ಮಡಿಕೇರಿ : ಕೊರೋನಾ ಸೋಂಕು ಮುಕ್ತ ಹಳ್ಳಿ ಅಭಿಯಾನ

‘ನಮ್ಮ ವಾರ್ಡ್‌ ಕೊರೋನಾ ಮುಕ್ತ ವಾರ್ಡ್‌’ ಮತ್ತು ‘ನಮ್ಮ ಗ್ರಾಮ ಕೊರೋನಾ ಮುಕ್ತ ಗ್ರಾಮ’ ಎಂಬ ಕಾರ್ಯಕ್ರಮಕ್ಕೆ ಚಾಲನೆ ಕೊಡಿನಲ್ಲಿ ಕೊರೋನಾ ಮುಕ್ತ ಗ್ರಾಮಕ್ಕಾಗಿ ಅಭಿಯಾನ ಅಭಿಯಾನಕ್ಕೆ ಚಾಲನೆ ನೀಡಿದ ಜಿಲ್ಲಾಧಿಕಾರಿ 

ಮಡಿಕೇರಿ (ಮೇ.23):  ಪ್ರಧಾನಿ ನರೇಂದ್ರ ಮೋದಿ ಅವರ ಕರೆಯ ಹಿನ್ನೆಲೆಯಲ್ಲಿ ನಗರದ ಭಾರತೀಯ ಜೀವ ವಿಮಾ ಕಚೇರಿ ಬಳಿ ‘ನಮ್ಮ ವಾರ್ಡ್‌ ಕೊರೋನಾ ಮುಕ್ತ ವಾರ್ಡ್‌’ ಮತ್ತು ‘ನಮ್ಮ ಗ್ರಾಮ ಕೊರೋನಾ ಮುಕ್ತ ಗ್ರಾಮ’ ಎಂಬ ಕಾರ್ಯಕ್ರಮಕ್ಕೆ ಜಿಲ್ಲಾಧಿ​ಕಾರಿ ಚಾರುಲತಾ ಸೋಮಲ್‌ ಶನಿವಾರ ಚಾಲನೆ ನೀಡಿದರು.

ಜಿಲ್ಲಾಧಿ​ಕಾರಿಗಳೊಂದಿಗೆ ಇತ್ತೀಚೆಗೆ ಪ್ರಧಾನಿ ಮೋದಿ ಸಂವಾದದ ವೇಳೆ ಕೊರೋನಾ ಮುಕ್ತ ಗ್ರಾಮ, ವಾರ್ಡ್‌ ಅಭಿಯಾನಕ್ಕೆ ಕರೆ ನೀಡಿದ್ದರು. ಅದರಂತೆ ಕೊಡಗು ಜಿಲ್ಲೆಯಲ್ಲಿ ಅಭಿಯಾನ ಶುರುವಾಗಿದೆ. ಜನತೆಯಲ್ಲಿ ಜಾಗೃತಿ ಮೂಡಿಸಿ ಸೋಂಕು ನಿಯಂತ್ರಣಕ್ಕೆ ಕ್ರಮ ವಹಿಸಲಾಗುತ್ತಿದೆ.

ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾ​ಧಿಕಾರಿ ಡಾ.ಕೆ.ಮೋಹನ್‌, ಡಾ.ಆನಂದ, ಡಾ.ಮಹೇಶ್‌, ತಹಸೀಲ್ದಾರ್‌ ಮಹೇಶ್‌, ಪೌರಾಯುಕ್ತರಾದ ರಾಮದಾಸ, ಕಾರ್ಮಿಕ ಅಧಿ​ಕಾರಿ ಅನೀಲ್‌ ಬಗಟಿ, ತಾಲೂಕು ವೈದ್ಯಾಧಿ​ಕಾರಿ ಡಾ.ಮಂಜುನಾಥ, ನಗರಸಭೆ ಸದಸ್ಯರು ಇತರರು ಇದ್ದರು.