ಒಂದೇ ಚಿತ್ರದಲ್ಲಿ ರಣವೀರ್ 40 ಮುತ್ತು! : ಯಾವುದೇ ಕಟ್ ಇಲ್ಲದೆ ಯು/ಎ ಪ್ರಮಾಣಪತ್ರ
ಸಾರಾಂಶ
ಈ ಹಿಂದೆ ಜೇಮ್ಸ್ಬಾಂಡ್ ಚಿತ್ರ ‘ಸ್ಪೆಕ್ಟರ್’ ಬರೋವಾಗ ಸೆನ್ಸಾರ್ ಮಂಡಳಿ ಇದೇ ಮುತ್ತಿನ ಬಲೆಗೆ ಸಿಲುಕಿತ್ತು. ಚಿತ್ರದಲ್ಲಿ ಮೂರು ಮುತ್ತಿನ ದೃಶ್ಯಗಳಿಗೆ ಕತ್ತರಿ ಹಾಕಿತ್ತು.
ಬಾಲಿವುಡ್ನ ಇಮ್ರಾನ್ ಹಶ್ಮಿಯನ್ನೂ ನಾಚಿಸುವ ಸಾಹಸವಿದು! ಹೀಗೆ ಕಿಸ್ಸರ್ಬಾಯ್ನನ್ನು ಮೀರಿಸಿರುವುದು ರಣವೀರ್ ಸಿಂಗ್. ಒಂದೇ ಸಿನಿಮಾದಲ್ಲಿ ಅವರು ನಾಯಕಿಗೆ 40 ಮುತ್ತುಗಳನ್ನು ಕೊಟ್ಟಿದ್ದಾರೆ! ರಣವೀರ್ ಹೀಗೆ ಮಧುರವಾಗಿ ಚುಂಬಿಸಿರುವುದು ನಟಿ ವಾಣಿ ಕಪೂರ್ಗೆ. ಆ ಚಿತ್ರದ ಹೆಸರು ‘ಬೆಫಿಕ್ರ್’. ಅದಿತ್ಯಾ ಚೋಪ್ರಾ ನಿರ್ಮಾಣ ಹಾಗೂ ನಿರ್ದೇಶನದ ಈ ಚಿತ್ರದಲ್ಲಿ ವಾಣಿ ಕಪೂರ್ ಹಾಗೂ ರಣವೀರ್ ಸಿಂಗ್ 40 ಸಲ ಚುಂಬಿಸಿಕೊಂಡರೂ ಸೆನ್ಸಾರ್ ಮಂಡಳಿಯ ಕಣ್ಣಿಗೆ ಇದು ಬಿದ್ದಿಲ್ಲ! ಸೆನ್ಸಾರ್ ಮಂಡಳಿ ಇದಕ್ಕೆ ಕಣ್ಮುಚ್ಚಿಕೊಂಡು ಯಾವುದೇ ಕಟ್ ಇಲ್ಲದೆ ‘ಯು/ಎ’ ಸರ್ಟಿಪಿಕೆಟ್ ನೀಡಿದೆ!
ಈ ಹಿಂದೆ ಜೇಮ್ಸ್ಬಾಂಡ್ ಚಿತ್ರ ‘ಸ್ಪೆಕ್ಟರ್’ ಬರೋವಾಗ ಸೆನ್ಸಾರ್ ಮಂಡಳಿ ಇದೇ ಮುತ್ತಿನ ಬಲೆಗೆ ಸಿಲುಕಿತ್ತು. ಚಿತ್ರದಲ್ಲಿ ಮೂರು ಮುತ್ತಿನ ದೃಶ್ಯಗಳಿಗೆ ಕತ್ತರಿ ಹಾಕಿತ್ತು. ಸಂಸ್ಕಾರಿ ಬಾಂಡ್ ಹ್ಯಾಶ್ಟ್ಯಾಗ್ನಲ್ಲಿ ಅದು ಭಾರಿ ತಮಾಷೆಗೆ ಕಾರಣವಾಗಿತ್ತು. ಈಗ ಅದೇ ಸೆನ್ಸಾರ್ ಮಂಡಳಿ ‘ಬೆಫಿಕ್ರ್’ಗೆ ಆಶೀರ್ವಾದ ಮಾಡಿರೋದು ಚರ್ಚೆಗೆ ಕಾರಣವಾಗಿದೆ. ಆದರೆ, ಎಂಥದ್ದೇ ರೊಮ್ಯಾಂಟಿಕ್ ದೃಶ್ಯಗಳನ್ನೂ ಆದಿತ್ಯಾ ಚೋಪ್ರಾ ತುಂಬಾ ಕಲಾತ್ಮಕವಾಗಿಯೇ ಚಿತ್ರೀಕರಿಸುತ್ತಾರೆಂಬುದು ಹಲವರ ನಂಬಿಕೆ. ಅದಕ್ಕೆ ಸಾಕ್ಷಿ ‘ದಿಲ್ವಾಲೆ ದುಲ್ಹಾನಿಯ ಲೇ ಜಾಯೇಂಗೆ’ ಚಿತ್ರ. ಹೀಗಾಗಿ ‘ಬೆಫಿಕ್ರ್’ ಕೂಡ ಸೆನ್ಸಾರ್ ಮಂಡಳಿಗೆ ಹಾಗೆಯೇ ಅನ್ನಿಸಿತಾ? ಗೊತ್ತಿಲ್ಲ!
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.