ತಾಲೂಕಿನ ಬೆಂಗಳೆಯಲ್ಲಿ ಆರಂಭಿಸಲಾಗಿರುವ ಐಟಿ ಕಂಪನಿ ಆಲ್ಟ್‌ ಡಿಜಿಟಲ್‌ ಟೆಕ್ನಾಲಜಿಯನ್ನು ಸಚಿವ ಶಿವರಾಮ ಹೆಬ್ಬಾರ್‌ ಉದ್ಘಾಟಿಸಿದರು. ಇದರಿಂದಾಗಿ ಜಿಲ್ಲೆಯಲ್ಲಿ ಮೊದಲ ಐಟಿ ಕಂಪನಿ ಆರಂಭವಾದಂತಾಗಿದೆ.
ಶಿರಸಿ (ಫೆ.13) : ತಾಲೂಕಿನ ಬೆಂಗಳೆಯಲ್ಲಿ ಆರಂಭಿಸಲಾಗಿರುವ ಐಟಿ ಕಂಪನಿ ಆಲ್ಟ್‌ ಡಿಜಿಟಲ್‌ ಟೆಕ್ನಾಲಜಿಯನ್ನು ಸಚಿವ ಶಿವರಾಮ ಹೆಬ್ಬಾರ್‌ ಉದ್ಘಾಟಿಸಿದರು. ಇದರಿಂದಾಗಿ ಜಿಲ್ಲೆಯಲ್ಲಿ ಮೊದಲ ಐಟಿ ಕಂಪನಿ ಆರಂಭವಾದಂತಾಗಿದೆ.
ಗ್ರಾಮೀಣ ಭಾಗವಾದ ಬೆಂಗಳೆಯಲ್ಲಿ ನೋಯ್ಡಾ ಮೂಲದ ಆಲ್ಟ್‌ ಡಿಜಿಟಲ್‌ ಟೆಕ್ನಾಲಜಿ(Alt Digital Technology) ಐಟಿ ಕಂಪನಿ(IT company)ಯ ಶಾಖೆ 12 ಮಂದಿ ತಂಡದೊಂದಿಗೆ ಆರಂಭವಾಗಿದೆ.
ಈ ಸಂದರ್ಭದಲ್ಲಿ ಮಾತನಾಡಿದ ಸಚಿವ ಹೆಬ್ಬಾರ್‌(Shivaram hebbar), ಬೆಂಗಳೂರಿನಲ್ಲಿ ಕಾಣಬಹುದಾಗಿದ್ದ ಟೆಕ್ಕಿಗಳು ಇಂದು ಹಳ್ಳಿಯಲ್ಲಿ ಕಾಣುತ್ತಿದ್ದಾರೆ. ಇದರಿಂದ ಪಾಲಕರು ಸಂತೋಷವಾಗಿದ್ದಾರೆ. ಮನೆಯಲ್ಲೇ ಇದ್ದು ಕೆಲಸ ಮಾಡಲು ಸಾಧ್ಯ ಎಂಬಂತಾಗಿದೆ. ಈ ಹಿಂದೆ ಈ ರೀತಿ ಐಟಿ ವಲಯ ಇಲ್ಲಿಗೆ ಬಾರದೇ ಇರಲು ಹಲವು ಕಾರಣಗಳಿದ್ದವು. ಆದರೆ ಈಗ ಬೆಂಗಳೂರಿನ ಹೊರಗೂ ಕೆಲಸ ಮಾಡಲು ಅಗತ್ಯ ಇರುವ ಇಂಟರ್‌ನೆಟ್‌ ಹಾಗೂ ಏರ್‌ಪೋರ್ಚ್‌ನಂಥ ಸೌಲಭ್ಯಗಳು ಸಿಗುತ್ತಿವೆ ಎಂದರು.
ಇದೇ ವೇಳೆ ಆಲ್ಟ್‌ ಡಿಜಿಟಲ್‌ ಕಂಪನಿಯ ನೂತನ ಕಚೇರಿಯನ್ನು ಹೆಬ್ಬಾರ್‌ ಪರಿಶೀಲನೆ ನಡೆಸಿದರು. ಈ ಸಂದರ್ಭದಲ್ಲಿ ಕಂಪನಿ ಸಂಸ್ಥಾಪಕ ಅಧ್ಯಕ್ಷ ವಿಕಾಸ್‌ ಗೋಯಲ…, ಸುಗಾವಿ ಗ್ರಾಪಂ ಅಧ್ಯಕ್ಷ ಪ್ರಸನ್ನ ಹೆಗಡೆ, ಸ್ಥಳೀಯ ವೆಂಕಟೇಶ ಹೆಗಡೆ, ನಿತಿನ್‌ ಇದ್ದರು.
Uttara kannada news: ಬಿಜೆಪಿಯಿಂದ ಜನಪರ ಆಡಳಿತ ಸಾಧ್ಯ: ಸಚಿವ ಹೆಬ್ಬಾರ