ಮಹಾಮಾರಿ ಕೊರೋನಾ ಭಯಕ್ಕೆ ತರಕಾರಿ ಚರಂಡಿಗೆ ಚೆಲ್ಲಿದ ಜನ!

ಹಿರೇಹಡಗಲಿ ಗ್ರಾಮದಲ್ಲಿ ಇಬ್ಬರಿಗೆ ಕೊರೋನಾ ಬಂದಿದೆ ಎಂಬ ವದಂತಿ| ಇದನ್ನ ನಂಬಿದ ತರಕಾರಿಯನ್ನು ಚರಂಡಿಗೆ ಹಾಕಿದ ಜನ| ಹಿರೇಹಡಗಲಿಯ ಈ ಇಬ್ಬರು ವ್ಯಕ್ತಿಗಳು ದಾವಣಗೆರೆಯ 556 ಕೊರೋನಾ ಸೋಂಕಿತ ವ್ಯಕ್ತಿಯ ಸಂಪರ್ಕ ಹೊಂದಿದ್ದಾರೆ| ಅವರನ್ನು ಹೂವಿನಹಡಗಲಿ ಐಸೋಲೇಷನ್‌ ವಾರ್ಡ್‌ನಲ್ಲಿ ಇಡಲಾಗಿದೆ ಎಂಬ ಸುಳ್ಳು ಸುದ್ದಿ| 

ಹೂವಿನಹಡಗಲಿ(ಮೇ.03):  ಪಕ್ಕದೂರಿನಲ್ಲಿ ಕೊರೋನಾ ಬಂದಿದೆ ಎಂದು ಭಯ ಬಿದ್ದು, ಖರೀದಿಸಿದ್ದ ತರಕಾರಿಯನ್ನು ಮಹಿಳೆಯರು ಚರಂಡಿಗೆ ಚೆಲ್ಲಿರುವ ಘಟನೆ ತಾಲೂ​ಕಿ​ನ ಮಾಗಳ ಗ್ರಾಮದಲ್ಲಿ ಜರುಗಿದೆ.

ಗ್ರಾಮದಲ್ಲಿ ಶುಕ್ರವಾರ ಬೆಳಗ್ಗೆ ಹಿರೇಹಡಗಲಿಯ ತರಕಾರಿ ವ್ಯಾಪಾರಿಯೊಬ್ಬರಿಂದ ಜನ ತರಕಾರಿ ಖರೀದಿಸಿದ್ದಾರೆ. ಸಂಜೆ ವೇಳೆಗೆ ಹಿರೇಹಡಗಲಿ ಗ್ರಾಮದಲ್ಲಿ ಇಬ್ಬರಿಗೆ ಕೊರೋನಾ ಬಂದಿದೆ ಎಂಬ ವದಂತಿ ನಂಬಿ ಜನ ತರಕಾರಿಯನ್ನು ಚರಂಡಿಗೆ ಹಾಕಿದ್ದಾರೆ. 

ಹಿರೇಹಡಗಲಿಯ ಈ ಇಬ್ಬರು ವ್ಯಕ್ತಿಗಳು ದಾವಣಗೆರೆಯ 556 ಕೊರೋನಾ ಸೋಂಕಿತ ವ್ಯಕ್ತಿಯ ಸಂಪರ್ಕ ಹೊಂದಿದ್ದಾರೆ, ಅವರನ್ನು ಹೂವಿನಹಡಗಲಿ ಐಸೋಲೇಷನ್‌ ವಾರ್ಡ್‌ನಲ್ಲಿ ಇಡಲಾಗಿದೆ ಎಂಬ ಸುದ್ದಿ ಹರಡುತ್ತಿದಂತೆಯೇ ಜನ ಭಯಭೀತರಾಗಿದ್ದಾರೆ. ತರಕಾರಿಯಲ್ಲಿಯೂ ಕೊರೋನಾ ಇದೆ ಎಂದು ಭಯದಿಂದ ಖರೀದಿಸಿದ್ದ ತರಕಾರಿ ಎಲ್ಲ ಚರಂಡಿ ಪಾಲಾಗಿದೆ.