ಕೊರೋನಾ ನಿಗ್ರ​ಹಕ್ಕೆ ಭೂ ತಾಯಿಗೆ ಮೊರೆ..!

ಕೊರೋನಾ ಮಹಾಮಾರಿ ಎಲ್ಲೆಡೆ ತನ್ನ ಅಟ್ಟಹಾಸ ಮೆರೆಯುತ್ತಿದ್ದು, ಜನ ಜೀವನ ತತ್ತರಿಸಿದೆ. ಲಕ್ಷಾಂತರ ಜನರಿಗೆ ಕೊರೋನಾ ಮಹಾಮಾರಿ ಎದುರಾಗಿದ್ದು, ಈ ಬಗ್ಗೆ ಜಾಗೃತಿ ಮೂಡಿಸಲಾಗುತ್ತಿದೆ.

ಮಂಡ್ಯ (ಆ.31):  ದೇಶ​ದಲ್ಲಿ ತೀವ್ರ​ಗ​ತಿ​ಯಲ್ಲಿ ವ್ಯಾಪಿ​ಸು​ತ್ತಿ​ರುವ ಕೊರೋನಾ ನಿಗ್ರ​ಹ​ಪ​ಡಿ​ಸಲು ತಾಲೂ​ಕಿನ ಮೊತ್ತ​ಹಳ್ಳಿಯ ಯುವ​ಕರು ಭೂ ತಾಯಿಯ ಮೊರೆ ಹೋಗಿ​ ಭತ್ತದ ಪೈರಿನ ಮೂಲಕ ಕೊರೋನಾ ಜಾಗೃತಿ ಮೂಡಿ​ಸಿ​ದ್ದಾ​ರೆ. 

ಕೊರೋನಾ ಭಾರತ ಬಿಟ್ಟು ತೊಲಗು, ಮಾಸ್ಕ್‌ ಧರಿಸಿ, ಸಾಮಾ​ಜಿಕ ಅಂತ​ರ​ವಿ​ರಲಿ ಎಂಬ ಜಾಗೃತಿ ಸಂದೇ​ಶ​ಗ​ಳನ್ನು ಭತ್ತದ ಪೈರಿನ ಮೂಲ​ಕವೇ ಸೃಷ್ಟಿಸಿ ಎಲ್ಲರ ಗಮ​ನ​ಸೆ​ಳೆ​ದಿ​ದ್ದಾರೆ. ಮೊತ್ತ​ಹ​ಳ್ಳಿಯ ರಾಜು ಕಾಳಪ್ಪ ಅವರ ಜಮೀ​ನಿ​ನಲ್ಲಿ ಕೊರೋನಾ ಜಾಗೃತಿ ಪೈರು ರಚಿಸಿದ್ದಾರೆ.

ಹರ್ಷಿತ್‌ ಮುಡೆ, ದಿಲೀಪ್‌, ಮಹ​ಮ್ಮದ್‌ ಎಂಬು​ವರು ವಿನೂ​ತನ ಪ್ರಯ​ತ್ನ​ದೊಂದಿಗೆ ಸೋಂಕಿನ ಬಗ್ಗೆ ಜನ​ರಲ್ಲಿ ಅರಿವು ಮೂಡಿಸುವ ಪ್ರಯತ್ನ ನಡೆ​ಸಿದ್ದಾ​ರೆ.

ದೇಶದಲ್ಲಿ ಈಗಾಗಲೇ ಕೊರೋನಾ ಮಹಾಮಾರಿ ತನ್ನ ಅಟ್ಟಹಾಸ ಮೆರೆಯುತ್ತಿದೆ. ಲಕ್ಷಾಂತರ ಜನರು ಸೋಂಕಿಗೆ ಒಳಗಾಗಿದ್ದು, ಸಾವಿರಾರು ಜನರು ಬಲಿಯಾಗಿದ್ದಾರೆ. ದಿನದಿನಕ್ಕೂ ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತಲೇ ಇದೆ. 

ಮಂಡ್ಯ ಜಿಲ್ಲೆಯೂ ಕೂಡ ಕೊರೋನಾ ಮಹಾಮಾರಿ ಅಟ್ಟಹಾಸಕ್ಕೆ ನಲುಗಿದೆ. ಸಾವಿರಾರು ಜನರು ಕೊರೋನಾದಿಂದ ಬಳಲಿದ್ದಾರೆ.