ಕಲಬುರಗಿ: ಭೂಗರ್ಭದಲ್ಲಿ ಮತ್ತೆ ನಿಗೂಢ ಶಬ್ಧ, ಕಂಗಾಲಾದ ಜನತೆ..!

ಭಾರಿ ಶಬ್ಧಕ್ಕೆ ಬೆಚ್ಚಿ ಬೀಳ್ತಿರುವ ಗ್ರಾಮಸ್ಥರು| ಕಲಬುರಗಿ ಜಿಲ್ಲೆಯ ತಾಲೂಕಿನ ಗಡಿಕೇಶ್ವರ ಗ್ರಾಮದಲ್ಲಿ ಕೇಳಿ ಬರುತ್ತಿರುವ ಶಬ್ಧ| ಕಳೆದ ನಾಲ್ಕು ವರ್ಷಗಳಿಂದ ಭೂಮಿಯಿಂದ ಆಗಾಗ ಕೇಳಿ ಬರುತ್ತಿರುವ ಶಬ್ಧ| 

ಕಲಬುರಗಿ(ಜ.31): ಜಿಲ್ಲೆಯ ಭೂಗರ್ಭದಲ್ಲಿ ಮತ್ತೇ ಭಾರಿ ಶಬ್ಧ ಕೇಳಿ ಬರುತ್ತಿದೆ. ಹೌದು, ಜಿಲ್ಲೆಯ ಚಿಂಚೋಳಿ ತಾಲೂಕಿನ ಗಡಿಕೇಶ್ವರ ಗ್ರಾಮದ ಭೂಗರ್ಭದಲ್ಲಿ ಭಾರಿ ಶಬ್ಧ ಕೇಳುತ್ತಿದೆ. ಇದರಿಂದ ಜನರು ಭಯದಲ್ಲೇ ಜೀವನ ನಡೆಸುತ್ತಿದ್ದಾರೆ. 

ಈ ಗ್ರಾಮದಲ್ಲಿ ಆಗಾಗ ಭೂಮಿಯಿಂದ ನಿಗೂಢ ಶಬ್ಧ ಕೇಳಿಬರುತ್ತಿದೆ. ಇದೆ ಜ. 21 ರಂದು ಮೂರು ಬಾರಿ ಶಬ್ಧ ಕೇಳಿ ಬಂದಿತ್ತು. ಇದೀಗ ಮತ್ತೆ ಭೂಮಿಯಿಂದ ಶದ್ಧ ಕೇಳಿ ಬಂದಿದೆ. ಹೀಗಾಗಿ ಭಯದಿಂದ ಗ್ರಾಮಸ್ಥರು ಮನೆಯಿಂದ ಹೊರಬಂದಿದ್ದಾರೆ. 

ಗಡಿಕೇಶ್ವರ ಗ್ರಾಮದಲ್ಲಿ ಕಳೆದ ನಾಲ್ಕು ವರ್ಷಗಳಿಂದ  ಭೂಮಿಯಿಂದ ಆಗಾಗ ನಿಗೂಢವಾದ ಶಬ್ಧ ಕೇಳಿ ಬರುತ್ತಿದೆ. ಇದರಿಂದ ಗ್ರಾಮಸ್ಥರು ಭಯದಲ್ಲಿಯೇ ಕಾಲ ಕಳೆಯುವಂತಾಗಿದೆ.