ಮೆಟ್ರೋ ಪ್ರಯಾಣಿಕರಿಗೆ ಗುಡ್ ನ್ಯೂಸ್

ಮೆಟ್ರೋ ಪ್ರಯಾಣಿಕರಿಗೆ ಗುಡ್ ನ್ಯೂಸ್. ನಾಳೆಯಿಂದ ಆರು ಬೋಗಿಯ ಮೆಟ್ರೋ ಓಡಾಟಕ್ಕೆ ಸಿದ್ಧವಾಗಿದೆ. 

ಬೆಂಗಳೂರು, [ಅ.3]: ನಾಳೆಯಿಂದ ಅಂದರೆ ಗುರುವಾರದಿಂದ ಎರಡನೇ ಆರು ಬೋಗಿಯ ಮೆಟ್ರೋ ಓಡಾಟಕ್ಕೆ ಸಿದ್ಧವಾಗಿದೆ. 

ಮುಖ್ಯಮಂತ್ರಿ ಎಚ್. ಡಿ. ಕುಮಾರಸ್ವಾಮಿ ಅವರು 6 ಬೋಗಿಯ ಮೆಟ್ರೋಗೆ ಹಸಿರು ನಿಶಾನೆ ತೋರಲಿದ್ದು,  ಈ ಮೆಟ್ರೋ ಮೆಜೆಸ್ಟಿಕ್ ನಿಂದ ಬೈಯಪ್ಪನಹಳ್ಳಿ ವರಗೆ ಸಂಚರಿಸಲಿದೆ.

ಬೈಯಪ್ಪನ ಹಳ್ಳಿ - ಮೈಸೂರು ರಸ್ತೆ ಮಾರ್ಗದಲ್ಲಿ ಸಂಚಾರ ದಟ್ಟಣಿ ಹೆಚ್ಚಿರುವ ಹಿನ್ನೆಲೆಯಲ್ಲಿ ನೂತನ 6 ಬೋಗಿ ಮೆಟ್ರೋ ಸಂಚರಿಸಲಿದ್ದು, ಇದರಲ್ಲಿ ಒಂದೇ ಸಲ 2,004 ಪ್ರಯಾಣಿಕರು ಪ್ರಯಾಣಿಸಬಹುದಾಗಿದೆ.

ಒಟ್ಟು 1463 ಕೋಟಿ ವೆಚ್ಚದಲ್ಲಿ 150 ಹೊಸ ಬೋಗಿ ಪೂರೈಸಲು ಬಿಎಂಆರ್ ಸಿಎಲ್ , ಬಿಇಎಂಎಲ್ ಜತೆ ಒಪ್ಪಂದ ಮಾಡಿಕೊಂಡಿದೆ. ಈ ಪೈಕಿ ಈಗಾಗಲೇ 6 ಬೋಗಿ ಪೂರೈಕೆ ಮಾಡಿದ್ದು, ಇನ್ನು 144 ಬೋಗಿ ಪೂರೈಕೆ ಮಾಡವುದು ಬಾಕಿ ಇದೆ. ಮುಂದಿನ ವರ್ಷ ಜೂನ್ ಒಳಗಡೆ ಇನ್ನುಳಿದ ಬೋಗಿಯನ್ನು ಬಿಇಎಂಎಲ್ ಪೂರೈಸಬೇಕಿದೆ