಿಎಂ ಕದ್ದು ಬರೋಬ್ಬರಿ 40 ಸಾವಿರದಷ್ಟು ಹಣ ಡ್ರಾ ಮಾಡ್ಕೊಂಡು ಎಸ್ಕೇಪ್​ ಆಗಿದ್ದಾನೆ.

ಆರ್​ಎಂಸಿ ಯಾರ್ಡ್​​ನ ಎಟಿಎಂನಲ್ಲಿ 42 ಸಾವಿರ ಮತ್ತು ಪಕ್ಕದಲ್ಲಿಯೇ ಇದ್ದ  ನಮೃತ  ಪೇಟ್ರೋಲ್​ ಬಂಕ್​ ನಲ್ಲಿ 28 ಸಾವಿರ ಹಣ ಡ್ರಾ ಮಾಡಿದ್ದಾನೆ. ಪೇಟ್ರೋಲ್​ ಬಂಕ್​  ಕ್ಯಾಶಿಯರ್'​ಗೆ 2 ಸಾವಿರ ಲಂಚ ಕೊಟ್ಟು 26 ಸಾವಿರ ಹಣ ಪಡೆದು ಎಸ್ಕೆಪ್ ಆಗಿರುವ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

ಈ ಸಂಬಂಧ ಯಶವಂತಪುರ ರೈಲ್ವೆ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಆರೋಪಿಗಳಿಗಾಗಿ ಪೊಲೀಸ್ರು ಬಲೆ ಬೀಸಿದ್ದಾರೆ.