ಆಕಾಶ್‌ ಅಂಬಾನಿ, ಶ್ಲೋಕಾ ವಿವಾಹ ನಿಶ್ಚಿತಾರ್ಥ : ಹೇಗಿದೆ ಇನ್ವಿಟೇಶನ್

ರಿಲಯನ್ಸ್‌ ಇಂಡಸ್ಟ್ರೀಸ್‌ ಮಾಲೀಕ ಮುಕೇಶ್‌ ಅಂಬಾನಿಯ ಹಿರಿಯ ಪುತ್ರ ಆಕಾಶ್‌ ಅಂಬಾನಿ ಹಾಗೂ ಶ್ಲೋಕಾ ಮೆಹ್ತಾ ವಿವಾಹ ನಿಶ್ವಿತಾರ್ಥ ಜೂ.30ರಂದು ನಡೆಯಲಿದೆ. ನಿಶ್ಚಿತಾರ್ಥಕ್ಕೆ ವಿಡಿಯೋ ಮೂಲಕ ಆಹ್ವಾನವನ್ನು ನೀಡಲಾಗಿದೆ. 

ಮುಂಬೈ: ರಿಲಯನ್ಸ್‌ ಇಂಡಸ್ಟ್ರೀಸ್‌ ಮಾಲೀಕ ಮುಕೇಶ್‌ ಅಂಬಾನಿಯ ಹಿರಿಯ ಪುತ್ರ ಆಕಾಶ್‌ ಅಂಬಾನಿ ಹಾಗೂ ಶ್ಲೋಕಾ ಮೆಹ್ತಾ ವಿವಾಹ ನಿಶ್ವಿತಾರ್ಥ ಜೂ.30ರಂದು ನಡೆಯಲಿದೆ. 

ಈ ನಿಮಿತ್ತ ಮುಕೇಶ್‌ ಮತ್ತು ನೀತಾ ಅಂಬಾನಿ ದಂಪತಿ ವಿಡಿಯೋ ಸಂದೇಶವಿರುವ ಆಹ್ವಾನ ಪತ್ರಿಕೆಯನ್ನು ಅತಿಥಿಗಳಿಗೆ ಕಳುಹಿಸಿದ್ದಾರೆ. ಈ ವಿಡಿಯೋದಲ್ಲಿ ಹಿಂದಿಯ ಕೈ ಪೋ ಚೆ ಚಿತ್ರದ ‘ಶುಭಾರಂಭ್‌’ ಹಾಡನ್ನು ಹಿನ್ನೆಲೆಯಾಗಿ ಬಳಸಿಕೊಳ್ಳಲಾಗಿದೆ. 

ಆಹ್ವಾನ ಪತ್ರಿಕೆಯಲ್ಲಿ ನವ ಜೋಡಿಗಳಾದ ಆಕಾಶ್‌ ಅಂಬಾನಿ ಮತ್ತು ಶ್ಲೋಕಾ ಮೆಹತಾ ಕಾಣಿಸಿಕೊಂಡಿದ್ದಾರೆ. ನಿಶ್ಚಿತಾರ್ಥ ಕಾರ್ಯಕ್ರಮ ಜೂ.30ರಂದು ನಡೆಯಲಿದ್ದು, ದಯವಿಟ್ಟು ಈ ದಿನಾಂಕವನ್ನು ಕಾದಿರಿಸಿಕೊಳ್ಳಿ ಎಂದು ಮುಕೇಶ್‌ ಮತ್ತು ನೀತಾ ಅಂಬಾನಿ ಮನವಿ ಮಾಡಿಕೊಂಡಿದ್ದಾರೆ. 

ಮುಂಬೈನ ಅಲ್ಟಮೌಂಟ್‌ ರಸ್ತೆಯಲ್ಲಿ ಇರುವ ಮುಕೇಶ್‌ ಅಂಬಾನಿ ಅವರ ‘ಅಂಟಿಲಿಯಾ’ ನಿವಾಸದಲ್ಲಿ ನಿಶ್ಚಿತಾರ್ಥ ಸಮಾರಂಭ ನಡೆಯಲಿದೆ. ಡಿಸೆಂಬರ್‌ನಲ್ಲಿ ವಿವಾಹ ಸಮಾರಂಭ ನೆರವೇರುವ ಸಾಧ್ಯತೆ ಇದೆ.