ತಮಿಳುನಾಡಿನ ಅಮ್ಮಾ, ಕರ್ನಾಟಕದ ಇಂದಿರಾ ಕ್ಯಾಂಟೀನ್‌ ರೀತಿಯಲ್ಲೇ ಆಂಧ್ರಪ್ರದೇಶದಲ್ಲಿ ಅನ್ನ ಕ್ಯಾಂಟೀನ್‌ ಆರಂಭಿಸಲಾಗಿದೆ.
ಅಮರಾವತಿ: ತಮಿಳುನಾಡಿನ ಅಮ್ಮಾ, ಕರ್ನಾಟಕದ ಇಂದಿರಾ ಕ್ಯಾಂಟೀನ್‌ ರೀತಿಯಲ್ಲೇ ಆಂಧ್ರಪ್ರದೇಶದಲ್ಲಿ ಅನ್ನ ಕ್ಯಾಂಟೀನ್‌ ಆರಂಭಿಸಲಾಗಿದೆ.
ಈ ಕ್ಯಾಂಟೀನ್‌ಗೆ ಸಿಎಂ ಚಂದ್ರಬಾಬು ನಾಯ್ಡು ಬುಧವಾರ ಚಾಲನೆ ನೀಡಿದರು. ಮೊದಲ ಹಂತದಲ್ಲಿ ರಾಜ್ಯದೆಲ್ಲೆಡೆ 60 ಅನ್ನ ಕ್ಯಾಂಟೀನ್‌ ಆರಂಭಗೊಂಡಿವೆ. ಬೆಂಗಳೂರಿನ ಅಕ್ಷರ ಪಾತ್ರಾ ಫೌಂಡೇಶನ್‌ ಅನ್ನ ಕ್ಯಾಂಟೀನ್‌ ನಿರ್ವಹಿಸಲಿದೆ.
ಕ್ಯಾಂಟೀನ್‌ನಲ್ಲಿ 5 ರು.ಗೆ ಉಪಾಹಾರ, ಊಟ, ರಾತ್ರಿಯ ಊಟವನ್ನು ನೀಡಲಾಗುತ್ತದೆ. ಉದ್ಘಾಟನೆಯ ಬಳಿಕ ಮಾತನಾಡಿದ ಚಂದ್ರಬಾಬು ನಾಯ್ಡು, ಕೆ.ಎಫ್.ಸಿ. ಅಥವಾ ಮ್ಯಾಕ್‌ಡೊನಾಲ್ಡ್‌ ರೀತಿಯಲ್ಲಿ ಕ್ಯಾಂಟೀನ್‌ ಅಂತಾರಾಷ್ಟ್ರೀಯ ಗುಣಮಟ್ಟಹೊಂದಿರಲಿವೆ. ಸಿಸಿಟೀವಿ ಕ್ಯಾಮರಾ ಸೇರಿದಂತೆ ಹೈಟೆಕ್‌ ಸೌಲಭ್ಯ ಕಲ್ಪಿಸಲಾಗುವುದು ಎಂದಿದ್ದಾರೆ.