ಕೊಲ್ಲೂರು : ಭಕ್ತರಿಗೆ ಗುರುತಿನ ಚೀಟಿ ಕಡ್ಡಾಯ

ಕೊಲ್ಲೂರು ಮೂಕಾಂಬಿಕೆಯ ದರ್ಶನಕ್ಕೆ ಇನ್ನುಮುಂದೆ ಆಧಾರ್‌ ಸೇರಿದಂತೆ ಪಾನ್‌ ಕಾರ್ಡ್‌, ಲೈಸೆನ್ಸ್‌ ಯಾವುದಾದರೂ ಒಂದು ಗುರುತಿನ ಚೀಟಿ ನೀಡುವುದು ಕಡ್ಡಾಯ   ಉಡುಪಿ ಜಿಲ್ಲಾ​ಧಿಕಾರಿ ಆದೇಶದಂತೆ ಶನಿವಾರದಿಂದಲೇ ಈ ಕ್ರಮ ಜಾರಿ

ಬೈಂದೂರು (ಸೆ.05): ಕೊಲ್ಲೂರು ಮೂಕಾಂಬಿಕೆಯ ದರ್ಶನಕ್ಕೆ ಇನ್ನುಮುಂದೆ ಆಧಾರ್‌ ಸೇರಿದಂತೆ ಪಾನ್‌ ಕಾರ್ಡ್‌, ಲೈಸೆನ್ಸ್‌ ಯಾವುದಾದರೂ ಒಂದು ಗುರುತಿನ ಚೀಟಿ ನೀಡುವುದು ಕಡ್ಡಾಯ ಎಂದು ದೇವಸ್ಥಾನದ ಆಡಳಿತ ಮಂಡಳಿ ಪ್ರಕಟಿಸಿದೆ.

 ಉಡುಪಿ ಜಿಲ್ಲಾ​ಧಿಕಾರಿ ಆದೇಶದಂತೆ ಶನಿವಾರದಿಂದಲೇ ಈ ಕ್ರಮ ಜಾರಿಗೆ ಬಂದಿದೆ. ಈ ಹಿನ್ನೆಲೆಯಲ್ಲಿ ಪ್ರತಿಯೊಬ್ಬ ಭಕ್ತರೂ ದೇವಸ್ಥಾನ ಪ್ರವೇಶಿಸುವ ಮೊದಲು ತಮ್ಮ ಗುರುತಿನ ಚೀಟಿ ತೋರಿಸಬೇಕು ಜೊತೆಗೆ ಪ್ರವೇಶದ್ವಾರದಲ್ಲಿ ಭಕ್ತಾದಿಗಳ ಹೆಸರು, ಊರು ಹಾಗೂ ಸಂಪರ್ಕ ಸಂಖ್ಯೆಯನ್ನು ದಾಖಲಿಸಲಾಗುತ್ತದೆ ಎಂದು ದೇವಸ್ಥಾನದ ಕಾರ್ಯನಿರ್ವಹಣಾ​ಧಿಕಾರಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. 

ಅಲ್ಲದೇ ಕೇರಳದ ಭಕ್ತರಿಗೆ ಆಧಾರ್‌ ಜೊತೆ 72 ಗಂಟೆಗಳ ಒಳಗಿನ ಕೋವಿಡ್‌ ಆರ್‌ಟಿಪಿಸಿಆರ್‌ ನೆಗೆಟಿವ್‌ ವರದಿ ಕಡ್ಡಾಯವಾಗಿದೆ.